Discussion polìtich, mozion, att in del Consili Comunal
del Comün de Gènova
a cüra de Roberto Quaglia
| Durant vüna di soe identità (in la quala l'ha indossaa ad art la màschera de ona sorta de pseudo-serietà) Roberto Quaglia l'è staa Consilier Comunal e Capogrupp de la Lista Pannella in del Consili Comunal de Gènova de l'inizi del 1995 a la fin del 1997. A la scadenza elettoral, nonostant i vari offert per ona ricandidadüra, el gh'ha decis de presentàss minga a i elezion, e adess el se dedica a facend decisament pussee important e ben distant de la politica. La politica l'è servida domà a imparà certi robb. Per esempi che nagott de quant te legiaree sü sti pagin l'è de fatt servii a Gènova e ai genovees o a chicchessia. NISSÜNA di mozion faticosament condott a aprovazion de Roberto Quaglia l'è poeu stada mettüda in att de la giunta (in total sprezz, inscì, de la dignità del Consili Comunal) e, pesg ancamò, el Consili Comunal istess el se n'è belament fregaa de la sistemàtica inadempienza de la giunta rispett a i votazion consiliar (soratutt quii de Quaglia). Ciapaa att de tütt quest, Roberto Quaglia el gh'ha avüü el bon gust de tornà a ocupàss de robb seri. Come el surrealismo. |
| Quell che el segue l'è on resti fòssil de quell period, e domà in quant tal el va ciapaa in considerazion. |
| Credi che l'avent de Internet el trasformarà profondament el rapport tra i citadin e i sò elett in di istitüzion. Internet el podarà fornì in futur ona trasparenza total sora tütt i att polìtich e aministrativ. Fin del Gener 1997 mì me stoo batend, in del Consili Comunal de Gènova, per impegnà el Comün a mett sü Internet tütt i att pussee significativ sò, al scopo de garantì ai citadin la possibilità de seguì in detali i atività de Sìndegh, Giunta e singoi Assessor e Consilier. I citadin gh'hann el pien diritt de podè savè come se compòrten in detali i sò elett e i sò aministrator pùblich. De incoeu, Internet el forniss el mezz ideal per dà concreta eficacia a sto diritt. |
|
Sta pàgina la contègn certi mozion portaa de mì in discussion in del Consili Comunal de Gènova. Per certi mozion hoo ritegnüü ütil mett online tuta la discussion efetuada in Consili. Trovaree a riguard ogni parola pronunciada de Consilier e Assessor. Tütt
i intervent. Tütt i posizion. Tütt i votazion. E anca quaic rassegna stampa. L'è on esempi che hoo vorüü fornì sora come el podarà vess impostada la messa online di verbai de Consili Comunal de ona granda città. El mè esempi e el mè tentativ hinn per el moment ünich in Italia. Speri de perd quant primma possibil sto inütil privilegi. |
Roberto Quaglia, 1997
Consilier Comunal e Capogrupp
Credii de podè minga restà esterefaa de la mia ? ? ? |
| Ecco el somari di document polìtich chì disponibil: |  |
| Sta tabela la comprend certi document prodott de mì durant la inscì ditta mia atività politica, compres vari mè discors. Foo pü el Consilier Comunal, inscì fee minga cas al fatt che de sti document el par inveci ancamò de sì. Entree comunque a risi e perìcol voster. | |
- Mozion per l'organizzazion a Gènova de ona manifestazion sora el futur e sora la fantascienza, e relativ intervent.
- Mozion per l'organizzazion a Gènova de ona manifestazion cultural sora la cultüra rumena contemporanea, e relativ intervent.
- Prima Mozion (Lüj '96) per impegnà el Comün de Gènova a promoeuv la propria imàgin sü Internet; segue tuta la discussion in del Consili Comunal, comprendent tütt i intervent in aula.
- Segonda mozion (Febrar '97) per impegnà el Comün de Gènova a promoeuv la propria imàgin sü Internet e garantì la trasparenza sora i att aministrativ. Segue tuta la discussion in del Consili Comunal, comprendent tütt i intervent in aula.
- Mozion per dervì la discussion sora el tema di rümor seral in del Centro Stòrich de Gènova, in seguit a ona rivitalizzazion del medesim.
- Mozion sora la legalizzazion di derivaa de la cannabis e a l'üso terapeutich de oppiacei. Segue: trascrizion integral de tuta la discussion a riguard.
- Ordin del Dì sora l'emergent problema de la schiavitü a fin de prostitüzion a Gènova come in di alter città italiann. (nòta postüma: a l'època (1997) in doe hoo presentaa sta mozion hoo definii el fenòmen "schiavitü" inscì suscitand la ilarità de paricc consilier e la indifferenza de quasi tütt i alter. A l'època (1997) la parola schiavitü la vegniva quasi mai doperada in merit a sto problema e menzionàrla in on consili comunal l'era considera quantomen stravagant. Incoeu la l'è entrada in del vocabolari comün de giornalista e polìtich)
