Discussiones polìticas, motziones, atos in su Consìgiu Comunale
de su Comunu de Gènova
a incuru de Roberto Quaglia
| Durante una de sas identidades suas (in sa cale at bestidu cun arte sa màschera de una sorta de pseudo-seriedade) Roberto Quaglia est istadu Consigeri Comunale e Capugrupu de sa Lista Pannella in su Consìgiu Comunale de Gènova dae su cumintzu de su 1995 a sa fine de su 1997. A s'iscadèntzia eletorale, mancari sas vàrias ofertas pro una ricandidadura, at detzìdidu de no si torrare a presentare a sas eletziones, e immoe si dèdicat a fainas detzisamente prus de importu e bene addesumadas dae sa polìtica. Sa polìtica est serbida isceti a imparare calicuna cosa. Pro esèmpiu chi nudda de cantu ais a lèghere in custas pàginas est de fatu serbidu a Gènova e a sos genovesos o a chie si siat. PERUNA de sas motziones faticosamente giutas a aprovatzione dae Roberto Quaglia est posca istada posta in atu dae sa giunta (in totale isprètziu, gasi, de sa dignidade de su Consìgiu Comunale) e, pejus galu, su matessi Consìgiu Comunale si nd'est bellamente afutidu de sa sistemàtica inadempièntzia de sa giunta respetu a sas votatziones consiliares (mescamente cussas de Quaglia). Leadu atu de totu custu, Roberto Quaglia at tentu su bonu gustu de torrare a s'ocupare de cosas serias. Comente su surrealismu. |
| Su chi sighit est unu residuu fòssile de cussu perìodu, e isceti in cantu tale depet èssere leadu in cunsideru. |
| Creo chi s'avventu de Internet at a trasformare a fundu su raportu tra sos tzitadinos e sos elètidos issoro in sas istitutziones. Internet at a poder frunire in benidore una trasparèntzia totale subra totu sos atos polìticos e amministrativos. Dae ghennàrgiu 1997 deo mi so batende, in su Consìgiu Comunale de Gènova, pro impinnare su Comunu a pònnere in Internet totu sos atos prus significativos suos, cun s'iscopu de garantire a sos tzitadinos sa possibilidade de sighire in detàlliu sas atividades de Sìndigu, Giunta e singulos Assessores e Consigeris. Sos tzitadinos tenent su plenu deretu de poder ischire comente si cumportant in detàlliu sos elètidos issoro e sos amministradores pùblicos issoro. Dae oe, Internet frunit su mèdiu ideale pro dare cuncreta eficàtzia a custu deretu. |
|
Custa pàgina cuntenet calicuna motzione dae me giuta in discussione in su Consìgiu Comunale de Gènova. Pro calicuna motzione apo retentu ùtile pònnere online sa discussione intrea efetuada in Consìgiu. Ais a agatare a riguardu ogni faeddu pronuntziadu dae Consigeris e Assessores. Totu
sos interventos. Totu sas positziones. Totu sas votatziones. E fintzas calicuna arressegna de imprenta. Est unu esèmpiu chi apo chèrfidu frunire subra comente at a poder èssere impostada sa pònnida online de sos verbales de Consìgiu Comunale de una manna tzitade. S'esèmpiu meu e su tentativu meu sunt pro su momentu ùnicos in Italia. Ispero de pèrdere su prus a lestru possìbile custu inùtile privilègiu. |
Roberto Quaglia, 1997
Consigeri Comunale e Capugrupu
Creides de poder no abarrare esterefatos dae sa mia ? ? ? |
| Eccu su summàriu de sos documentos polìticos inoghe a disponimentu: |  |
| Custa tabella cumprendet calicunu documentu dae me produidu durante sa gasi narada atividade polìtica mia, cumpresos vàrios discursos mìos. No fatzo prus su Consigeri Comunale, gasi no fetzas casu a su fatu chi dae custos documentos paret imbetzes galu de emmo. Intrade comunque a riscu e perìculu bostru. | |
- Motzione pro s'organizatzione a Gènova de una manifestatzione subra su benidore e subra sa fantascièntzia, e relativu interventu.
- Motzione pro s'organizatzione a Gènova de una manifestatzione culturale subra sa cultura rumena cuntemporànea, e relativu interventu.
- Prima Motzione (Triulas '96) pro impinnare su Comunu de Gènova a promòvere sa pròpia imàgine in Internet; sighit sa discussione intrea in su Consìgiu Comunale, cumprendende totu sos interventos in aula.
- Segunda motzione (Freàrgiu '97) pro impinnare su Comunu de Gènova a promòvere sa pròpia imàgine in Internet e garantire sa trasparèntzia subra sos atos amministrativos. Sighit sa discussione intrea in su Consìgiu Comunale, cumprendende totu sos interventos in aula.
- Motzione pro aberrere sa discussione subra su tema de sos remores serales in su Tzentru Stòricu de Gènova, in sighida a una rivitalizatzione de su matessi.
- Motzione subra sa legalizatzione de sos derivados de sa cannabis e a s'impreu terapèuticu de oppiàceos. Sighit: trascritzione integrale de totu sa discussione a riguardu.
- Òrdine de sa Die subra su emergente problema de sa isciavitude a fine de prostitutzione a Gènova comente in sas àteras tzitades italianas. (nota postuma: a s'època (1997) in ue presentei custa motzione definei su fenòmenu "isciavitude" gasi suscitende s'ilaridade de medas consigeris e s'indiferèntzia de belle totu sos àteros. A s'època (1997) su faeddu isciavitude no beniat belle mai impreadu in contu de custu problema e mentzionàrelu in unu consìgiu comunale fiat cunsideradu a su mancu istravagante. Oe issu est intradu in su vocabulàriu comunu de giornalistas e polìticos)
--- ARRESSEGNA DE IMPRENTA ---
