In del 1962 Roberto Quaglia el vègn a sto mond riessend pü a tornà a l'alter. El decidet alora de ambientàss.
Primma l'è cressüü, proteso vers i dimension e poeu i form attual, senza trascurà de liberàss de tücc quii cavij che ghe servìven minga. Ciapaa possess del spazi ocupaa de sé, l'ha afrontaa el temp che ghe coreva adoss. Come prodott de scart de la soa permanenza spaziotemporal retrovemm fümett, fotografie de ricerca, , carta scrivüda, e notevol resti de resti orgànich. L'è staa però domà quand in tropp se hinn miss soratutt a leng che el s'è incorgiüü de vess soratutt on scritor che el s'era soratutt convint de vèssel. De quell moment, coerentement, el gh'ha soratutt scrivüü, dismentegandes, in di moment pussee ossessiv, adiritüra de viv, riessend però a sopraviv ugualment. Nonostant el sia ancamò relativament pocch nòt in Italia, Roberto Quaglia l'è incoeu vün di scritor pussee originalment iconoclast in circolazion. I sò numeros scritt (quatter roman abondant, quaranta cunt, des comedie, düü racolt de sagg, on clamoros tòm de 500 pagin sora l'11 settember, ecc.), paradossalment (ma minga tropp...) in bona part inedit in Italia, hinn inveci tradott in vari lengov, e pubblicaa in di paes inscì ditt forestee in fort tiradüra e con notevol sucess. l'ültima opera de Roberto l'è on incredibil liber scrivüü insema al scritor britànich Ian Watson. Certi cunt de sto liber hinn staa pubblicaa sü rivist e antologie in Canada, USA e Italia. Alter hinn comparì sü rivist online.
In paricc circoi letterari, i sò test hinn sorprendentement diventaa oget de cult. Hinn nòt anca tanti cas in di qual a vess costrett a oget de cult, a furor de popol, l'è staa el medesim Roberto Quaglia. El mister el continua...
Tra parentesi , a cavall tra i ann 80 e 90 el gh'ha gestii la Panteca de Gènova. Per i feticista di formalità, riportemm che del 1995 al 1997 come conseguenza de ona campagna elettoral surrealista el s'è retrovaa a vess anca Consilier Comunal a Gènova, ona esperienza interessanta anca de on pont de vista antropològich. Del 2002 l'è vicepresident de laESFS (European Science Fiction Society)
Tütt quest l'è domà on esempi. |
Come Cristoforo Colombo Roberto Quaglia el pioeuv de Genoa, indove l'è staa barman e Consilier Comunal primma de diventà on esplorator, in del sò cas de l'Est Europa e del Surrealismo. Adess l'è de cà a Bucarest. Tanti voeult Robert Sheckley el gh'ha vivüü con Roberto in Italia e Romania, e in la granda vègia e bianca Mercedes de Roberto, scrivend anca ona prefazion al surreal e satìrich dòppi romanz de fantascienza sò Pane, Burro e Paradossina (pubblicaa in ingles de Delos international). Roberto e Ian ciapàren inizialment a collaborà a ona serie de cunt “My Beloved” in on albergh misteriosament voeuj sora ona boscosa collina visin a la frontiera tra Ungheria e Slovacchia in del 2003. Ex fotografo vincitor de premi, Roberto el continua a scatà migliara de foto. El sò barba el viv a Mònich de Baviera, inscì lü el gh'ha de parlàgh in todesch; ma imparà el rumen l'ha destrütt el frances de Roberto, inscì l'è ben che lü el gh'abbia minga on barba a Parigi.
|
Roberto Quaglia de Genoa de solit el viv a Bucarest parland rumen, anca se adess el sa anca imità el rüss assee de convince i rüss che lü el staga effettivament parland rüss. Come conseguenza, el gh'ha recentement posaa per l'edizion russa de Penthouse. L'amirazion per Bob Sheckley l'è la causa per cui Roberto el gh'ha invidaa Sheckley in Italia, per poeu scarozzàll intorna per l'Europa per divers ann in la granda Mercedes bianca soa etichettada www.surreal.info fin a che i letter scivolàren minga via del lunòtt posterior. Ex-barman, premiaa fotografo, e ona voeulta Consilier Comunal surrealista de Gènova, Roberto l'è autor del esilarant dòppi romanz Pane, Burro e Paradossina disponibil in ingles – e in pü l'è Vice-President de la Associazion Europea de Fantascienza (ESFS), la quala la presied i Eurocons che se tègnen in divers nazion come la Bulgaria e l'Ucraina recentement, e in del 2007 la Danimarca. Roberto e Ian començàren a scriv storie insema in on stranament desert albergh in on collinos bosch visin al confin ungheres/slovacch in del 2003, e adess gh'è on liber inter, The Beloved of My Beloved, avidament a la ricerca de on coragios e matt editor. Alter cunt de sto progettaa volüm hinn sü Helix, Clarkesworld e Flurb. Vün l'è in Lust for Life e on alter l'è in Weird Tales e Robot.
|
