Contribut e donazion

QUANT DANEE SE PÖ MANDÀ A ROBERTO QUAGLIA?

Gh'è minga ona cifra fissa. E gh'è minga on limit. Certi persònn mànden domà quaic Euro a Roberto Quaglia, ona cifra simbòlica. Pussee de spess, chi el vör contribuì a la vita de Roberto Quaglia el fa con almen 10 Euro - el cost de ona pizza e ona minerala. Tanti persònn contribuissen però anca con cifr pussee ingent. L'è minga rar che el contribut el rìva anca a 100 Euro e pussee. Persònn de grand valor hann contribuii anca con 1000 (mila) Euro. Chi el gh'ha tant el pö dà tant. Anca diesmila Euro o centmila Euro saríen contribut grazit. Del milion de Euro in sü se otten on special certificaa de autèntega benemerenza.

PERCHÉ ONA PERSONA PÖ MANDÀ DANEE A ROBERTO QUAGLIA?

Innanzitutt perché Internet el permett rendendola on'operazion breva e sempia. Gh'è po' vari motivazion che indüsen i persònn a mandà danee a Roberto Quaglia. Certi mànden danee a Roberto Quaglia sempliciament perché quest el par a lor ona bona idea. Gh'è quaicoss, in Roberto Quaglia, che el fa vegnì a lor voeuja de fà quaicoss per lü, ma, savend minga esattament coss, i indüs a mandàgh on poo de danee, savend che lü el gradirà.

Alter persònn mànden danee a Roberto Quaglia perché el retègnen on diritt lor. L'è on diritt sacrosant de ogni persòna libera de scernì coss fà del propri danee. Sti persònn el sann, e aprezzand i atività de Roberto Quaglia intènden fermament de sostègnii con on contribut personal propri. Preferissen de gran lunga che on poo del lor danee el vaga a Roberto Quaglia inveci che ai solit parassit e avoltor.

Gh'è persònn che mànden danee a Roberto Quaglia sempliciament perché quest el fa stà mej. A lor interessa minga savè perché ogni tant regàlen danee a Roberto Quaglia. A lor interessa domà che quest el fa stà ben. La prima voeulta de solit esiten, dato che hann mai faa quaicoss del gener, inscì, senza on motiv precis. Poeu, quasi senza pensàgh, prèmen sora el boton "Make a donation" e mànden el primm lor danee. Se ne pentissen mai. L'è ona roba che i rend pussee seren. Ogni voeulta.

Certi individ mànden danee a Roberto Quaglia perché l'è on status symbol. Minga tucc poden francament vantàss de avè mandaa danee a Roberto Quaglia. Domà chi l'ha inscì denver faa el pö asserì ona roba del gener senza on dì riscià de perd la faccia. A sti persònn el pias podè dì: Mì sont staa vün di primm a mandà danee a Roberto Quaglia. Chi el pö dàgh tort?

Alter persònn preferissen mandà danee a Roberto Quaglia perché el disprèzzen. Certi anca perché el òdien. Mandà danee a Roberto Quaglia l'è per lor on mœud de umiliàll. Lor dimòstren la lor superiorità rispett a Roberto Quaglia costringendoll a accetà el lor danee. L'è ona scelta anca questa, che nissün el gh'ha el diritt de biasimà.

Certi gh'hann minga ben ciar in ment perché mai el dovaríen mandà danee a Roberto Quaglia. Per quest, primma de decid, lor immàginen come se sentiràn dopo avèll faa. L'è ona sensazion gradevola. Come tütt i piasè de la vita, l'origin de la sensazion de piasè l'è misteriosa, ma quest la rend domà pussee attraent. Immaginàss come se sentirà dopo avè mandaa el propri contribut l'è el mœud mej per savè con certezza se e quant danee se sent de vorè mandà a Roberto Quaglia.

*Mandà danee a Roberto Quaglia l'è vün di possibil mœud de interagì con lü. La vita l'è on fenòmen biològich e spiritual faa de relazion e transazion de energia tra i individ. Certi form de relazion hinn pussee compless e eleganti, alter hinn pussee sempi e contàbil. L'amor l'è indubbiament el contribut pussee eclatant che podemm ofrì a chi ne pias, ma minga semper el rìva a destinazion e el prodüs i sò efett. El danee el sarà minga pregn di medesim "quant" de pür spirit, tuttavia almen semm sicür che el rìva a destinazion (soratutt doperand Paypal) e el prodüs effettivament i sò anca ümil efett. Provà per cred.

Se vorii contatà sto mütant
che col temp el càmbia la soa faccia,
savii come fà.

Se el savii minga, CLICCHEE CHÌ

Se savii minga come fà, lassee perd

Ultima modifica, 23 ottober 2003

Tütt i test e i imàgin contegnüü in "Astounding Quagliaspace", poden vess legiüü, vardaa, adoraa, scaregaa sül computer, stampaa e tacaa sü in la propria cameretta, e copiaa senza limit, DOMÀ PER ÜSO PERSONAL. Tütt i test e i illustrazion hinn proprietà de Roberto Quaglia e poden minga vess doperaa intregh o in part senza permess. El progett gràfegh e i component gràfich de sti pagin hinn proprietà riservada de Roberto Quaglia. Nagott de quest el pö vess miss in vendita o comunque commercializzaa a nissün titol senza permess primma.