Discusiån polétichi, moziån, ât int al Consèli Comunèl
dal Cmun ed Gènova
a cûra ed Roberto Quaglia
| Durànt óna däli så identitè (int la quèl al mités ad ârt la mâschera ed una sôrta ed pseudo-serietè) Roberto Quaglia l'é stè Consiglîr Comunèl e Capogróp dla Lista Pannella int al Consèli Comunèl ed Gènova dal prinzéppi dal 1995 ala fén dal 1997. Ala scadänza eletorèl, nonostànt äli vâri ufêrt par una ricandidatûra, l'à decîṡ ed brîṡa ripreṡentères ali eleziån, e adès al s dêdica a fazändi decidamänt pió impurtànti e bän distanti dala polética. La polética l'à servé såul a imparèr quèlch cås. Par eṡénpi che gnínt ed quant a lżarî in vatta a sti pâgini l'é difâti servé a Gènova e ai genovîṡ o a chicessîa. INCIÓNA däli moziån faticåuṡamänt cundótti a aprovaziån da Roberto Quaglia l'é dåp stè métta in ât dala żónta (in totèl spröz, dånca, dla dignitè dal Consèli Comunèl) e, pîṡ ancåura, al Consèli Comunèl istàss al s in é belamänt fregè dla sistemâtica inadempiänza dla żónta rispèt ali votaziån consilièri (såver tótt cäli ed Quaglia). Ciapè ât ed tótt quasst, Roberto Quaglia l'à avó al bån góst ed turnèr a ocupères ed cås sêri. Cme al surealîṡum. |
| Quall ch'al vén dåp l'é un reṡidui fåsil ed chal perîod, e såul in quant tèl al va ciapè in consideraziån. |
| A crädd che l'avänt ed Internet al trasfurmarà profondamänt al rapôrt tra i citadén e i sû elèt int äli istituziån. Internet al psrà furnîr int al futûr una trasparänza totèl in vatta a tótt i ât polétich e aministratîv. Fén dal Znèr 1997 mé a m stâg batänd, int al Consèli Comunèl ed Gènova, par impegnèr al Cmun a métter in vatta a Internet tótt i sû ât pió significatîv, al scåp ed garantîr ai citadén la possibilitè ed seguîr in detâli äli ativitè ed Sénnach, Żónta e singol Asesûr e Consiglîr. I citadén i an al pîn dirétt ed psair savair cme i s cumpôrten in detâli i sû elèt e i sû aministratûr públich. Da incû, Internet al furnéss al mèż ideèl par dèr concrêta eficâzia a tèl dirétt. |
|
Sta pâgina la cuntén quèlch moziån purtè da mé in discusiån int al Consèli Comunèl ed Gènova. Par quèlch moziån a i ò ritgnó ûtil métter online tótta la discusiån efetuè in Consèli. A truvarî a rigôrd ògni parôla pronunzièda da Consiglîr e Asesûr. Tótti
äli posiziån. Tótti äli posiziån. Tótti äli votaziån. E anc quèlch raségna stanpa. L'é un eṡénpi ch'a i ò vló furnîr in vatta a cme al psrà èser impostè la métta online di verbèl ed Consèli Comunèl ed una granda zitè. Al mî eṡénpi e al mî tentatîv i én par al mumänt ónich in Itâglia. A spêr ed pêrder quant prémma possébbil st'inótil privilêgi. |
Roberto Quaglia, 1997
Consiglîr Comunèl e Capogróp
A cardî ed psair brîṡa restèr esterefât dala mî ? ? ? |
| Ecco al sumèri di documänt polétich qué disponébbil: |  |
| Sta tabèla la comprànd quèlch documänt fât da mé durànt la mî acsé détta ativitè polética, comprais dṡvêrs mî discûrs. An fâg pió al Consiglîr Comunèl, dånca an fè brîṡa câṡ al fât che da sti documänt al pèr invêzi ancåura ed sé. Entrè comónqued a våster réṡich e perîgcol. | |
- Mozione par l'organizaziån a Gènova ed una manifestaziån in vatta al futuro e in vatta ala fantascienza, e relatîv intervänt.
- Mozione par l'organizaziån a Gènova ed una manifestaziån culturèl in vatta ala cultura rumena contemporânea, e relatîv intervänt.
- Prémma Moziån (Lói '96) par impegnèr al Cmun ed Gènova a promåver la så imâgin in vatta a Internet; al vén dåp tótta la discusiån in Consèli Comunèl, comprendänt tótt i intervänt in aula.
- Seconda mozione (Fervèr '97) par impegnèr al Cmun ed Gènova a promåver la så imâgin in vatta a Internet e garantîr la trasparenza in vatta ai ât aministratîv. Al vén dåp tótta la discusiån in Consèli Comunèl, comprendänt tótt i intervänt in aula.
- Mozione par arîr la discusiån in vatta al tèma di rumûr serèl int al Zänter Stårich ed Gènova, in seguit a una rivitalizaziån dl'istàss.
- Mozione in vatta ala legalizzazione di derivè dla cannabis e a l'ûṡ terapêutich ed oppiâzi. Al vén dåp: trascriziån integrèl ed tótta la discusiån a riguardo.
- Ôrden dal Żåuren in vatta a l'emergänt problêma dla schiavitù a fén ed prostituzione a Gènova cme int äli ètri zitè itagliàni. (nôta póstuma: a l'êpoca (1997) in cui a presentè sta moziån a definè al fenåmen "schiavitù" acsé fâza gnîr fåra l'ilaritè ed parìć consiglîr e l'indiferänza ed quèṡi tótt chi èter. A l'êpoca (1997) la parôla schiavitù an gnêva quèṡi mâi druvè in merit a st'problêma e menzionèrla in un consèli comunèl l'êra considerè almänc stravagànt. Incû l'é entrè int al vocabolèri comón ed giornalést e polétich)
