Indivìdü üman significativament in relazion con RQ opür no

‹ Ìndes del sit · Pàgina del musé · 🌐 Lingua / Language

INDIVÌDÜ ÜMAN

significativament in relazion con Roberto Quaglia
opür no

De quand hinn diventaa popolar i social networks, sta pàgina la gh'ha perdüü bona part de la soa ütilità. La lassi online per motiv archeològich, e poeu perché continui a stimà bona part di persònn elencaa chì. Ovviament agiorni minga sta pàgina de tant temp.
	Roberto Quaglia Create Your Badge

Questa l'è ona ristretta lista de indivìdü üman significativament in relazion con Roberto Quaglia. Opür no. In efett, lor hinn in relazion anca con alter element de la Realtà. De on cert pont de vista, tütt el pö vess consideraa come in relazion con Roberto Quaglia, inscì come con tì e con qualsiasi alter. A ben vedè i robb hinn tütt interconness in on grand, Grand Tütt.

Tuttavia, podemm fà distinzion tra i part de sto Tütt, che senò el diventa on'entità eccessivament inquietanta. Podemm fà distinzion anca perché fà distinzion l'è el passatemp preferii de qualsiasi el sia viv.
Donca se trovemm denanz a ona lista de indivìdü contradistint de ona lor relazion particolar e significativa con Roberto Quaglia, qualsiasi roba quest el signìfica. Tuttavia quest l'è ugualment fals, dato che ocasionalment poden vess elencaa chì sota anca persònn de minga eccels valor, o che per cas o entropia hann cessaa de vess o hann smiss de diventà quell che avarìen podüü vess. In tal cas la lor presenza in la lista l'è ütil per confond i acqu. Alter, a i qual inveci ghe tegni assee, chì sota ghe hinn minga, perché magari gh'hann minga ona homepage (quanta gent al mond la gh'ha minga ona homepage!) o sempliciament mì soo minga che ghe l'hann. Mej inscì. Se pö minga calà tütt i cart. Divertiv donca a giracià per i sò pagin se propri gh'avii minga de mej de fà, senza mai dismentegà l'estrema vaghezza del significaa de quell che sii fasend. E cercand de distingu i indivìdü pussee significativ de quii men rilevant, se ghe n'è (podarìen anca vèssghen minga). Soo che con on poo de bona volontà ghe la podii fà. Atenti ai alucinazion. E soratutt a l'assenza de alucinazion.

AVERTENZA: Certi di pagin elencaa podarìen vess in costruzion. Adiritüra, i persònn stess chì sota elencaa podarìen vess in costruzion. In efett, l'è mej che stìen in costruzion anzichè in destruzion, specie se per putrefazion. Stee a l'œucc. Atenti ai colp de fùlmin. Gh'avaría de vèssegh minga tropa spüzza.

Tütt i persònn in sta lista esisten denver. Hoo verificaa personalment. Insomma, mì i conossi. Magari no biblicament, ma i conossi. E, roba pussee importanta, me regordi de conòssei. Certi i hoo anca tocaa. Ma pocch però. Comunque, no tropp. O inveci sì?

	Adaleta Maslo-Krkovic	Artista e gràfica croata trapiantada oltreocean.
	Alessandro Fambrini	Professor a l'Università de Trento, vàlid scritor e soratutt persòna squisita.
	Alessandro Testa	Grand pianista jazz, eccels bongüstaio, manager eficient, fin umorista e ottim pensador. Per el rest l'è matt, roba che la rend tütt tant pussee interessant.
	Andi Caragea	Tuttòlogh de straordinari acüm. De solit i tuttòlogh hinn gran cojon. Andi no. Perché l'è on geni. E el l'è sül seri.
	Augusto Minoja	Espert de Data Flow Management, quaicoss che nonostant el me sia staa spiegaa continui a capì minga coss el sia.
	Bernd Zillich	Eccellent fotografo e bon pensador. Discret barba, ma no per tücc.
	Bobo Barbieri	Probabilment el mej gràfich che gh'è in liguria. E poeu, come el dis Popi, Bobo l'è Bobo.
	Boris Dolingo	Scritor e organizzador de Aelita, el premi professional per i mej oper de fantascienza russa, l'equivalent di premi Nebula american.
	Bruno Medicina (2) (3)	Espert de comunicazion, programmazion neurolinguìstica, art marzial e alter, fin pensador nonché eccellent pianista.
	Cecilia Dart-Thornton	Scritora australiana de narrativa fantasy, la me s'è rivelada imediatament come ona pussee ünica che rara alchimia de belezza, inteligenza e profond e positiv sens de la realtà. Insomma, on fenòmen. E dì che se semm conossüü assee fugacement.
		Ottim scritor italian de science fantasy e, nonostant el faga l'avocat, l'è on vess üman de grand spessor e inteligenza.
	David Anderson	Creator de on center de ricerca sora i viagg in del temp. E de ona organizzazion de scambi cultural USA/Romania.
	Florin Munteanu	Scienziaa rumen de grandissima imaginazion. Inventor. Espert de teoria del caos, controll del caos, ànalisi frattal di sistem compless e assee alter robb. Scovritor del Volüm Aureo. Sheckley, dopo che mì l'hoo portaa a cena de lü, el gh'ha comentaa: Che òmm fantàstich!
	Francesco Grasso	Afermaa scritor italian de fantascienza con spiccaa sens de l'umorismo.
	Franco Forte	Giornalista, crìtich e validissim scritor de fantascienza con mila iniziativ.
	Gabi Boiangiu	Artista rumena de ona certa originalità, adess resident in Inghiltera.
	Gennady Gilmanov	Ottim amis rüss. Inteligent e pregn de quela giusta dos de follia necessaria a rendet on indivìdü ünich. El parla on sacch de lengov, ma el sò blog l'è in rüss e l'è assee cirìllich.
	Gigi Picetti	Nissüna definizion la pö racchiud Gigi Picetti. Spess, nanca Gigi Picetti el riess a racchiud Gigi Picetti.
	Guido De Vecchi	Grand sonador de viola e rafinaa costrutor de arch de viola.
	Herman Prigann	Originalissim artista austriach, autor de certi tra i pussee visionari proget vist in di ültim decenni.
	Ian Watson	Vulcànich scritor britànich de estrema originalità. In virtü del sò evident geni l'è in grad in qualsiasi moment de entrà in eccellent sintonia con i fluttuazion surreai de la realtà, e restàgh. Per quii a i qual sto argoment el dis pocch, regordemm che Stanley Kubrick el l'ha assünt per vott mes per aiutàll in del svilüpp di sò idee.
	Imants Belogrivs	Editor letton con on aspet peculiar: el par come ona version stilizzada de Einstein, ma rispett a quest'ültim l'è probabilment ona persòna pussee interessanta, e certament assee pussee viva.
	Jack Cohen	Inconsuet scienziaa britànich, espert in scienza de la riproduzion sessual e autor de on bell liber sora el Caos.
	Jonathan Cowie	Scienziaa ingles, per lóngh temp consulent de la Camera di Lord britànica in tema de ecologia, nonché organizzador de congress de fantascienza.
	Juraj Maxon	Anca nòt come Mad Maxon. Artista slovacch de notevol personalità.
	Kamila Nemcova	Notevolissim soget üman sota tücc i aspet.
	Klaus N. Frick	Caporedator de la rivista todesca de fantascienza serial Perry Rodan.
	Konstantin Krasnobaev	Gran fotografo rüss, autor de vari mè ritrat (certi pubblicaa de Penthouse), e gran narrador de anèdot russ, talment russ che adiritüra sànn de cirìllich.
	Leonardo Wild (2)(3)	Scritor ecuadoregn assee conossüü in Germania. Persòna de granda simpatia.
	Luigi Pachi	Scritor de fantascienza, co-creator de Delos, la rivista de Fantascienza.com e del Corriere della fantascienza, nonché manager e indivìdü squisit.
	Marco Vimercati	Estros pubblicitari, autor de liber sora la comunicazion e ànima de la trasmission radio cult "Onde Storte".
	Mario Quaglia	Tra i pussee grav soe responsabilità, quela del fatt che mì esista. A bon intenditor...
	Maurizio Frizziero	Amis de Sheckley. Poeu el s'ocupa de pubblicità e comunicazion de quarant'ann, el comercializza i mej cà per i vacanz in circolazion e in del temp liber el colleziona exalka, cartolinn e ran.
	Maurizio Manzieri	Vün di illustrator SF italian pussee nòt a l'ester.
	Max Morando	El mè amis pussee pantagruèlich. Ma quest l'è irrilevant, anca se no invisibil. Atualment, el pussee svelt elaborador semàntich in circolazion nonché Gran Maester Internazional de Umorismo Negher. A l'ocorrenza anca discret feticista.
	Norman Spinrad	Vün di pussee interessant scritor de fantascienza in circolazion. Tütt quell che de lü hoo legiüü, el valeva la pena de vess legiüü. L'è ona roba che se pö minga dì de assee.
	Paolo Gastaldo	Architet genovees e artista original.
	Quentin Gausset	Antropòlogh belga, docent de antropologia a l'Università de Copenhagen. A part quest, l'è ona persòna eccellent de notevol inteligenza.
	Robert Sheckley	Vün di pussee genial scritor de fantascienza che ghe sìen mai staa. Grand amis quand l'era viv, ma anca adess che tecnicament l'è mort el persist come grand amis. I amis hinn in fatt tai quand viven dent de nün e contribuissen a la composizion de la nostra identità. Sheckley el continua a svolg sto sò còmpit nonostant el sia staa cremaa temp fa.
	Saverio Soldani	Attor eclètich e fin dicitor.
	Silvio Sosio	Ünich e inimitabil. Re di Webmaster. Probabilment el pussee professional realizzador italian de sit web. Poeu Deus Ex Machina del Fandom SF italian e creator de Fantascienza.com. In pü, tant per gradì, pensador lucidissim.
	Sorin Repanovici	Vün di pussee antich mè amis in Romania. El organizza tütt i ann on event cultural sora ona sperdüda ìsola in del Danübi, indove assee volentera torni ann dopo ann.
	Tom Putzki	Svilüpador de videogames, l'è indivìdü de rara simpatia e inteligenza, con on splèndid e imediaa sens de la realtà. In cinch minüt èrom giamò amis per la vita.
	Ugo Malaguti	Preja miliar de la fantascienza italiana, sia come autor che come editor. El primm professionista italian de la fantascienza che l'ha savüü aprezzà i mè lavor in del camp, assee primma de qualsiasi alter.
	Valerio Evangelisti	Grand scritor e persòna de acüta inteligenza. Vün di pochissim autor italian vivent che me pias leng. E scüsem se l'è pocch.
	Vittorio Curtoni	Autor e curador de fantascienza, vün di archètip de la fantascienza italiana.
	Yana Botsman	Brillant scritora ucraina de fantasy che la se cela insema a Dmitry Gordevsky adree al pseudònim de Alexander Zorich.

Se ve consideree particolarment in relazion con mì, e ve sii minga trovaa tra i link, ve lassee minga ciapà del pànich. Né inebriàv de gioia. Al màssim mandeem ona cortes email. Ma primma acertàv de gh'avè ona homepage. E poeu impizzee la television. Perché la television? Perché tant l'avarìssev impizzada istess.

Certi amis m'hann daa i link di sò webcam. Naturalment spess funziònen minga o se vede nagott o se veden foto de des ann fa, propri come sü la mia webcam in real time. Tuttavia, se l'è ver che gh'è gent che scorg chissà coss in del fond di cafè o osservand i nìvol, chissà che quaicedun el gh'abbia minga ona ilüminazion vardand i imàgin de sti presunt webcam:

Max Morando in unreal time

Sto loeugh, suponend che quest el sia on loeugh, l'è continuament in costruzion, propri come l'Univers. Marchee sta pàgina tra i voster bookmark e mettii on link a lee dapertütt, anca sü toa mader. Poeu doperee el cervell, divertiv, sofrii, incorgìv de stàgh fin a quand podii, ameem e se el voster amor l'è minga propri de ottima qualità mandeem piutost di danee, possibilment assee.

Se vorii contatà sto mütant
che col temp el càmbia la soa faccia,
savii come fà.

Se el savii minga, CLICCHEE CHÌ

Se propri riessii minga, andee a fàv benedì

Ultima modifica, 12 ottober 2005

Tütt i test e i imàgin contegnüü in "Astounding Quagliaspace", poden vess legiüü, vardaa, adoraa, scaregaa sül computer, stampaa e tacaa sü in la propria cameretta, e copiaa senza limit, DOMÀ PER ÜSO PERSONAL. Tütt i test e i illustrazion hinn proprietà de Roberto Quaglia e poden minga vess doperaa intregh o in part senza permess. El progett gràfegh e i component gràfich de sti pagin hinn proprietà riservada de Roberto Quaglia. Nagott de quest el pö vess miss in vendita o comunque commercializzaa a nissün titol senza permess primma.