Astounding Quagliapsace, ovèro el stramb mond de Roberto Quaglia

Analogament al spazi mental de ognidun, Astounding Quagliaspace l'è on rifless singolar de l'univers, qualsiasi roba l'univers el sia de fœura de la ment de quaicedun. Viagià attravers Quagliaspace l'è on poo come vegnì a contatt con Roberto Quaglia istess, qualsiasi roba Roberto Quaglia el sia de fœura de sé. Quell che se incontra in Quagliaspace el partègn a la Granda Famiglia di Tracc de Quaglia, ovèro quella roba che la resta quand quaicedun che el se ciama Quaglia el esist senza fànn on segret che el servaría minga. El mond virtual in del qual te cred de trovàt in sto istess istant (se o no te see convint de "vess sü Internet"?), che el tend a risucciàt in del monitor indove i tò œucc se hinn giamò perdüü, l'è domà vüna di pussee tènue e insignificant estension del ünich, ver, ampi, inter e compless Astounding Quagliaspace che l'è staa creaa del Roberto Quaglia istess in la soa ment, inscì che la soa ment la podess creà Roberto Quaglia. On trücch che el fonziona e el düra. El miràcol de la creazion de sé del nagott, e soratutt de la ricreazion de sé de l'identità precedenta legera e lassada. Bon apetit.

...l'aveva decis de viv eternament, o de morì in del tentativ.
(Joseph Heller)

Roberto Quaglia, photo by Konstantin Krasnobaev, Moscow, 2006

Con el trücch de l'audiovisiv Roberto Quaglia adess el se movt anca! E el parla! Clicca chì de sora per vedè ona strana intervista a Roberto Quaglia de la durada de on'ora. El fatt l'è sucedüü in la estaa del 2003 in Ungheria. El sonor l'è in ingles.

Giugn 2017. A Teheran, Iran, Roberto Quaglia el vègn intervistaa de Teša Tešanović e el tema de la discussion l'è el mond real - de là di cortinn fumogen di mit e di ingann. L'audio l'è in ingles, dopo on preambol in serbo-croat.

Lüj 2004. El grand scritor american Rober Sheckley l'è mè ospit a Gènova per quaic mes. Ecco ona intervista, realizzada de mì a Gènova Quinto. On ann dopo, Sheckley el vegnarà purtropp a mancà. El sonor l'è in ingles.

Agost 2004. A Bucarest, in Romania, el va in onda in television on talk show denver inconsuet. Robert Sheckley, Ian Watson e el sottoscritt parlen per on'ora de fantascienza. Moderator, Alexandru Mironov. El sonor l'è in ingles.

Se pensee che i alter video sìen tropp difficil per vialter, podii consolàv con sto breve video de benvegnüü sü el mè sit, sempi sempi, facil facil de capì. E l'è anca quasi in italian!

>> ALTER VIDEO <<

OPZIONI

BIOGRAFIA	Chi sont? Chi sont minga? Perché sont chì pur essend anca altrov? Tütt quell che savevet minga de vorè savè sora Roberto Quaglia e che el te giovarà on poo. Opür no.
ÒPER LETTERARIE	On milion de parol. Ecco coss el contègn i mè liber miss insema. Acomòdet. 200.000 parol te i regali chì. Fìdet minga de quell che el signìfichen. I parol esisten minga de fœura de la nostra crapa, che l'è tütt dì.
FANTASCIENZA	Coss ghe c'entri mì con la fantascienza? ma soratutt: coss ghe c'entra la fantascienza con mì? Indaga sora el lato oscür de la fantascienza italiana.
IMÀGIN	Ideal per chi el sa minga leng e in la vita come in de l'aldilà el preferiss vardà domà i figür. Preòcupet minga: primma o poeu el suced a tucc. A mì l'è sucedüü. Poeu el passa. Opür no.
VIDEO	Se la television l'è el nemis a cui te rièsset minga a scapà, èccot certi video indove mì e alter se compiasemm de vaneggià al scopo de confond i idee a chi ne varda. Ciapa in man la toa vita! Scerni tì a quala confusion mental vess sotomiss! Se te gh'heet ona connession internet a banda larga el sballo l'è garantii.
SATIRA	El par che a tanta gent ghe pias la satira. Mì hoo mica ben mai capii coss la sia, però ona voeulta che me sont distratt l'hoo faa. Primma o poeu la femm tucc. L'important l'è minga afezionàss e savè quand tirà la caden.
AMIS	Anca sempi conoscent e desconossüü. Desconossüü per vialter, benintes. Mì i conossi. E hinn di geni opür test de cazz o nissün di düü o tütt e düü i robb. Insomma ona roba on poo come l'ümanità, ma in piscinin. O forsi in grand, me confondi semper, probabilment aposta. Coss el importa?
SHECKLEY	Robert Sheckley el fa categoria a sé. L'è part de la mia vita e mì sont staa part de la soa. Emm viagiaa insema per mes e abitaa insema in divers period e loeugh. Chì troeuvet tütt i imàgin relativ.
IAN WATSON	Anca Ian Watson el fa categoria a sé. El pussee brillant scritor britànich segond i mej crìtich. De quaic ann semm tant amis e emm scrivüü on liber insema. Chì troeuvet i link a quaic nostra opera a 4 man e foto di viagg che emm condividüü.
VARIA UMANITÀ	Gh'è gent che conossi minga eppür esist istess in quaic part. Tanti làssen minga in mì tracc che mì regordi. Alter inveci sì. Èccon certi.
RASSEGNA STAMPA	Resti fòssil de tracc de vita sota forma de efimer segnitt sora fœuj de carta che rispett a la carta igènica düren domà on poo de pü e hinn quasi semper men necessari. E gh'è gent che ghe cred. Se tì te see inscì, acomòdet. Per piasè poeu la caden.
GUESTBOOK	Primma o poeu el riativaroo. Opür no. Se te vœu perd temp con vècc coment assortii, prova pür.
POLITICA	El par incredibil ma in la vita me capitaa de fà anca politica, o piutost la politica la s'è fada mì fin al dì in del qual l'hoo molada. Comunque, nagott de seri. L'è stada domà ona facenda de sess. Per i feticista e vardon, ecco come l'è andada.
GUST	Banal elench de robb che me piasen. Vüna de quii robb che se meten in la propria homepage per semplificà la propria personalità ai œucc del visitator impazient.
LIBRERIA	Primma o poeu ghe metaroo ona selezion de grand liber in grad de rend la voera vita tant pussee bela, se domà po' vialter i legìssev. Intant gh'è quaicoss, ma me regordi minga coss.
POSTER	Se tütt el te noia, forsi te gh'heet bisogn de picà on poster in la toa cameretta. Magari on poster con on gross cül incombent. Opür quaicoss de men rafinaa.
CONTRIBUT	Per quant el possa inizialment parè stran, contribuì in mœud attiv a la mia vita l'è sempi e a la portada de tucc. Chì ve doo anca on ottim sugeriment in merit.
COPERTINA	Gh'è anca di imbecil che quand van spaesaa in on sit finissen semper per tornà a la copertina. Sto link el i vœur aiutà.

	POSOLOGIA
	Nissüna paura de entrà in Quagliaspace! L'è comunque tropp tard. Se te gh'heet minga smiss de leng te see giamò dent. Avertenz: Quagliaspace l'è controindicaa ai mumie. L'è spess resultaa letal per i cadaver. Anca i zombi coren quaic risi. Se ancamò te leget, certament te see minga on cadaver, probabilment te see minga ona mumia, e forsi nanca on zombi. O forsi sì. Boh? El fa denver diferenza? Benvegnüü perciò in Astounding Quagliaspace! Che el par scrivüü in ingles ma inveci l'è italian. E se sti pagin te piasen sugerìssei ai tò amis de carna e quii eletronich. E giamò che te ghe see mett on link sü i tò pagin, se te ghe l'heet, e magari anca se te ghe l'heet minga. Dismènteghet minga che ai set te spèten indove ti te seet ben per fà la pipì.	...e quest, l'è domà l'inizi. Se Internet el collassarà minga, se el Mond el collassarà minga, se el Sistema Solar el collassarà minga, se la Via Lattea la collassarà minga, se l'Univers el collassarà minga, se Roberto Quaglia el collassarà minga, Astounding Quagliaspace el se svilüparà indefinitivament, a la ricerca de ona semper pussee granda propria incredibilità, la qualità de l'eccellenza per eccellenza... opür no, l'assolüt contrari nonché el contrari del contrari del contrari de tütt quest. El cervell el ve s'è spapolaa? Ottim. L'è pussee digeribil inscì. Semper difidà di parol, el Cavall de Troia de Tütt i Mistificazion! D'altra part quaicoss el doveva pür scriv, per permet a sta sezion de test de ocupà on'area simil a quela del trafilett chì arent. Credi minga che ocoren ulterior parol.

Oltre che a livell mìtich, de incoeu Roberto Quaglia el esist anca in temp real, almen in teoria. Propri inscì! Poder de la QUAGLIACAM™ . La foto a destra l'è con tuta probabilità la pussee recenta di imàgin esistent de Roberto Quaglia. Con on poo de fortüna (o de scarogna) te pœudet vedè coss el sta fasend RQ (che po' saría mì) in sto istess istant. Quand la QUAGLIACAM™ l'è impizzada, l'imàgin la vègn agiornada ogni 5 minüt. Quand l'è dismorzada, se vede l'ültima imàgin registrada. Se la scagna l'è voeuja, el vœur dì che quell che te vedet sont minga mì. La data e ora sora la fotografia l'è relativa al pianeta e füs orari del loeugh in doe me trœuvi (spess l'è minga in Italia). Tanti visitator m'hann però faa notà che spess l'imàgin l'è minga stada agiornada de vott o noeuv mes. Mì credi a costor, e inscì avii de fà anca vialter. Sont tropp saviament pìgher per controllà se gh'hoo ona webcam impizzada in di mè dintorni. Spess in efett gh'è minga.

= RQ HIC ET NUNC

ÜLTIM PART

Leng recension nümer vün
Leng recension nümer düü

TE VÖ APROFONDÌ?

Pensiero Stocastico l'è on liber che el racœuj i robb pussee strann tracimaa del cervell de Roberto Quaglia. Leng per cred. O per cred minga. Per sballà. O rinsavì. Leng per leng. Digerì per digerì. Viv per viv. Amà per amà. Opür no.

Sto corpos volüm de 450 pagin el racœuj desenn de artìcoi american de controinformazion. Compres on lóngh artìcol de Roberto Quaglia sora i fatt de l'11 settember. L'è el primm artìcol de l'antologia, recensii anca sü Repubblica, sü el Venerdì de Repubblica (1 e 2), sü Liberazione e quaic desena de alter testat.

Se vorii contatà sto mütant
che col temp el càmbia la soa faccia,
savii come fà.

Se el savii minga, CLICCHEE CHÌ

Se propri riessii minga, andee a fàv benedì

Ultima modifica, 2 febrar 2006

Tütt i test e i imàgin contegnüü in "Astounding Quagliaspace", poden vess legiüü, vardaa, adoraa, scaregaa sül computer, stampaa e tacaa sü in la propria cameretta, e copiaa senza limit, DOMÀ PER ÜSO PERSONAL. Tütt i test e i illustrazion hinn proprietà de Roberto Quaglia e poden minga vess doperaa intregh o in part senza permess. El progett gràfegh e i component gràfich de sti pagin hinn proprietà riservada de Roberto Quaglia. Nagott de quest el pö vess miss in vendita o comunque commercializzaa a nissün titol senza permess primma.

Metti on link a ROBERTOQUAGLIA.COM


	Ecco certi boton che te pœudet doperà per linkà a sto sit CLICCA CHÌ per trovà ALTER gràfich tra cui scernì