Gent che gh'è de cui me sont incorgiüü

‹ Ìndes del sit · Pàgina del musé · 🌐 Lingua / Language

Varia Umanità

gent che gh'è de cui me sont incorgiüü

A photo of Roberto Quaglia

Gh'è persònn che per ona reson o per l'altra hoo notaa. Èccoi chì. (ghe n'è tanti de pussee, ma i giontaroo in futur. Opür no).
El cocktail el ve sona stonaa? Mej inscì. Consideremm sta pàgina el taccuin di apunt indove annoti individ che hoo minga incontraa, ma che me piasaría incontrà. Semper che intant sìen minga mort.

Boh? Ma sì, dai!
	Pino Aprile	Genial autor de düü eccellent liber che hoo legiüü con perfet piasè. Elogio dell'imbecille e Elogio dell'errore. Vün di rarissim italian viv che l'ha scrivüü robb che me pias leng. Trà in del cess la voera biblioteca de autor italian e legìiv Pino Aprile. L'è tant, ma TANT mej.
	Alejandro Jodorowsky	Genial artista cilen, autor de certi di film pussee surreal de la storia del cìnema, creator del teater pànich, nonché, recentement, scritor de ottima narrativa surrealista. E poeu l'è denver matt, e mì rièssi a soportà domà i matt, basta che fàghen minga finta de vèssel.
	Noanda	Sta tosa, Noanda, la par per nagott noiosa. Scüsem se l'è pòcch. L'è nanca bruta, la roba che la evita de rovinà l'effett. La ciberpresenza feminil pussee affascinanta del web italian. (merit sò o demerit di alter?)
	Beppe Grillo	Beppe Grillo el gh'ha reson. Quasi semper. Che l'è pussee che assee. E el ghe rid sü. Che l'è ancamò mej, dato che l'è l'ünich mœud sensaa de afrontà la vita. Se el se candidass president del Consili, segond mì el vegnaría elett. Ma ghe l'auguri minga.
	Elio	Quell di storie tese. In pràtica el frank zappa italian, con la diferenza ütil che l'è ancamò viv intant che el zappa mica tant. El me faseva sballà quand l'era minga famos. Adess on poo de manch. Ma in confront a la caca in doe el rest del mond di canzonett italiann el consist, elio el emerg, anzi el s'erg, ergo erezion la saría, o giò o sü de là.

Dopo sti persònn, che soo che esisten anca se i hoo minga incontraa, ve proponi anca alter persònn, che inveci soo che esisten e i hoo anca incontraa.

VORII VESS ELENCAA SORA STA PÀGINA?
L'È MINGA DIFFICIL. L'È PUSSEE FACIL CHE EL SIA IMPOSSIBIL PIUTOST CHE EL SIA DIFFICIL. L'È INSCÌ FORSI ALORA FACIL? MINGA PROPRI. O L'È INEVITABIL, O L'È IMPROBABIL. COMUNQUE, DECIDI MÌ. L'È TANT DIFFICIL CONVÌNCEM. L'È ANCA DIFFICIL INFLUENZÀM. PROVEGH MINGA SENZA PRIMMA AVÈM MANDAA, CAUTELATIVAMENT, ONA COSPICUA SOMA IN DANEE. MA GH'È NISSÜNA GARANZIA CHE QUEST EL SIA ASSEE. IN EFFETT, A INCOEU L'HA MAI FONZIONAA.

COPERTINA | ÌNDES | BIOGRAFIA | I MÈ SCRITT | FANTASCIENZA | IMÀGIN | | RASSEGNA STAMPA | LIBRERIA | POSTER | POLITICA | SATIRA | GUST | AMIS | VARIA UMANITÀ | CONTRIBUISS A LA VITA DE ROBERTO | CONTATT | LINKS |

Se vorii contatà sto mütant
che col temp el càmbia la soa faccia,
savii come fà.

Se el savii minga, CLICCHEE CHÌ

Se propri riessii minga, andee a fàv benedì

Ultima modifica, 21 settember 2004

© 1995-2006 by Roberto Quaglia

Tütt i test e i imàgin contegnüü in "Astounding Quagliaspace", poden vess legiüü, vardaa, adoraa, scaregaa sül computer, stampaa e tacaa sü in la propria cameretta, e copiaa senza limit, DOMÀ PER ÜSO PERSONAL. Tütt i test e i illustrazion hinn proprietà de Roberto Quaglia e poden minga vess doperaa intregh o in part senza permess. El progett gràfegh e i component gràfich de sti pagin hinn proprietà riservada de Roberto Quaglia. Nagott de quest el pö vess miss in vendita o comunque commercializzaa a nissün titol senza permess primma.