Astounding Quagliapsace, est a nàrrere su mundu istrambu de Roberto Quaglia

Comente a s'ispàtziu mentale de cadaunu, Astounding Quagliaspace est unu riflessu singulare de s'universu, cale si siat cosa siat s'universu a foras de sa mente de calicunu. Biagiare in mesu de Quagliaspace est unu pagu comente bènnere a cuntatu cun Roberto Quaglia etotu, cale si siat cosa siat Roberto Quaglia a foras de issu. Su chi s'addoberat in Quagliaspace apartenet a sa Manna Famìlia de sas Tratzas de Quaglia, est a nàrrere cussa cosa chi avantzat cando calicunu chi si narat Quaglia esistit chene nde fàghere unu segretu chi no diat serbire. Su mundu virtuale in ue crees de ti agatare in custu matessi momentu (ses o no ses cumbìntu de "èssere in Internet"?), chi tendet a ti risucare in su monitor in ue sos ogros tuos si sunt giai pèrdidos, est isceti una de sas prus tènues e insignificantes estensiones de s'ùnicu, beru, ampru, intreu e cumplessu Astounding Quagliaspace chi est istadu creadu dae su matessi Roberto Quaglia in sa mente pròpia, gasi chi sa mente pròpia poderet creare a Roberto Quaglia. Unu trampu chi funtzionat e perdurat. Su miràculu de sa creatzione de issu dae su nudda, e mescamente de sa ricreatzione de issu dae s'identidade pretzedente lègia e lassada. Bonu apetitu.

...aiat detzìdidu de bìvere eternamente, o de mòrrere in su tentativu.
(Joseph Heller)

Roberto Quaglia, photo by Konstantin Krasnobaev, Moscow, 2006

Cun su trampu de s'audiovisivu Roberto Quaglia immoe si movet fintzas! E faeddat! Craca inoghe in susu pro bìdere una istrana intervista a Roberto Quaglia de sa durada de un'ora. Su fatu est capitadu in s'istiu de su 2003 in Ungheria. Su sonoru est in inglesu.

Làmpadas 2017. A Teheran, Iran, Roberto Quaglia benit intervistadu dae Teša Tešanović e su tema de sa discussione est su mundu reale - a foras de sas cortinas fumògenas de sos mitos e de sos ingannos. S'àudio est in inglesu, a pustis de unu preàmbulu in serbu-croatu.

Triulas 2004. Su mannu iscritore americanu Rober Sheckley est òspite meu a Gènova pro calicunu mese. Eccu una intervista, dae me realizada a Gènova Quinto. Un'annu a pustis, Sheckley at a mòrrere a dolu mannu. Su sonoru est in inglesu.

Austu 2004. A Bucarest, in Romania, andat in onda in televisione unu talk show a beru inconsuetu. Robert Sheckley, Ian Watson e su sotuiscritu faeddant pro un'ora de fantascièntzia. Moderadore, Alexandru Mironov. Su sonoru est in inglesu.

Si pensades chi sos àteros videos siant tropu difìtziles pro bois, podides bos consolare cun custu curtzu video de benebènnida in su situ meu, simpre simpre, fàtzile fàtzile a cumprèndere. E est fintzas belle in italianu!

>> ÀTEROS VIDEOS <<

OPZIONI

BIOGRAFIA	Chie so? Chie no so? Proite so inoghe fintzas essende fintzas in àteru logu? Totu su chi no ischias de chèrrere ischire subra Roberto Quaglia e chi t'at a giovare unu pagu. Opuru nono.
ÒPERAS LITERÀRIAS	Unu millione de faeddos. Eccu su chi cuntenent sos libros mìos postos paris. Acomòdadi. 200.000 faeddos ti los regalo inoghe. No ti fides de su chi issos sìnnicant. Sos faeddos no esistint a foras de sa conca nostra, chi est totu nàrrere.
FANTASCIÈNTZIA	Ite bi intro deo cun sa fantascièntzia? ma mescamente: ite bi intrat sa fantascièntzia cun megus? Indaga subra su latu iscuru de sa fantascièntzia italiana.
IMÀGINES	Ideale pro chie no ischit lèghere e in sa vida comente in s'aldilà preferit abbaidare isceti sas figuras. No ti preocupes: primu o pustis capitat a totus. A mie est capitadu. Posca passat. Opuru nono.
VIDEO	Si sa televisione est su nemigu a su cale no resessis a fuire, eccoti calicunu video in ue deo e àteros nos cumpraghimus a bavuliare cun s'iscopu de cunfùndere sas ideas a chie nos bidet. Piga in manu sa vida tua! Sèbera tue a cale cunfusione mentale èssere sugetu! Si tenes una connessione internet a banda larga s'isballu est garantidu.
SÀTIRA	Paret chi a meda gente praghet sa sàtira. Deo no apo mai cumpresu bene ite siat, ma una borta chi mi so distraidu l'apo fata. Primu o pustis la faghimus totus. S'importante est de no s'afetzionare e ischire cando tirare sa cadena.
AMIGOS	Fintzas simpres connoschentes e disconnotos. Disconnotos pro bois, beninteso. Deo los connosco. E sunt gènios opuru concas de minca o perunu de sos duos o ambos sas cosas. Insomma una cosa unu pagu comente s'umanidade, ma in piticu. O fortzis in mannu, mi cunfundo semper, probabilmente apostadamente. Ite importat?
SHECKLEY	Robert Sheckley faghet categoria a issu. Est parte de sa vida mia e deo so istadu parte de sa sua. Amus biagiadu paris pro meses e abitadu paris in medas perìodos e logos. Inoghe agatades totu sas imàgines relativas.
IAN WATSON	Fintzas Ian Watson faghet categoria a issu. S'iscritore britànnicu prus brillante segundu sos mègius crìticos. Dae calicunu annu semus meda amigos e amus iscritu unu libru paris. Inoghe agatades sos ligàmenes a calicuna òpera nostra a 4 manos e fotos de biàgios chi amus cumpartidu.
VÀRIA UMANIDADE	B'at gente chi no connosco e tanti esistit su matessi in calicuna parte. Medas no lassant in me tratzas chi deo ammente. Àteros imbetzes emmo. Eccas calicuna.
ARRESSEGNA DE IMPRENTA	Restos fòssiles de tratzas de vida in forma de efìmeros sinnigheddos in fògios de paperi chi respetu a su paperi igiènicu durant isceti unu pagu de prus e sunt belle semper prus pagu netzessàrios. E b'at gente chi bi credet. Si tue ses gasi, acomòdadi. Pro praghere posca tira sa cadena.
GUESTBOOK	Primu o pustis l'apo a torrare a ativare. Opuru nono. Si cheres pèrdere tempus cun betzos cummentos assortidos, proa puru.
POLÌTICA	Paret incredìbile ma in sa vida m'est capitadu de fàghere fintzas polìtica, o prus pretzisu sa polìtica si nch'est fata me fintzas a sa die in ue l'apo lassada. Comunque, nudda de seriu. Est istada isceti una faina de sessu. Pro sos fetitzistas e vardones, eccu comente est andada.
GUSTOS	Banale elencu de cosas chi mi praghent. Una de cussas cosas chi si ponent in sa homepage pròpia pro semplificare sa personalidade pròpia a sos ogros de su visitadore impatziente.
LIBRERIA	Primu o pustis bi apo a pònnere una seletzione de mannos libros in gradu de rèndere sa vida bostra meda prus bella, si isceti bois los leghèrezis. In su fratempus b'at calicuna cosa, ma no m'ammento ite.
POSTER	Si totu ti fastìgiat, fortzis tenes bisòngiu de apèndere unu poster in sa càmera tua. Magari unu poster cun unu mannu culu incumbente. Opuru calicuna cosa de mancu rafinadu.
CONTRIBUI	Pro cantu potzat in printzìpiu parrer istranu, contribuire in manera ativa a sa vida mia est simpre e a sa portada de totus. Inoghe bos do fintzas unu òtimu cussìgiu in contu.
COBERTA	B'at fintzas imbetzìlles chi cando andant ispaesados in unu situ agabbant semper pro torrare a sa coberta. Custu ligàmene los cheret agiuare.

	POSOLOGIA
	Peruna timoria de intrare in Quagliaspace! Est comunque tropu tardu. Si no as lassadu de lèghere bi ses giai intro. Avvertèntzias: Quagliaspace est controindicadu a sas mùmias. Est a s'ispissu resurtadu letale pro sos cadàveres. Fintzas sos zombis current calicunu riscu. Si galu ses leghende, de seguru no ses unu cadàvere, probabilmente no ses una mùmia, e fortzis mancu unu zombi. O fortzis emmo. Boh? Faghet a beru diferèntzia? Bene bènnidu duncas in Astounding Quagliaspace! Chi paret iscritu in inglesu ma imbetzes est italianu. E si custas pàginas ti praghent cussìgialas a sos amigos tuos de petza e cussos eletrònicos. E giai chi bi ses ponebi unu ligàmene in sas pàginas tuas, si nde tenes, e magari fintzas si no nde tenes. No t'ismèntighes chi a sas sete t'isetant in ue bene ischis pro fàghere sa pipia.	...e custu, est isceti su cumintzu. Si Internet no at a collassare, si su Mundu no at a collassare, si su Sistema Solare no at a collassare, si sa Via Làtea no at a collassare, si s'Universu no at a collassare, si Roberto Quaglia no at a collassare, Astounding Quagliaspace s'at a isvilupare indefinidamente, a sa chirca de una semper prus manna pròpia incredibilidade, sa calidade de s'etzellèntzia pro etzellèntzia... opuru nono, s'assolutu contràriu e fintzas su contràriu de su contràriu de su contràriu de totu custu. Su cherbeddu si bos est ispapuladu? Òtimu. Est prus digerìbile gasi. Semper diffidade de sos faeddos, su Caddu de Troia de Totu sas Mistificatziones! Dae àtera parte carchi cosa depia fintzas iscrìere, pro permìtere a custa setzione de testu de ocupare una àrea sìmile a cussa de su trafiletu inoghe acanta. No creo chi serbant àteros faeddos.

In prus chi a livellu mìticu, dae oe Roberto Quaglia esistit fintzas in tempus reale, a su mancu in teoria. Propiu gasi! Podere de sa QUAGLIACAM™ . Sa foto a dereta est cun totu probabilidade sa prus reghente de sas imàgines esistentes de Roberto Quaglia. Cun unu pagu de fortuna (o de mala sorte) podes bìdere ite est faghende RQ (chi posca dia èssere deo) in custu matessi momentu. Cando sa QUAGLIACAM™ est alluta, s'imàgine benit agiornada ogni 5 minutos. Cando est istudada, si bidet s'ùrtima imàgine registrada. Si sa cadira est bòida, cheret nàrrere chi su chi bides no so deo. Sa data e ora in sa fotografia est relativa a su pianeta e fusu oràriu de su logu in ue mi agato (a s'ispissu no est in Italia). Medas visitadores m'ant però fatu notare chi a s'ispissu s'imàgine no est istada agiornada dae oto o noe meses. Deo creo a custos, e gasi depides fàghere fintzas bois. So tropu sàbiamente preitzosu pro controllare si tèngio una webcam aluta in sos ingìrios mìos. A s'ispissu de fatu no bi nd'at.

= RQ HIC ET NUNC

ÙRTIMAS PARTES

Lege recensione nùmeru unu
Lege recensione nùmeru duos

CHERES APROFUNDIRE?

Pensiero Stocastico est unu libru chi regollet sas cosas prus istranas essidas dae su cherbeddu de Roberto Quaglia. Lèghere pro crèere. O pro no crèere. Pro isballare. O torrare in sè. Lèghere pro lèghere. Digerire pro digerire. Bìvere pro bìvere. Amare pro amare. Opuru nono.

Custu corposu volùmene de 450 pàginas regollet deghinas de artìculos americanos de controinformatzione. Cumpresu unu longu artìculu de Roberto Quaglia subra sos fatos de s'11 de cabudanni. Est su primu artìculu de s'antologia, recensidu fintzas in Repubblica, in su Venerdì de Repubblica (1 e 2), in Liberazione e calicuna deghina de àteras testadas.

Si cherides cuntatare custu mutante
chi cun su tempus càmbiat sa cara sua,
ischides comente fàghere.

Si no l'ischides, CRICADE INOGHE

Si a beru no bi resessides, andade a bos fàghere beneìghere

Ùrtima modìfica, 2 de freàrgiu 2006

Totu sos testos e sas imàgines cuntènnidos in "Astounding Quagliaspace", podent èssere leghidos, abbaidados, adorados, iscarrigados in su computer, imprentados e afissados in sa càmera pròpia, e copiados chene lìmite, SCETE PRO IMPREU PERSONALE. Totu sos testos e sas illustratziones sunt propriedade de Roberto Quaglia e no podent èssere impreados intreos o in parte chene permissu. Su progetu gràficu e sos cumponentes gràficos de custas pàginas sunt propriedade riservada de Roberto Quaglia. Nudda de custu podet èssere postu in bèndida o comunque cummertzializadu a peruna manera chene permissu antis.

Pone unu ligàmene a ROBERTOQUAGLIA.COM


	Eccu calicunu butone chi podes impreare pro ligare a custu situ CRACA INOGHE pro agatare ÀTERAS gràficas tra sas cales seberare