In su 1962 Roberto Quaglia benit a custu mundu no resessende prus a torrare a s'àteru. Detzidit tando de s'ambientare.
In antis creschet, protesu conca a sas dimensiones e posca a sas formas atuales, chene trascurare de si liberare de totu cussos pilos chi no li serbiant. Leadu possessu de s'ispàtziu ocupadu dae issu, at afrontadu su tempus chi li curriat in coddu. Comente produtu de iscartu de sa permanèntzia ispàtziu-temporale sua agatamus fumetos, fotografias de chirca, , paperi iscritu, e notèviles residuos de residuos orgànicos. Ma est istadu isceti cando tropu gente si sunt postos mescamente a lèghere chi s'est acatadu de èssere mescamente unu iscritore chi si nd'aiat mescamente cumbìntu. Dae cussu momentu, coerentemente, at mescamente iscritu, ismentighèndesi, in sos momentos prus ossessivos, fintzas de bìvere, resessende però a subrabìvere su matessi. Mancari siat galu relativamente pagu connotu in Italia, Roberto Quaglia est oe unu de sos iscritores prus originalmente iconoclastas in tzirculatzione. Sos medas iscritos suos (bator romanzos abbundantes, baranta contos, deghe cummèdias, duas racòltas de sàgios, unu clamorosu tomu de 500 pàginas subra s'11 de cabudanni, etc.), paradossalmente (ma no tropu...) in bona parte inèditos in Italia, sunt imbetzes tradùidos in medas limbas, e publicados in sos paisos gasi narados istràngios in forte tiraduras e cun notèvile sutzessu. s'ùrtima òpera de Roberto est unu incredìbile libru iscritu paris cun s'iscritore britànnicu Ian Watson. Calicunu contu de custu libru sunt istados publicados in rivistas e antologias in Canada, USA e Italia. Àteros sunt aparidos in rivistas online.
In medas tzìrculos literàrios, sos testos suos sunt surprendentemente devènnidos ogetu de cultu. Sunt connotos fintzas medas casos in ue a èssere custrintu a ogetu de cultu, a furore de pòpulu, est istadu su matessi Roberto Quaglia. Su misteru sighit...
Tra parèntesis , a cuaddu tra sos annos 80 e 90 at gestidu sa Panteca de Gènova. Pro sos fetitzistas de sas formalidades, riportamus chi dae su 1995 a su 1997 comente cunseguèntzia de una campànnia eletorale surrealista si nch'est agatadu a èssere fintzas Consigeri Comunale a Gènova, una esperièntzia interessante fintzas dae unu puntu de vista antropològicu. Dae su 2002 est vitzepresidente de saESFS (European Science Fiction Society)
Totu custu est isceti unu esèmpiu. |
Comente Cristòvalu Colombu Roberto Quaglia benit dae Genoa, in ue est istadu barman e Consigeri Comunale in antis de si fàghere unu esploradore, in su casu suo de s'Est Europa e de su Surrealismu. Immoe est de domo a Bucarest. Medas bortas Robert Sheckley at bìvidu cun Roberto in Italia e Romania, e in sa manna betza e bianca Mercedes de Roberto, iscriende fintzas una prefatzione a su surreale e satìricu dòpiu romanzu de fantascièntzia suo Pane, Burro e Paradossina (publicadu in inglesu dae Delos international). Roberto e Ian ant cumintzadu in printzìpiu a collaborare a una sèrie de contos “My Beloved” in unu albergu misteriosamente bòidu in una colita boscosa acanta de sa frontera tra Ungheria e Islovàkia in su 2003. Ex fotògrafu binchidore de prèmios, Roberto sighit a fàghere mìgias de fotos. Su tziu suo bivet a Mònacu de Baviera, gasi issu li depet faeddare in tedescu; ma imparare su rumenu at destrutu su frantzesu de Roberto, gasi est bene chi issu no tèngiat unu tziu a Parigi.
|
Roberto Quaglia dae Genoa de sòlitu bivet a Bucarest faeddende rumenu, fintzas si immoe ischit fintzas imitare su russu bastante a cumbìnchere sos russos chi issu esseret a beru faeddende russu. Comente cunseguèntzia, at de reghente posadu pro s'editzione russa de Penthouse. S'ammiratzione pro Bob Sheckley est sa càusa pro sa cale Roberto at invitadu Sheckley in Italia, pro a pustis lu ghiare a giru pro s'Europa pro medas annos in sa manna Mercedes bianca sua eticheta www.surreal.info fintzas a cando sas lìteras no sunt iscioladas dae su lunotu de segus. Ex-barman, premiadu fotògrafu, e una borta Consigeri Comunale surrealista de Gènova, Roberto est autore de su esilarante dòpiu romanzu Pane, Burro e Paradossina a disponimentu in inglesu – e in prus est Vitze-Presidente de su Assòtziu Europeu de Fantascièntzia (ESFS), sa cale presidit sos Eurocons chi si tenent in medas natziones comente sa Bulgaria e s'Ucraina de reghente, e in su 2007 sa Danimarca. Roberto e Ian ant cumintzadu a iscrìere istòrias paris in unu istranamente desertu albergu in unu collinosu buscu acanta de su cunfine ungheresu/islovacu in su 2003, e immoe b'at unu libru intreu, The Beloved of My Beloved, avidamente a sa chirca de unu coragiosu e macu editore. Àteros contos de custu progetadu volùmene sunt in Helix, Clarkesworld e Flurb. Unu est in Lust for Life e un'àteru est in Weird Tales e Robot.
|
