Astounding Quagliapsace, ważvàira al strâmb månnd ed Roberto Quaglia

Cumpâgna al spâzi mentèl ed ognón, Astounding Quagliaspace l'é un rifless singulèr dl'univêrs, qualsîasi cåsa l'univêrs al séppa fòra dla mänt ed quelcdón. Viażèr atravêrs Quagliaspace l'é un påch cme gnîr a cuntât con Roberto Quaglia istàss, qualsîasi cåsa Roberto Quaglia al séppa fòra ed ló. Quall ch'as incåntra in Quagliaspace l'apartén ala Grande Famajja däli Trâzz ed Quaglia, ważvàira cla råba ch'avanza quand quelcdón ch'as ciâma Quaglia l'eṡést sänza fèren un segrêt ch'an servirévv brîṡa. Al månnd virtuèl int al quèl t crédd ed truvèret in st'istàss istànt (t î o t an î brîṡa cunvént ed "èser in vatta a Internet"?), ch'al ténd a tirèret dänter al monitor indóv i tû ûć i s én bèle pêrs, l'é såul óna däli pió tènui e insignifichénti estensiån dl'ónich, vaira, ampi, intîr e cumpless Astounding Quagliaspace ch'l'é stè creè da Roberto Quaglia istàss int la så mänt, acsé che la så mänt la pséss creèr Roberto Quaglia. Un trócc ch'al funziåna e al dûra. Al mirâcol dla creaziån ed ló dal gnínt, e såver tótt dla ricreaziån ed ló dl'identitè precedänt fiósta e lasè lé. Bån apetétt.

...l'avêva decîṡ ed vîver etêrnamänt, o ed murîr int al tentatîv.
(Joseph Heller)

Roberto Quaglia, photo by Konstantin Krasnobaev, Moscow, 2006

Con al trócc dl'audiovisîv Roberto Quaglia adès al s måv anc! E al dscårr! Clécca qué såura par vàdder una strâna intervésta a Roberto Quaglia ch'la dûra un'åura. Al fât l'é capitè int l'istè dal 2003 in Ungherî. Al sån l'é in inglaiṡ.

Giugno 2017. A Teheran, Iran, Roberto Quaglia l'é intervistè da Teša Tešanović e al tèma dla discusiån l'é al månnd reèl - de là däli curtén fumågni di mît e di ingân. L'audio l'é in inglaiṡ, dåp un preâmbol in serbo-cruât.

Lói 2004. Al grand scritåur americhèn Rober Sheckley l'é mî ûspit a Gènova par un quèl ed mîṡ. Ecco un'intervésta, fâta da mé a Gènova Quinto. Un ân dåp, Sheckley purtråp al gnirà a manchèr. Al sån l'é in inglaiṡ.

Agåst 2004. A Bucarest, in Romanî, al va in ånda in televiṡiån un talk show dabån inconsuêt. Robert Sheckley, Ian Watson e al sottoscritt i dscårren par un'åura ed fantasiénza. Moderatåur, Alexandru Mironov. Al sån l'é in inglaiṡ.

S'a pensè che chi èter vidio i séppen tröp difézzil par vuèter, a psî cunsulèrev con st'curt vidio ed bänvgnó in vatta al mî sît, sänzz sänzz, fâzil fâzil da capîr. E l'é anc quèṡi in itagliàn!

>> ÈTER VIDIO <<

OPZIONI

BIOGRAFIA	Chi a sån? Chi an sån brîṡa? Parché a sån qué anc s'a sån anc in èter lågh? Tótt quall ch'an savîv brîṡa ed vlair savair in vatta a Roberto Quaglia e ch'at zuvarà un påch. Opûr nå.
ÅPER LETERÈRI	Un miliån ed parål. Ecco quall ch'i cuntgnånen i mî lébber méss insàmm. Acamådet. 200.000 parål a t äli regâl qué. An t fidèr brîṡa ed quall ch'äl vålen dîr. Äli parål an eṡésten brîṡa fòra dla nostra tèsta, e as på dîr tótt.
FANTASCIENZA	Csa gh'intr'io con la fantasiénza? mo såver tótt: csa gh'intra la fantasiénza con mé? Indèga in vatta al lè scûr dla fantasiénza itagliàna.
IMÂGINI	Ideèl par chi an sa brîṡa lèzer e int la vétta cme int l'ètaramånnd al preferéss guardèr såul äli figûr. An t preocupèr brîṡa: prémma o dåp al capita a tótt. A mé l'é capitè. Dåp al pâsa. Opûr nå.
VIDEO	Se la televiṡiån l'é al nemîgh ch'an t rîṡ brîṡa a scapèr, ecco quèlch vidio indóv mé e chi èter a s cumpiaṡän a vaneġġèr par cunfånnder äli idê a chi s vadd. Ciapa in man la tå vétta! Zêrn té a quala confuṡiån mentèl èser sugèt! S't è una conesiån internet a banda larga al sbâll l'é garanté.
SATIRA	Al pèr che a tanta zänt ai pièṡa la sâtira. Mé an ò mégga bän mâi capé csa la séppa, mo una vôlta ch'a m sån distrât a l'ò fâta. Prémma o dåp a la faṡän tótt. L'impurtànt l'é an afeziunères brîṡa e savair quand tirèr la catäna.
AMÎGH	Anc sänzz cgnusänt e dscgnusó. Dscgnusó par vuèter, s'as capéss. Mé i cgnóss. E i én di zêni opûr di tèsti ed câz o inción di dû o tótt e dû äli cås. Insåmma un quèl un påch cme l'umanitè, mo in znén. O fårsi in grand, a m cunfånnd sänper, probâbilmänt apåsta. Csa impårta?
SHECKLEY	Robert Sheckley al fa categorî par cånt så. L'é pèrt dla mî vétta e mé a sån stè pèrt dla så. A sän viażè insàmm par mîṡ e stè insàmm in dṡvêrs peråd e låghi. Qué a truvè tótti äli imâgini relatîvi.
IAN WATSON	Anc Ian Watson al fa categorî par cånt så. Al pió brilànt scritåur britânich secånd i miåur crédich. Da quèlch ân a sän tant amîgh e a sän scrétt un lîber insàmm. Qué a truvè i link a un quèl ed nostra åpera a 4 man e fòto ed viâz̈ ch'a sän cundivîṡ.
VARIA UMANITÀ	Ai é ed la zänt ch'an cgnóss brîṡa epûr l'eṡést l'istàss in quèlch pèrt. Tanti an lâsen brîṡa in mé däli trâzz ch'a m arcôrda. Èter invêzi sé. Ecconi quèlchidón.
RASSEGNA STAMPA	Avânz fåsil ed trâzz ed vétta sätta fårma ed efémeri segnétt in vatta a fói ed cârta ch'ripêt ala cârta igiénica i dûren såul un påch ed pió e i én quèṡi sänper manc nezesèri. E ai é ed la zänt ch'ai crädd. S't î acsé, acamådet. Par piaṡair dåp la catäna.
GUESTBOOK	Prémma o dåp a l'ariativarò. Opûr nå. S't vû pêrder tänp con di vîć cumänt asurté, prova pure.
POLITICA	Al pèr incredébbil mo int la vétta m'é capitè ed fèr anc la polética, o piotåst la polética la s é fâta mé fén al dé in cui a l'ò mulè. Comónqued, gnínt ed sêri. L'é stè såul una fazända ed sèss. Par feticésta e guardón, ecco cme l'é andè.
GÓST	Banèl elénch ed cås ch'am pièṡen. Óna ed cäli cås ch'as métten int la så homepage par semplifichèr la så personalitè ai ûć dal viṡitatåur impaziänt.
LIBRARÎ	Prémma o dåp ai metrò una seleziån ed grand lébber bón ed rànder la våstra vétta bän pió bèla, se såul dåp vuèter i lżéssi. Int al fratänp ai é quèl, mo an m arcôrd brîṡa csa.
POSTER	Se tótt at anåia, fårsi t è biṡåggn ed tachèr un poster int la tå cambratta. Magâri un poster con un grand cûl incumbänt. Opûr quèl ed manc rafinè.
CONTRIBÓT	Par quant al påssa da prémma parair strâmb, contribuîr in môd atîv ala mî vétta l'é sänzz e ala purtè ed tótt. Qué av dâg anc un utmi sugerimänt in merit.
CUVÊRTA	Ai é anc di imbezéll che quand i vâghen spaesè in un sît i finéssen sänper par turnèr ala cuvêrta. St'link al i vål aiutèr.

	POSOLOGÎ
	Gnínt pòra ed entrèr in Quagliaspace! L'é comónqued tröp tèrd. S't an è brîṡa lasè lé ed lèzer t î bèle dänter. Avertänz: Quagliaspace l'é controindichè ali mómi. L'é spass riṡultè letèl par i cadâver. Anc i zombi i córren quèlch réṡich. S't stè ancåura a lèzer, sicûr an t î brîṡa un cadâver, probâbilmänt an t î brîṡa una mómia, e fårsi gnanc un zombi. O fårsi sé. Boh? Al fa dabån diferänza? Bänvgnó dånca in Astounding Quagliaspace! Ch'al pèr scrétt in inglaiṡ mo invêzi l'é itagliàn. E se sti pâgini at pièṡen suggeréssli ai tû amîgh ed chèrna e cåi eletrånich. E bèle ch't î qué métt un link in vatta ali tû pâgini, s't la è, e magâri anc s't an la è brîṡa. An t dscurdèr brîṡa che ali sèt i t aspèten indóv t sè bän par fèr la pipé.	...e quasst, l'é såul al prinzéppi. Se Internet an colasarà brîṡa, se al Månnd an colasarà brîṡa, se al Sistêma Solèr an colasarà brîṡa, se la Vî Lâtea an colasarà brîṡa, se l'Univêrs an colasarà brîṡa, se Roberto Quaglia an colasarà brîṡa, Astounding Quagliaspace al s svilóperà indefinitivamänt, ala zêrca ed una sänper pió granda så incredibilitè, la qualitè dl'ezelänza par ezelänza... opûr nå, l'asolût contrèri nunchè al contrèri dal contrèri dal contrèri ed tótt quasst. Al zarvèl av s é spapulè? Utmi. L'é pió digerébbil acsé. Sänper an fidères brîṡa däli parål, al Cavâl ed Troia ed Tótti äli Mistifichaziån! D'ètra pèrt quèl a duvêva pûr scrîver, par permåtter a sta seziån ed tèst ed ocupèr un'èria sémili a cla dal trafilåt qué acsé. An crädd brîṡa ch'ai våġġa dl'ètri parål.

Ôlter che a livèl mîtich, da incû Roberto Quaglia l'eṡést anc in tänp reèl, almänc in teorî. Pròpri acsé! Putair dla QUAGLIACAM™ . La fòto a drétta l'é con tótta probabilitè la pió recänt däli imâgini eṡistänti ed Roberto Quaglia. Con un påch ed furtóna (o ed sfurtóna) t pû vàdder csa al stà a fèr RQ (che dåp a srévv mé) in st'istàss istànt. Quand la QUAGLIACAM™ l'é impièda, l'imâgin la vén aggiornè ògni 5 minûd. Quand l'é ṡmurzè, as vadd l'ûltma imâgin registrè. Se la scrâna l'é vûda, al vål dîr che quall ch't vadd an sån brîṡa mé. La data e l'åura in vatta ala fotografî l'é relatîva al pianêta e fûṡ orèri dal lågh in cui a m tråv (spass an é brîṡa in Itâglia). Tanti viṡitatûr i m an però fât nutèr che spass l'imâgin an é brîṡa stè aggiornè da òt o nåv mîṡ. Mé ai crädd, e acsé a duvî fèr anc vuèter. A sån tröp saviamänt pîgher par cuntrolèr s'a ò una webcam impièda int i mî dintûren. Spass in efèt an ai é brîṡa.

= RQ HIC ET NUNC

ÛLTIM PÈRT

Lêż la recensiån nómmer ón
Lêż la recensiån nómmer dû

T VÛ APROFONDÎR?

Pensiero Stocastico l'é un lîber ch'al arcåi äli cås pió strâni tracimè dal zarvèl ed Roberto Quaglia. Lèzer par crédder. O par an crédder brîṡa. Par sbalèr. O turnèr in sé. Lèzer par lèzer. Digerîr par digerîr. Vîver par vîver. Amèr par amèr. Opûr nå.

St'gròs volume ed 450 pâgini al arcåi dṡäni ed artéccol americhèn ed controinformaziån. Comprais un lóng artéccol ed Roberto Quaglia in vatta ai fât dl'11 setèmber. L'é al prémm artéccol dl'antologî, recensé anc in vatta a Repubblica, in vatta al Venerdì di Repubblica (1 e 2), in vatta a Liberazione e quèlch dṡäna ed ètri testè.

S'a vlî cuntatèr st'mutànt
ch'int al tänp al cambia la så fâza,
a savî cme fèr.

S'an al savî brîṡa, CLICHÈ QUÉ

Se pròpri an ai arivè brîṡa, andè a fèrev benedîr

Ûltma modîfica, 2 fervèr 2006

Tótt i tèst e äli imâgini cuntgnó in "Astounding Quagliaspace", i pålen èser lèt, guardè, adurè, scarichè in vatta al computer, stampè e tachè int la så cambratta, e cupiè sänza lémit, SÅUL PAR ÛṠ PERSONÈL. Tótt i tèst e äli ilustraziån i én propietè ed Roberto Quaglia e an pålen brîṡa èser druvè intîr o in pèrt sänza autorizaziån. Al progèt grâfich e i cumponänt grâfich ed sti pâgini i én propietè riservè ed Roberto Quaglia. Gnínt ed quasst al på èser méss in vàndita o comónqued cumerzializè a inción titol sänza previa autorizaziån.

Métt un link a ROBERTOQUAGLIA.COM


	Ecco quèlch butån ch't pû druvèr par linchèr a st'sît CLÉCCA QUÉ par truvèr ÈTRI grâfichi tra cui zêrner