Zänt ch'ai é ed cui a m sån adè

‹ Éndiz dal sît · Pàgina dal muṡèo · 🌐 Lingua / Language

Varia Umanità

zänt ch'ai é ed cui a m sån adè

A photo of Roberto Quaglia

Ai é ed la zänt che par una ragiån o par l'ètra a i ò notè. Écoli qué. (a i in é tanti ed pió, mo äli żontarò in futûr. Opûr nå).
Al cocktail av såna stonè? Méi acsé. Considerän sta pâgina al taccuén di apónt indóv a nåt di individui ch'an ò brîṡa incuntrè, mo ch'am piaṡrévv incuntrèr. Sänper ch'int al fratänp an séppen brîṡa môrt.

Boh? Ma sì, dai!
	Pino Aprile	Genièl autåur ed dû ezelänt lébber ch'a i ò lèt con perfèt piaṡair. Elogio dell'imbecille ed Elogio dell'errore. Ón di rarîsim itagliàn vîv ch'l'à scrétt cås ch'am pièṡ lèzer. Butè int al cêṡ la våstra bibliotêca ed autûr itagliàn e lżîv Pino Aprile. L'é tant, mo TANT méi.
	Alejandro Jodorowsky	Genièl artésta cilên, autåur ed quèlch di film pió sureèl dla ståria dal cînema, creatåur dal teâter pânich, nunchè, recentemänt, scritåur ed utma naratîva surealésta. E dåp l'é dabån mât, e mé a rîṡ a supurtèr såul i mât, purché an fâghen brîṡa finta d'êserel.
	Noanda	Sta ragâza, Noanda, an pèr brîṡa par gnínt noiåuṡa. Scuṡèm s'l'é påch. An é gnanc brótta, e quasst al evita ed ruvinèr l'efèt. La ciberpreṡänza feminíl pió afasinànt dal web itagliàn. (merit så o demerit däli ètri?)
	Beppe Grillo	Beppe Grillo l'à ragiån. Quèṡi sänper. E quasst l'é pió che abastanza. E al i rédd d'såura. E quasst l'é ancåura méi, dâto ch'l'é l'ónich môd sensè ed afruntèr la vétta. S'al s candidéss preṡidänt dal Consèli, secånd mé al gnirévv elèt. Mo an ai al auguri brîṡa.
	Elio	Quall däli ståri têṡi. In prâtica al frank zappa itagliàn, con la diferänza ûtil ch'l'é ancåura vîv mäntr al zappa mégga tant. Al m faṡêva sbalèr quand an êra brîṡa famåuṡ. Adès un påch ed manc. Mo in confrónt ala mêrda in cui al rèst dal månnd däli canzonèti itagliàni al consést, elio al emêrz, anzi al s êrz, êrgo ereziån la srévv, o żå o só ed lé.

Dåp sti persåni, ch'a sò ch'i eṡésten anc s'an äli ò brîṡa incuntrè, av propångn anc ètri persåni, ch'invêzi a sò ch'i eṡésten e äli ò anc incuntrè.

A VLÎ ÈSER ELENCÈ IN VATTA A STA PÂGINA?
AN É BRÎṠA DIFÉZZIL. L'É PIÓ FÂZIL CH'AL SÉPPA IMPOSSÉBBIL PIOTÔST CH'AL SÉPPA DIFÉZZIL. L'É DÅNCA FÅRSI ALÅRA FÂZIL? AN PRÒPRI. O L'É INEVITÂBIL, O L'É IMPROBÂBIL. COMÓNQUED, DECÉD MÉ. L'É TANT DIFÉZZIL CUNVÉNZERUM. L'É ANC DIFÉZZIL INFLUENZÈRUM. AN CE PRUVÈ BRÎṠA SÄNZA PRÉMMA AVAIRUM MANDÈ, CAUTELATIVAMÄNT, UNA COSPÉCUA SÅMMA IN SÅLD. MO AN AI É GARANZÎA INCAPÈNA CHE QUASST AL SÉPPA ABASTANZA. IN EFÈT, A INCÛ AN À MÂI FUNZIONÈ.

CUVÊRTA | ÉNDIZ | BIOGRAFIA | I MÎ SCRÉTT | FANTASCIENZA | IMÂGINI | | RASSEGNA STAMPA | LIBRARÎ | POSTER | POLITICA | SATIRA | GÓST | AMÎGH | VARIA UMANITÀ | CONTRIBUÉSS ALA VÉTTA ED ROBERTO | CUNTÂT | LINKS |

S'a vlî cuntatèr st'mutànt
ch'int al tänp al cambia la så fâza,
a savî cme fèr.

S'an al savî brîṡa, CLICHÈ QUÉ

Se pròpri an ai arivè brîṡa, andè a fèrev benedîr

Ûltma modîfica, 21 setèmber 2004

© 1995-2006 by Roberto Quaglia

Tótt i tèst e äli imâgini cuntgnó in "Astounding Quagliaspace", i pålen èser lèt, guardè, adurè, scarichè in vatta al computer, stampè e tachè int la så cambratta, e cupiè sänza lémit, SÅUL PAR ÛṠ PERSONÈL. Tótt i tèst e äli ilustraziån i én propietè ed Roberto Quaglia e an pålen brîṡa èser druvè intîr o in pèrt sänza autorizaziån. Al progèt grâfich e i cumponänt grâfich ed sti pâgini i én propietè riservè ed Roberto Quaglia. Gnínt ed quasst al på èser méss in vàndita o comónqued cumerzializè a inción titol sänza previa autorizaziån.