c’è diliriu e diliriu lu fattu ca ju ogni tantu esibìsca ’na certa cumpitenza ntô sproloquiu è opinabbili oggi m’è succidutu di siguiri lu corsu dî siguenti pinseri ca currìvanu di iddu pâ mìnima buggirata la sò vagina e la sò cocincina hannu li sordi e accussì hannu sempri ragiuni iddi nun lu spusirìa mancu si fussi l’últimu omu ô munnu e po’ hannu quarchi cosa di curiusu li sò picciotti sempri a addurari di tutti li parti chiddi sporcaccioni mi chidia si chiddu ca facia avia cattivu oduri e ca vulia ca facissi si nun chiddu oru fòrsi chi razza di dumanni si ci la spalmava nu pocu dappertuttu supra ddu visu vecchiu tuttu rughi cî mei cumprimenti avrìa capitu allura la passa beni passa chi cosa di comu ni parrava pinsava parrassi dâ rocca di Gibilterra a pruposito è ’na bedda ’mminzioni daveru però doppu mi piaci lassarimi jiri giù ntâ tazza furzannu lu cchiù possibbili e po’ tirari la catena pi lu annaffiari beni punturi di spillu ghiacci però l’àutru sistema havi li sò vantaggi sapia sempri di comu la facia Milly di picciridda si avia li vermi o no però ci dari sordi lu stissu quant’è dutturi pregu ’na ghinea e mi chidia si avia omissioni di frequenti ma unni li vànnu a circari chiddi paroli chiddi parruccuni omissioni cu ddi occhi di miope ca mi tinia ’ncoddu di traversu nun mi sarrìa fidata a mi fari dari lu cloroformiu o Diu sapi chi àutru però mi piacia quannu s’è misu a sidiri a scriviri tuttu accussì seriu e accigghiatu nasu accussì ’ntilligenti ô diavulu bruttu bugiardu Oh tuttu chiddu ca si voli menu ca n’idiota era abbastanza sviggghiu di si ni addunari via dipinnia tuttu dû pinsari a iddu e ê sò lettiri pazzi Stellina mia tuttu chiddu ca riguarda lu tuo splendidu Corpu tuttu sottolineatu ca veni di ddà è ’na cosa di biddizza e di gioia pi l’eternità quarchi cosa ca ha truvatu ’n quarchidunu dî sò stúpidi libbra ju sempri ê presi 4 o 5 voti ô jornu e ci dicia di no e sicura Oh sì dissi sugnu sicurissima ’n nu certu sensu ci tappai la vucca sapia chiddu ca stava pi vìniri dibbulizza naturali e abbasta fu iddu ca mi eccitau nun sacciu comu la primissima sira ca ni ’ncuntramu quannu abitava a Rehoboth Terrace si rimasi ’n pedi a ni taliari pi almenu 10 minuti comu si ni fussimu già ’ncuntrati di quarchi parti cridu pi via ca era ebrea aju pigghiatu di mamma mi divirtia allura li cosi ca dicia cu ddu sò surrisu indulenti e tutti li Doyle dicìvanu ca si sarrìa purtatu diputatu Oh scema nata ca nun era àutru a crèdiri a tutti ddi sò chiàcchiari supra l’autunomìa irlandisi e l’unioni naziunali mi mannau chidda barba di rumanza dî Ugonotti di cantari ’n francisi pirchì facia cchiù finu O beau pays de la Touraine nun l’aju mai cantata mancu ’na vota nu saccu di spiegazioni e filastrocchi supra la riligioni e la persicuzioni nun ti fa gudiri nenti naturalmenti e po’ putia iddu sulu â prima occasioni ’n via di favuri ca ci capitava a Brighton square curriu ntâ mia càmmara di lettu facennu finta di s’aviri macchiatu li manu cu l’inchiostru pi si li lavari cu ddu sapuni ô zorfu e latti di Albione ca allura adupirava era ancora dintra ô invòlucru trasparenti Oh schiantai dâ risa ddu jornu a ci pinsari è megghiu ca nun ci faccia ’na seduta fina â matina supra st’affari avrìanu a fari vasi di dimensioni naturali ’n modu ca ’na fimmina ci possa sidiri supra comodamenti iddu s’agginocchia pi la fari ju dicu ca nun c’è ’n tuttu lu munnu n’àutru ca àbbia li sò abitudini talia ddu modu ca havi di durmiri ê pedi dû lettu comu fa senza nu capizzali duru menu mali ca nun tira càuci sinnò mi farrìa sautari tutti li denti respira câ manu supra lu nasu comu ddu diu indianu ca mi purtau a vidiri ’na dumènica chiuvusa ô museu di Kildare street tuttu giallu cu nu grembiulinu stisu supra lu shiancu appuiatu a ’na manu cî jita dî pedi fora ca iddu dicia era ’na riligioni cchiù granni di chidda dî ebrei e di Nostru Signuri misi ’nsemi ’n tutta l’Asia lu imita comm’è sò abitudini di imitari a tutti cridu ca puru iddu durmissi câ testa ê pedi dû lettu cu ddi pioti squadrati ’mmucca â mugghieri chi sudiciarìa comunqui unni aju misu ddi pezzi ah sì lu sacciu spiramu ca l’armadiu nun scricchià ah lu sapia iddu dormi sodu si dev’essiri divirtutu ci devi aviri fattu spènniri beni lu sò denaru naturalmenti mica l’ha avuta gratis Oh chi scucciatura speru ci sia risirbatu quarchi cosa di megghiu ntô àutru munnu a ni ligari tutti accussì Diu ni scampa e libbira pi stanotti va beni accussì e ora lu vecchiu lettu bozolusu e tintinnanti mi arricorda sempri lu vecchiu Cohen ci si dev’essiri grattatu spissu dintra e iddu cridi ca papa l’ha accattatu di Lord Napier ca ju ammirava di picciridda pirchì ci avia dittu chianinu chianu Oh comu si sta beni a lettu Diu ci risimu comu ô sòlitu doppu sidici anni ’n quanti casi sarràmu stati Raymond terrace e Ontario terrace e Lombard street e Holles street e iddu si ni va ’n giru fischiannu ogni vota ca si devi sloggiari sempri ddi ugonotti o la marcia dî ranòcchi facennu finta di aiutari li omini cu ddi 4 stecchi di mòbbili ca avemu e po’ l’albergu City Arms di peggiu ’n peggiu dici lu pruvostu Daly ddu posticinu diliziusu supra lu pianerottolu sempri quarchidunu dintra a prigari po’ tutti si lassàvanu darreri tutti li sò puzzi si sapi sempri cu’ c’è statu pi últimu e chi ni dici di sti pinseri lu cui corsu oggi m’è capitatu di siguiri fànnu schifu su’ beddi lu truccu ca aju adupiratu pi li pinsari è nu vecchiu truccu aju rapiutu l’Ulisse di Joyce e ni aju liggiutu ’na pàggina mentri li mei occhi scurrìvanu lu testu mi sugnu ritruvatu sti paroli ’mmenti e accussì senza dubbiu li stava pinsannu già ca ci era aju pi cuincidenza scrittu ’n tempu reali chiddu ca mi passava pâ testa ô ritmu fissu dâ littura e ecco allura avanzari sta lettera doppu la chiusura dû libbru e la scumparsa di ddi pinseri dâ mia testa accussì fora ca pî primi vinti paroli circa di stu pizzu e po’ ora a ripartiri di quarchi mumentu fa ’mmeci ca dilirari ju aju lassatu dilirari Joyce e po’ dicitimi vuiautri si iddu ô sò tempu e po’ puru doppu lu sò tempu nun v’ha pigghiatu pû culu a tutti.

Roberto Quaglia