esistinu ntô nostru paisi dui Italii. Nun staju parrannu dâ divisioni tra Nord e Sud. Di chistu parranu già tutti li àutri e nuddu dici nenti di novu. Staju parrannu di dui sociità taliani paralleli, ca cunvivinu ntê menti di tutti li taliani. Una d’iddi è la clàssica "Sociità Taliana", ca ognunu po’ vìviri câ propria espirienza diretta. Li sò affetti, lu sò travagghiu o la sò disoccupazioni, ovveru li propri rilazioni diretti cî àutri essiri umani. È ’na sociità di nu tipu ca esisti di quannu esisti l’Omu, pirchì l’Omu è n’animali suciali.
L’àutra è chidda ca ju chiamu "la Sociità Tilivisiva Taliana".
La Sociità Tilivisiva Taliana è prima di tuttu cumposta di ’na ristretta cerchia di individui, li quali custituiscinu la cchiù elevata tra li casti ’n cui è ripartuta la Sociità Taliana. La Sociità Tilivisiva Taliana è però assai cchiù di ’na casta. Idda è pi esempiu Lu Granni Pignatuni Unni Vògghinu Tutti Li Miti. È puru nu saccu di àutri cosi, e cû tempu circhiremu di nìmi mèttiri a focu lu cchiù numuru possibbili.
La Sociità Tilivisiva Taliana è viva ntê ciriveddi di tutti nuiautri taliani. Puru si li cumuni cittadini, mai cumparennu supra ô video, nun ni fànnu parti a pienu tìtulu, ni fànnu lu stissu parti a tìtulu minuri. Comu ogni àutra sociità, la Sociità Tilivisiva Taliana po’ essiri paragunata a n’organismu; li prutagunisti dû video ni su’ lu multiformi ciriveddu, li miliuni di tilispittaturi ni su’ lu vuluminusu e putenti corpu. Corpu e ciriveddu su’ intimamenti cunnessi. Pi esistiri, ognunu havi bisognu di l’àutru.
Tutti li miti di cui lu ciriveddu umanu s’è di sempri nutrutu pi s’urizzuntari duranti la vita, vèninu oggi estratti dû caddaruni dâ Sociità Tilivisiva Taliana. Ntâ Sociità Tilivisiva Taliana nun ci su’ sulu li pirsunaggi nustrani, li mikebongiorno, li emiliofede, li giulioandreotti. Ci su’ a uguali tìtulu pirsunaggi furasteri, li stallonerambo, li boriseltsin, li billclinton, li mickjagger. Li pirsunaggi furasteri fànnu quasi sempri puru parti di Sociità Tilivisivi Furasteri, e pi stu mutivu, ntâ immaginariu cullittivu, vàlinu di cchiù.
Tutti li prutagunisti dâ Sociità Tilivisiva Taliana su’ ovviamenti miti. Certi su’ miti pusitivi, àutri su’ miti nigativi. Certi ’ncarnanu lu mitu dâ tranquillità, àutri chiddu di l’irriquietizza. Ma nuddu d’iddi po’ eludìri lu ruolu di mitu. Comu pî antichi miti ntâ sociità clàssica, ognunu d’iddi esisti ntâ Sociità Tilivisiva Taliana pi ’ncarnari ’na funzioni bona precisa. Ntâ esistenza di ognunu d’iddi lu cittadinu cumuni ciecamenti cridi, puru si nun havi mai avutu l’espirienza pruvanti di nu cuntattu pirsunali. Quanti, tra 50 miliuni di tilispittaturi, havi mai ’ncuntratu sgarbi di pirsuna, accussì appurannu ca sgarbi esisti daveru, ca havi nu riscontru puru ntâ Sociità Taliana, oltri ca ntâ Sociità Tilivisiva Taliana? Si cridi oggi â esistenza di sgarbi comu ’na vota si cridiva â esistenza di odino. Campamu ntâ èpuca cchiù mitulògica ca l’umanità havi mai spirimintatu. Lu mitu è accussì centrali, ntô munnu attuali, ca nun a casu lu linguaggiu giuvanili s’è apprupriatu dû vòcabbulu, sulu apparentimenti banalizzannunì lu significatu. Quannu la picciridda dici ca vascorossi è nu mitu, dici la verità.
Ntâ Sociità Taliana nun si po’ prescindiri dâ Sociità Tilivisiva Taliana. È cchiù emarginatu nu picciriddu ca nun sapi comu parranu li puffi o cu’ sianu li tartarugheninja ca nu picciriddu "diversu" ’n modu tradiziunali. N’omu adultu ca nun sia aggiurnatu supra lu campiunatu di palluni è suspettu. Si po’ st’omu adultu esìta a esprimiri nu propriu giudiziu supra sgarbi, lu numuru dî sò putinziali interlocuturi crodda miseramenti. Puru a ignurari li spot pubblicitari po’ rivilarisi insidiusu quannu nun addirittura fatali. È pràtica sempri cchiù frequenti chidda di intercalari, tra nu discursu e l’àutru, lu slogan di nu spot pubblicitariu. La citazioni di nu slogan addiventa vulinteri puru strumentu d’umurismu. Si â fini, pi curmu d’azzardu, lu nostru iputèticu omu adultu sustinissi pubblicamenti di nun aviri la minima idea cu’ sia mikebongiorno, nè di avirni mai intisu nnuminari lu nomu, sarrìa taliatu nun diversamenti di comu si talia nu irricupirabbili pazzu, o ancora peggiu, n’erèticu.
La gran prevalenza di quantu veni dittu tra li taliani cuntimpuranii, pi mutivi ca esulinu di li propri attività lavurativi, è intimamenti attinenti â Sociità Tilivisiva Taliana. Cchiù spissu di quantu unu si metti ’n cuntattu cî propri amicizii (ntâ Sociità Taliana), unu si metti ’n cuntattu câ Tilivisioni (cioè la Sociità Tilivisiva Taliana), addumannula.
Aviri successu ntâ vita, cioè ntâ Sociità Taliana, è infinitamenti menu prestiçiusu ca aviri successu ’n Tilivisioni, cioè ntâ Sociità Tilivisiva Taliana.
La Sociità Tilivisiva Taliana, ntâ cumuni scala dî valuri, è dunqui assai cchiù impurtanti dâ Sociità Taliana. Nun a casu è assai difficili arrivari a trasiri a nìni fari parti a pienu tìtulu, e è defatti chistu unu dî principali sonni e ambizioni di sempri cchiù taliani. Cumpariri ’n Tilivisioni, ntô munnu uccidintali attuali, è ormai addivintata n’espirienza mística a tutti li effetti, comu analizziràmu ’n una dî pròssimi lettiri.
Pi oggi è tuttu, caro Maurizio Costanzo Show, sublimi e megghiu sìmbulu dâ Sociità Tilivisiva Taliana.

Roberto Quaglia