te rinne cunto ca si virtualmente immortale? Dico "virtualmente" pe nun 'a fa troppo fora d''o bulacco. Ma tutto chello ca 'n te succede nun scumpare succedenno, comme succede a 'e fenòmene clàssece. Ogne istante d''a manifestazione toja è fedelmente cunzervato cu 'a procedura màggeca d''a videoregistrazione, e nun è atterrato dint'ô passato. Niente ce vieta 'e penzà ca tra certe millenne 'e immàggine e discurze 'e cui consiste sìano esibite 'n 'nu museo elettròneco d''o futuro... (che vo' dìcere 'nu museo elettròneco? chello ca aggio scritto è 'na banalità immane; ll'elettròneca è attuale oje comme 'o motore a vapore 'o era dint'ô sècolo passato; fra migliara 'e anne...) ...o cchiù priesto, 'n 'nu museo mentale, qualunque cosa sta invenzione putarrà essere. Niente ce vieta defatte 'e immaginà ca 'n 'nu 'mprecisato futuro tutto chello ca 'n passato fuje scritto, cantato, sunato, reso 'n immàggine, pòzza essere direttamente accessìbbile â mente 'e ognuno mediante 'o sulo esercizio d''a 'ntenzione propia. 'N ate parole, mediante tècneche pe nuje attualmente 'nimmaginàbbele (comme 'nimmaginàbbele certamente fùrono 'e tècneche informàteche a 'e abitante d''o medio evo), 'na perzona putarrà "vedé" direttamente dint'ô cerviello suo qualunque film sia maje stato girato, sentì qualunque canzone chiunque àbbia maje cantato, addirittura "vìvere", 'n modalità a nuje ancora 'gnote, avvenimiente succiese sècole primma. Quanto sto dicenno nun è già mò niente 'e troppo straordinario, quanno 'e progresse dint'ô sviluppo d''e tècneche 'e realtà virtuale làssano presagì ll'inaugurazione 'e 'na era 'e esistenza pure 'nteramente fittizia già pe ll'inizio d''o sècolo ca vène, ovèro fra meno 'e 'nu decennio. Pecché dint'â storia umana 'a realtà ha sempe scavalcato 'a cchiù sfrenata d''e fantasie, se ne putarrìa arguì ca qualunque ipòtese 'a mente umana pòzza immaginà p''o futuro d''a specie nosta, purché nun 'n totale cuntrasto cu 'e cchiù evidente d''e legge 'e natura, sia destinata nun sulo a s'avverà, ma a essere addirittura scavalcata d''e evente reale.
È chesto 'nu penziero overamente intrigante, caro Maurizio Costanzo Show. Sulo 'n stu sècolo orde 'e scritture s'entusiàsmano a scrìvere 'e chello ca 'o futuro offrarrà a ll'umanità. Sbagliàjeno, dint'a 'e sècole e dint'a 'e sècole passate, tutte 'e perzone cchiù dotte, maje prevedenno 'nu futuro sostanzialmente diverso d''o presente lloro. Sbagliarranno allora pure tutte 'e scritture 'e fantascienza cuntemporanee, e pure lloro, comme 'e predecessure lloro, pe difetto? 'E storie lloro già 'e pe sé mirabbolante e 'ncredìbbile, sarranno superate 'a 'na realtà ancora cchiù allucinante? Si 'a lògeca nun è 'na opinione, sarrà accussì, pure si 'a mente nosta s'oppone naturalmente a sta ipòtese, nun accettanno ca 'a quacche parte ('n stu caso dint'ô "futuro") ce pòzzano essere 'ncògnete ca essa nun pòzza tené sotto 'o controllo suo.
Si accussì virtualmente immortale, caro Maurizio Costanzo Show. Chello ca 'n te vène ditto riecheggiarrà quacche vota, ccà e llà, dint'a 'e mente 'e individue ca hanno ancora 'a nàscere. Comme a nuje arrìvano 'e sfocate e accelerate immàggine 'n gianco e niro d''e primme film 'e inizio sècolo, chine 'e protagoniste ca 'a luongo tiempo hanno fernuto 'e essere, farrà 'nu juorno tenerezza o ate sensazione a quaccheduno 'o fatto 'e se guardà 'e bidimensionale sequenze d''e trasmissione toje, ascutà 'e personagge ca hanno vissuto 'n te revìvere chelle ca appararranno comme 'e assurde e surpassate cunversazione lloro.
Ce sta quaccosa 'e soprannaturale 'n tutto chesto. Niente ca 'n te succede scumpare. "Verba volant" se diceva 'na vota. Pe millenne, 'e parole nun hanno lassato tracce. Né 'e gieste. Tutto scumpareva succedenno. D'ora 'n poi, pe chello ca te riguarda, nun sarrà cchiù accussì. Ogne parola sporca 'e sgarbi è rummasta, ripruponìbbile a ll'infinito, giudicàbbile e rigiudicàbbile fino â fine d''e tiempe o d''o Ommo o d''e supporte addó tu, Maurizio Costanzo Show, si e sarraje registrato. Ogne manifestazione 'e bellezza, 'n te e dint'â trasmissione toja, nun è stata effìmera, esiste ancora, e se manifestarrà quanno 'a richiammarrammo dint'ô muodo opportuno. P''o mumento 'o muodo opportuno è chillo 'e 'a rimannà 'n onda, o se rivedé 'na cassetta registrata. 'Nu juorno, comme già ditto, putarrà abbastà 'a sola 'ntenzione propia. Se accedarrà a 'e ricorde audiovisive collettive cu sforze mentale àffine a chille ca nuje normalmente già tutte 'e juorne aduperammo pe arricurdà chello ca sapimmo. Pe chillu tiempo, ll'istruzione sarrà fórzo completamente avulsa d''e libbre, ca dint'â forma 'e oje comunque nun esistarranno cchiù. (Primma 'e tutto pecché nun esistarrà cchiù 'a carta. 'A carta vène defatte fatta d''e àrbere e dint'ô corzo d''o sècolo ca vène ll'Umanità darrà probabilmente funno a ll'ùrteme riserve 'e fureste ca oje ancora resìstono e ogne tipo 'e àrbero scumparrà pe sempe dâ terra e cu isso 'a carta. 'N secondo luogo 'a carta d''e libbre attualmente esistente se sarrà spontaneamente decomposta, pecché accussì fa 'a carta: aspetta pe 'nu poco ca quaccheduno 'a legge, po' discretamente se decompone doppo poche centenare 'e anne ô màsseme, scumparenno 'nzieme cu 'e parole soje 'nquiline.) 'A cultura custituarrà dint'â capacità 'e truvà, dint'ô smisurato database 'e tutto 'o scìbbile digitalizzato (o si no registrato), informazione, immàggine e correlazione 'e documente. 'O scìbbile digitalizzato (comme a me mò piace 'o chiammà), sarrà 'n 'nu certo senzo 'n ambiente mentale, 'n ambiente immenzo e complesso. 'A differenza tra ll'ignorante e 'a perzona colta sarrà data dâ megliore o peggiore acquisizione d''e tècneche necessarie a se districà dinto. 'E cchiù 'ntelligente 'mpararranno tècneche cchiù complesse. Sarrà, chella 'e cui mò confusamente stammo fantasticanno, inevitabilmente 'na esistenza prettamente mentale. Chesto nun sarrà comunque pe niente 'na pèrdeta. Quanto ce succedarrà o ce parrà 'e ce succèdere, ce parrà a tutte 'e effette reale e accussì 'e fatto 'o sarrà. Pure malatie e morte sarranno purtroppo reale pure nun ll'essènno. Chello ca 'o cerviello è fermamente cunvinto ca lle sta succedenno, effettivamente lle succede, cumpresa 'a morte (dura lex, sed lex psicosomaticae). Ma 'e vantagge 'e sta società mentale ventura sarranno eclatante: ll'essere umano trascennarrà pe ll'ennèsema vota 'e lìmmete precedente suoje, mantenenno 'e passiune soje, 'e vizie animale suoje e tare genèteche inquadrate 'n 'nu nuovo sofisticatìssemo sistema ca dint'â immaginazione nosta mò confusamente appare comme impossìbbile e misterioso (comme impossìbbile e misterioso appararrìa 'o sistema 'e vita attuale nuosto a ll'Ommo Medievale), ma ca a ll'Uommene e Femmene d''o futuro apparrà semplicemente - comme sempe è stato doppo ogne graduno 'e sviluppo - normale, scuntato, e pure nuiuso. Caro Maurizio Costanzo Show, ll'orazione mia 'e oje annanze a te è fernuta. Rimette 'e cuncètte mije a 'e pòstere oppure no e accussì sia.

Roberto Quaglia