ti renni cuntu chi si' virtualmente immortale? Dicu "virtualmente" ppe un a fare troppu fora du bulaccu. Ma tuttu chiru chi intra de tia succede un scumpare succedennu, cumu succede ai fenomeni classici. Ogni istante da manifestazione tua è fedelmente cunservatu ccu a procedura magica da videoregistrazione, e un è vurricatu intru u passatu. Nente ni vieta de pensare chi tra quarche millenniu l'immagini e i discursi de cui si' fattu su' esposti intra nu museu elettronicu du futuru... (chi vò dicere nu museu elettronicu? chiru chi aju scrittu è na banalità immane; l'elettronica è attuale oje cumu u motore a vapore u era intru u seculu passatu; tra migliara de anni...) ...o piuttostu, intra nu museu mentale, qualunque cosa chista invenzione putrà essere. Nente ni vieta infatti de immaginare chi intra nu futuru imprecisatu tuttu chiru chi 'n passatu fu scrittu, cantatu, sunatu, resu 'n immagini, pò essere direttamente accessibile alla menta de ognunu ccu u sulu eserciziu de l'intenzione propria. 'N atre parole, ccu tecniche ppe nue oje inimmaginabili (cumu inimmaginabili de sicuru furu i tecniche informatiche ppe l'abitanti du medioevu), na persuna putrà "vidire" direttamente intru u ciarviellu sue qualunque film è mai statu giratu, sentire qualunque canzone chiunque ha mai cantatu, puru "campare", 'n modalità a nue ancora scanusciute, avvenimenti succiessi seculi prima. Chiru chi sto dicennu un è già mo nente de troppu straordinariu, quannu i progressi intru u sviluppu de i tecniche de realtà virtuale fannu presagire l'inaugurazione de n'era de esistenza puru interamente fittizia già ppe l'inizio du prossimu seculu, cioè tra menu de nu decenniu. Pecchì intra a storia umana a realtà ha sempre scavalcatu a cchiù sfrenata de i fantasie, si ni putissa dedurre chi qualunque ipotesi a menta umana pò immaginare ppe u futuru da specie nostra, purché no 'n cuntrastu totale ccu i cchiù evidenti de i leggi de natura, è destinata no sulu a s'avverare, ma a essere puru scavalcata de l'eventi reali.
È chistu nu pinsieru davveru intrigante, caru Maurizio Costanzo Show. Sulu intra chistu seculu orde de scritturi s'entusiasmanu a scrivere de chiru chi u futuru offrirà all'umanità. Sbagliaru, intra i seculi e i seculi passati, tutti i persune cchiù dotte, mai prevedennu nu futuru sostanzialmente diversu du presente de iddi. Sbaglierannu allura puru tutti i scritturi de fantascienza contemporanei, e puru iddi, cumu i predecessori de iddi, ppe difettu? I storie de iddi già de se mirabolanti e incredibili, sarrannu superate de na realtà ancora cchiù allucinante? Si a logica un è n'opinione, sarrà accussì, puru si a menta nostra s'oppone naturalmente a chista ipotesi, un accettannu chi de quarche parte (intra chistu casu intru u "futuru") ci pònnu essere incognite chi illa un pò tenire sutta u cuntrollu sue.
Si' allura virtualmente immortale, caru Maurizio Costanzo Show. Chiru chi intra de tia vene dittu rieccheggerà quarchi vota, ccà e llà, intra i menti de individui chi hannu ancora de nascere. Cumu a nue arrivanu i sfocate e accelerate immagini 'n biancu e nivuru de i primi film de inizio seculu, chini de protagonisti chi de tantu tiempu hannu smisu de essere, farà nu jornu tenerezza o atre sensazioni a quarcunu u fattu de si guardare i sequenze bidimensionali de i trasmissioni tue, ascoltare i personaggi chi hannu campatu intra de tia ricampare chire chi parerannu i cunversazioni de iddi assurde e sorpassate.
C'è quarche cosa de soprannaturale 'n tuttu chistu. Nente chi intra de tia succede scumpare. "Verba volant" si dicìa na vota. Ppe millenni, i parole un hannu lassatu tracce. Né i gesti. Tuttu scumparìa succedennu. De mo 'n pue, ppe chiru chi ti riguarda, un sarrà cchiù accussì. Ogni parolaccia de sgarbi è restata, riproponibile all'infinitu, giudicabile e rigiudicabile finu alla fine de i tiempi o de l'Omu o de i supporti aduve tu, Maurizio Costanzo Show, si' e sarrai registratu. Ogni manifestazione de bellezza, intra de tia e intra a trasmissione tua, un è stata effimera, esiste ancora, e si manifesterà quannu a richiamaremu intru u modu opportunu. Ppe mo u modu opportunu è chiru de a rimannare 'n onda, o de si rividere na cassetta registrata. Nu jornu, cumu già dittu, putrà bastare a sula intenzione propria. S'accederà ai ricordi audiovisivi collettivi ccu sforzi mentali simili a chiri chi nue normalmente già tutti i jorni usamu ppe ricordare chiru chi sapimu. Ppe chiru tiempu, l'istruzione sarrà forse cumpletamente staccata de i libri, chi intra a forma de oje comunque un esisterannu cchiù. (Prima de tuttu pecchì un esisterà cchiù a carta. A carta vene infatti fatta de l'arburi e intru u corsu du prossimu seculu l'Umanità darà probabilmente fundu all'urtime riserve de foreste chi oje ancora resistanu e ogni tipu de arburu scumparirà ppe sempre da terra e ccu illu a carta. 'N secunnu locu a carta de i libri chi esistanu oje si sarrà spontaneamente decomposta, pecchì accussì fa a carta: aspetta nu pocu chi quarcunu a legge, pue discretamente si decompone doppu pochi centinara d'anni au massimu, scumparennu 'nzèmmula alle parole chi ci abitanu.) A cultura cunsisterà intra a capacità de truvare, intru u smisuratu database de tuttu u scibile digitalizzatu (o diversamente registratu), informazioni, immagini e correlazioni de documenti. U scibile digitalizzatu (cumu a mia mo mi piace de u chiamare), sarrà 'n certu sensu n'ambiente mentale, n'ambiente immensu e complessu. A differenza tra l'ignorante e a persuna colta sarrà data de l'acquisizione megliu o peggiu de i tecniche necessarie a si districare intra d'illu. I cchiù intelligenti 'mparerannu tecniche cchiù complesse. Sarrà, chira chi mo cunfusamente stamu fantasticannu, inevitabilmente n'esistenza prettamente mentale. Chistu un sarrà comunque ppe nente na perdita. Chiru chi ni succederà o ni parerà de ni succedere, ni parerà a tutti l'effetti reale e allura de fattu u sarrà. Puru malatie e morte sarrannu purtroppu reali puru senza u essere. Chiru chi u ciarviellu è fermamente cunvintu chi ci sta succedennu, effettivamente ci succede, cumpresa a morte (dura lex, sed lex psicosomaticae). Ma i vantaggi de chista società mentale futura sarrannu eclatanti: l'essere umanu trascenderà ppe l'ennesima vota i limiti sui de prima, mantenennu i passioni sue, i vizi sui animali e i tare genetiche inquadrate intra nu sistema novu sofisticatissimu chi intra l'immaginazione nostra mo cunfusamente pare impossibile e misteriusu (cumu impossibile e misteriusu parissa u sistema nostru de vita de oje all'Omu Medievale), ma chi all'Omini e Fimmine du futuru parerà semplicemente - cumu sempre è statu doppu ogni gradinu de sviluppu - normale, scuntatu, e puru noiusu. Caru Maurizio Costanzo Show, l'orazione mia de oje davanti a tia è finuta. Rimetti i cuncetti mei ai posteri oppuru no e accussì sia.

Roberto Quaglia