Caru Maurizio Costanzo Show,

ogni tantu intra a vita bisogna imitare a pubblicità, o puru cchiù spissu, suprattuttu si si duna retta alla pubblicità stessa.
Allura aju pensatu chi era obbligatoriu, ppe mia, ti fare n'offerta speciale puru iu, cumu i pubblicitari n'hannu 'mparatu chi è bonu de fare.
Au prezzu de na sula littera, oje, ti nne speddisciu puru cinque. Cinque littere au Maurizio Costanzo Show au prezzu de una!
Sarrà oje u Gigi Picetti chi intra de mia s'ammuccia a l'avìre prodotte. Un u dicu tantu a tia, quantu u ricordu a illu e a mia.

Caru Maurizio Costanzo Show,
Tegnu 49 anni e menzu e un mi sugnu mai maritatu.
Mi sugnu tenutu liberu e arricchitu de esperienza, de informazioni.
Mi cunsideru au passu ccu i tiempi e dicianu chi un sugnu pue accussì male esteticamente.
Un sugnu calvu, un tegnu a panza, e tegnu quasi tutti i denti mei.
Certu, ppe a strata mi giru a guardare i guagliune, e quarcuna mi strappa puru nu commentu, ppe cumu è e cumu va vestuta.
Ma quannu era guagliune era difficile l'approcciu (un parlamu pue da conclusione) pecchì i fimmine eranu tutte timorate.
Mo chi c'è u liberalismu e tuttu è permessu anzi a avìre pudure si fa brutta figura, i guagliune chi si regalanu ai teppistelli loro coetanei fujanu de na persuna sana e matura cumu a mia chi saperìa pue puru i soddisfare ccu competenza.
Dumannu pecchì a chisti guagliune un interessanu l'omini ccu l'o maiuscula e si vasanu e si strusciunu a ogni cantune basta chi su' de i loro. Ppe mia chistu è razzismu. Sinnò, guagliune de mo, rispunniti pecchì.

Caru Maurizio Costanzo Show,
A mia mi piace assai de scrivere. Certi voti mi scappa propriu de scrivere. Scrivu au ristorante, specie doppu mangiatu, supra i tovagliolini. Scrivu intra i sale de aspettu de stazioni e dentisti. Scrivu puru intra a toilette, supra a carta mia personale. Tutti l'amici e i parenti mei puru maligni apprezzanu i cose chi scrivu quannu ci i fazzu vidire, sugnu jutu intra i redazioni de giurnali e riviste e de quasi tutti l'editori de Milanu, ma m'aju sempre 'ntisu rispunnere: cuntinui accussì chi sta jennu bonu, ripassi cchiù avanti, ecc. Pecchì allura i cose chi scrivu vannu bonu au pubblicu e no a chine pubblica?
È quistione de amicizie, de raccomandazioni, un vuogliu pensare de mafia?
Si vuliti pozzu venire a vi truvare ccu nu pocu de fogli, sacciu puru leggere bonu, e pue cridu chi è sempre megliu chi na cosa a legge chine l'ha scritta, pecchì megliu d'illu nullu a canusce. Tegnu pagine supra quasi tutti l'argomenti, dipende chi cosa v'interessa.
Speru chi chista mia 'ncontra u favure vuostru e 'ntantu complimenti ppe na trasmissione chi propriu ci vulìa.

Caru Maurizio Costanzo Show,
Sugnu poveru, dumannu 'n giru i sordi de vint'anni.
Però u fazzu ccu educazione e un vuogliu essere insistente. Finu a mo a gente è sempre stata gentile ccu mia e un m'ha mai fattu mancare nente. Però si un fussa chi sugnu statu previdente intra chist'anni mo mi truvassa 'n difficoltà serie. Un parlu allura sulu ppe interesse personale, ma puru ppe atri cumu a mia chi stannu peggiu.
Tutti dicianu chi c'è a crisi du capitale e nullu s'è accortu chi c'è puru chira de i spicci. Tra i drogati chi si portanu via i 100 lire ccu arroganza, i guagliuncelli chi mintanu i 200 intra i macchinette de i jochi automatici, i telefoni novi a muneta de 100 e 200 e 500 senza restu, i parchimetri chi ni gliuttanu tuttu u jornu e, dulcis in fundo, o megliu "in cauda venenum" i macchinette de l'autobus chi 'n cangiu du bigliettu si piglianu i 50, i 100, i 200 e a Milanu mo aju saputu puru i 500, chi resta de dare a nu poverellu? No certu i sordi de carta o l'assegni circolari (belli tiempi de i mini-assegni!) specialmente a Genova.
Ma u sannu chiri chi mintanu chisti machine mangiasordi a ogni crocicchiu chi fannu n'attu gravemente antisociale?
Ni vuonnu ridurre alla fame, nue chi un pesamu supra l'economia du travagliu e n'arrangiamu de suli?
Dumannu a guvernanti e amministraturi pubblici chi meditanu supra u prublema si vuonnu puru u votu nostru, e chi su' na vota tantu iddi chi i prublemi ni i creanu a truvare a soluzione.

Caru Maurizio Costanzo Show,
è a prima vota chi mi decidu a scrivere a na trasmissione, e sulu pecchì aju saputu chi veramente c'è nu spaziu liberu all'opinioni de i telespettaturi, chi accussì pònnu collaborare alla civile discussione tra a gente.
Vegnu subitu allu dunque ppe Vi esporre u casu chi mi sta a core: iu aju sempre fumatu i sigarette Nazionali Semplici senza Filtru, vuoi ppe economia, vuoi ppe abitudine. U prezzu s'è sempre mantenutu cchiù chi accettabile pecchì è canusciutu chi chisti sigarette i tenimu intru u paniere, toccannu u quale si sposta a scala mobile o megliu a dicere a contingenza.
Tuttu jissa bonu si i suddette Nazionali si truvassaru 'n cunsegna de i diversi tabacchini de Genova. Ma gira gira è sempre cchiù difficile i avìre, sia pecchì dicianu chi ni cunsegnanu poche, sia pecchì forse un vulissa pensare male ma i tabacchini i riservanu probabilmente a amici e parenti chi si i prenotanu e accaparranu.
Parlannu de chistu prublema Duminica 20 Novembre intra nu Bar de Corso Sardegna ccu tanti amici è nisciutu fora chi si putissa obbligare u Monopoliu a fare 'n modu chi nu prodottu fattu ppe u cunsumu populare è veramente truvabile intra a quantità giusta au bisognu chi ni tenanu i fumaturi sui. E cumu putire fare chistu?
Tutti sannu chi si si va intra nu panificiu e si dumanna du pane comune all'acqua, chiru menu caru, u panettiere stessu chi è sprovvistu è tenutu a cunsegnare all'accattature u pane de prezzu chi tene subitu supra, ma ('mportante) au STESSU prezzu de chiru cchiù economicu chi un si trova 'n cundizione de dare.
Allura n'amicu mie fidatu dicìa chi u legale sue (intra na Causa 'n Pretura ppe rumuri du vicinu de supra) c'avìa garantitu chi si pò fare uguale puru ppe i Nazionali Semplici, si un i dunanu avennu au postu loro i Super senza filtru de 400 lire e si mancu chisti ci su', i Alfa de 700 lire e via saglienno finu au tipu chi tenanu, però sempre a 230 lire au pacchettu cumu i Nazionali Semplici.
Si tutti quanti adottassimo chistu sistema un fussimu cchiù pigliati 'n giru de nu Guvernu chi fa finta de pensare au populu sue e pue un fa abbastanza sigarette ppe u bisognu de i fumaturi cchiù populari.
Accussì facennu fussaru obbligati ppe un ci perdere a fare cchiù Nazionali e senza rischiu ppe nue si no chiru de fumare semmai na sigaretta cchiù cara allu stessu 'mportu.
Si tra i spettaturi vuostri c'è n'Avvocatu gradissa cunferma intru u sensu de chiru chi aju espostu, chi è già cumu dicu parere de nu legale.
Grazie de l'ospitalità e n'appellu a tutti i fumaturi de Nazionali Semplici senza filtru a essere uniti e compatti intra i diritti nostri sacrosanti.

Caru Maurizio Costanzo Show,
Travagliu au portu ogni tantu e sugnu puru appassionatu de fotografia. Tutti i voti chi arriva na navi giapponese m'arrangiu ccu u pocu ingrisi chi mastico a mi fare spiegare de l'equipaggiu i novità fotografiche chi si portanu arretu. Mercuri passatu su' scisi nu gruppu de chisti giapponesi tutti ccu a Nikon e u teleobiettivu.
C'aju dumannatu pecchì nente normali e grandangoli e m'hannu fattu capire chi ppe i gatti chi avìanu de fotografare un jìanu bonu.
Nu mancinante m'ha vulutu dicere chi iddi 'n Giappone tenanu na grossa fabbrica industriale de nu tamburru dittu "sciamisen" chi vene custruitu ccu pelle de gattu o puru cunigliu.
U jornu doppu 'n Sottoripa l'aju acchiappati sparsi ppe i vicoli chi facìanu davveru i foto ai gatti.
Mo, iu un tegnu simpatia particulare ppe i felini, ma un mi sta bonu chi chisti giapponesi fannu i tamburri loro ccu i gatti nostri.
Un mi dilungu de cchiù, provveda chine ha de provvedere.

Caru Maurizio Costanzo Show,
Sugnu nu pensionatu de Piazza Terralba de settantasei anni.
Ccu chisti belli jorni de sule chi ni regala u 'nvernu, l'atra matina sugnu jutu a mi pigliare l'aria bona alla Villa Imperiale.
Cumu mi sugnu assettatu supra a prima panchina m'aju truvatu na siringa chiantata intru u darretu.
È mai pussibile chi n'onestu cittadinu chi ha travagliatu tutta a vita rischia a tossicodipendenza involontaria pecchì lassanu 'n giru chisti siringhe chi pue mi si chiantanu intru u culu? Scusati l'espressione ma sugnu propriu fora de mia.

Gigi Picetti

Lassa nu Cummentu. Leggi i cummenti de l'atri. Mi piace! Mi piace! Mi piace! Ìndice de i littere. Copertina. Ma chine è Roberto Quaglia?