aju notatu chi de tia si parla de tuttu, fora chi de fantascienza. Un è n'argomentu abbastanza seriu? Ma simu sicuri de intennere tutti a stessa cosa quannu usamu a parola "fantascienza"? Iu sugnu sicuru de no.
Esploramu allura u significatu chi si pò dare e chi vene datu alla parola "fantascienza". A parola "fantascienza", tantu ppe cuminciare, esiste sulu 'n italianu. È nu neologismu coniatu ppe riprodurre u significatu de l'espressione ingrisi science fiction, e assumeremu allura chi tene u stessu significatu.
Intra i decenni, da fantascienza (science fiction) su' state date numerose definizioni, ad opera de illustri intellettuali, scritturi, esperti de ogni genere ecc., e nulla è uguale a n'atra, puru si c'è sempre quarche elementu 'n comune. Parissa, chi nulla definizione pò de sula definire chiru chi a fantascienza effettivamente è, parissa chi ogni definizione minte 'n luce unu de l'aspetti de chista letteratura ricchissima de cui purtroppu troppi persune un canuscianu assolutamente nente.
Tutti sannu, o cridanu de sapìre, chi cosa vò dicere a parola "fantascienza". Fantascienza è infatti na parola chi canuscimu tutti, c'è puru intra i vocabolari. U 100% de l'italiani capaci de parlare, interrogatu a riguardu, avrà de vi dare na risposta sua. Risposta raramente venata de quarche dubbiu. Fantascienza, ppe u 99,9% de l'italiani, vò dicere guerre intru u spaziu o invasioni du spaziu o UFO o mostri schifusi o semplicemente è n'aggettivu usatu 'n modu liberatoriu ppe significare 'n negativu quarche cosa chi sfugge alla comprensione propria. U 99,9% de l'italiani (e intru u restu du munnu a situazione un è assai megliu) un ha mai lettu nu libru de fantascienza. Eppuru a parola americana science fiction (e puru chira italiana fantascienza) è nata cumu etichetta de na categoria de cunti e rumanzi chi tenìanu cumu elementu distintivu - rispettu alla letteratura finu a allura 'n voga - l'intentu de cuntare na storia du futuru plausibile sutta u puntu de vista scientificu.
Migrannu de na cerchia stritta de utenti colti au granne pubblicu da popolazione intera, u significatu comunemente 'ntisu da parola science fiction ('n Italia fantascienza) è cangiatu.
Sulu u 0,1% (percentuale ottimistica; probabilmente è cchiù giustu u 0,05%) da popolazione italiana ha mai apertu nu libru de fantascienza, e sulu u 0,02% legge fantascienza ccu na certa regolarità. Tutti l'atri sannu de sapìre chi cosa vò dicere u termine fantascienza, ma ovviamente un pònnu avìre a stessa opinione de chine ha lettu a fantascienza intra i libri.
Quarcunu putissa obiettare chi un è necessariu leggere fantascienza ppe sapìre chi cosa illa è, putissa bastare de si a gustare au cinema...
Beh, a chistu riguardu iu dicu sulu na cosa: nu bonu libru de fantascienza sta a nu bonu film de fantascienza cumu Charlie Chaplin sta a Jerry Calà. Si diciti chi un vi piace a fantascienza pecchì l'aviti vista sulu au cinema (o peggiu ancora 'n televisione), è cumu si dicissavu chi un vi piace u cinema umoristicu pecchì aviti vistu sulu i film de Jerry Calà, ccu tuttu u rispettu chi quarcunu avrà ppe i film de Jerry Calà.
A letteratura de science fiction (usu de mo 'n pue sulu u termine ingrisi pecchì forse porta menu fora strata de chiru italianu) è una de i cchiù àute espressioni de l'intelligenza de l'Omu usata ppe esplorare i trasformazioni chi l'intelligenza de l'Omu produrrà 'n futuru intra a vita de l'Omu. Intra a menta de na persuna intelligente, chi tenne a usare a vita propria ppe allargare a cultura propria, un pò mancare na canuscenza de basa de chistu vastu universu letterariu chi nullu corsu de laurea universitariu intru u munnu (o quasi; intra i Stati Uniti quarche cosa si mova 'n chistu sensu) ancora pensa a diffondere. Intra a bona letteratura de science fiction (c'è puru chira cattiva, ovviamente, cumu 'n tutti i settori), ci si nutre de i brillanti estrapolazioni supra u futuru de scienza, custumi sociali, tabù, psicologia, sociologia, semantica, arte, politica e, 'n generale, de tuttu chiru chi tene o putissa avìre cittadinanza intra l'universu immaginatu o immaginabile de l'Omu. E esplorannu i reazioni chi l'Omu (e puru a Fimmina) mustrerà 'n risposta ai cuntesti ambientali cangiati, a science fiction si minte oje cumu u megliu e u cchiù cumpletu tra i laboratori ppe u studiu de chiru chi simu, de chiru chi n'ha originati e de i destini nostri pussibili.
A chiri (chi su' tanti) chi ppe ignoranza ni sottovalutanu l'importanza culturale, tenimu a dicere chi u Presidente de i Stati Uniti e u Pentagono un fannu u stessu. De tanti anni ormai, iddi s'accattanu consulenze de i cchiù 'mportanti scritturi de science fiction americani, supra u seguitu de i trasformazioni politiche e sociali. Chistu pecchì i scritturi de science fiction tenanu risposte de dare. Nu mucchiu de risposte. E generalmente puru abbastanza sensate.
Intra l'associazione internazionale M.E.N.S.A., chi riunisce sulu individui ccu nu Q.I. (Quoziente d'Intelligenza) superiore a 140 (u valure mediu è 100), na percentuale chi putissa arrivare au 30% legge abitualmente science fiction (a media italiana un supera u 0,02%).
Intra na prossima littera, caru Maurizio Costanzo Show, viderimu cumu a letteratura de science fiction è nata, quannu è nata e suprattuttu pecchì.

Roberto Quaglia