iu sugnu chiru chi sugnu. Cioè, scusati si un sacciu cumu vu spiegare, ma iu sugnu chiru chi ti scrive tutti chisti littere intelligenti, puru si ppe fortuna mi pozzu bene vantare de un essere illu. Iu sacciu chi u sugnu pecchì l'anagrafe mu garantisce. Ma sacciu puru chi a pensu 'n modu differente de cumu dice de a pensare illu, eppuru quannu mi guardu allu specchiu u cuorpu e puru a faccia su' propriu i stessi. A faccia 'n effetti cangia nu pocu intra l'espressione. Quannu sugnu iu stessu de mo tegnu na faccia cchiù normale e n'espressione principale sula, bella semplice cumu si cunvene. Quannu sugnu iu stessu intelligente tegnu espressioni, puru supra a faccia, chi un capisciu e è megliu accussì. Chi m'interessanu, infatti? Iu sacciu chi ci sugnu pecchì cogito ergo sum (sarrò semplice ma un sugnu mica cretinu). E sacciu puru chi c'è illu, pecchì tuttu sommatu simu intru u stessu cuorpu, puru si a turnu. Sugnu sicuru chi puru illu sa chi ci sugnu iu 'nzèmmula a illu intru u stessu cuorpu a turnu, pecchì doppu tuttu l'intelligentone è illu. Ma cridu puru chi si vrigogna de mia e allura un l'ammetterà mai. L'aviti de acchiappare supra u fattu quannu u cuorpu sue è usatu de mia, u filmare e pue ci fare notare chi è illu, cioè chi allura un è mica pue sempre accussì intelligente cumu ci piace 'nveci de fare vidire de essere. E si vi dice chi chiru intru u film un è illu ma u frate gemellu sue handicappatu un ci criditi! È propriu illu, sulu chi intra chiri mumenti sto cuntrollannu iu u cuorpu nostru. Ci fazzu vidire iu chine de nue dui è cchiù se stessu de l'atru!
Comunque vulìa dicere de un dare retta alle cavulate chi v'ha cuntatu intra l'urtima littera sua. Chista storia da menta chi tene i dui stanze è na cavulata. 'Ntantu è assurdu u fattu chi a menta è nu bilocale. E pue, secunnu illu Diu sta intra una de chisti dui stanze e ogni tantu citofona all'atra ppe ci dicere chi cosa fare. Ma cumu fa Diu a stare chiusu intra na stanza (chi pue tra l'atru m'aviti de spiegare aduve è chi chista stanza s'ammuccia intru u ciarviellu chinu de materia grigia) si cumu tutti sannu Illu è ubiquu?
Du discursu sue ni tratta cumu si nue simu specie de animali chi stamu addivintannu umani ma chi ci vò ancora nu saccu de tiempu. Beh, animale sarrà illu, iu mi sentu umanissimu quasi tutti i jorni. Quannu recitu i poesie mei chi scrivu quannu mi vene a tristezza mi sentu assai poeticu e suprattuttu assaissimu umanu. E quannu dicu tutti i preghiere mei a Diu mi sentu davveru bonu, e pò n'animale si sentire bonu? No, dicu iu, si mi sentu bonu vò dicere chi sugnu umanu e chi sugnu puru bonu, sinnò mi sentissa cattivu. Infatti, quannu ppe sbagliu sugnu cattivu (un sugnu perfettu), mi sentu puru cattivu, e doppu m'aju de cunfessare e è giustu chi è accussì. Doppu chi mi cunfessu mi sentu bonu n'atra vota, e accussì si pue mi ricapita n'atra vota ppe sbagliu de essere cattivu, a cattiveria un s'accumula, e 'n generale iu restu bonu. I persune cattive cumu Hitler sentanu de essere cattive ma un si cunfessanu, accussì a cattiveria s'accumula e alla fine su' custritti a si suicidare, o comunque a finire au 'nfiernu, cumu è giustu, ppe fortuna, ci mancassa atru chi pue ni i ritruvamu 'n paradisu a tradimentu!
E pue chi cosa è chista storia chi a televisione ni mannassa 'n "trance"? Iu chistu "trance" un sacciu mica aduve è e un ci sugnu mai statu. Mu ricordassa, sinnò! Iu guardu tantissimu a televisione, pecchì è l'hobby mie, e pecchì sentu chi mi fa bene. E un aju mai vistu u "trance". Guardu puru i film piccanti, è veru, chiri chi affittu i videocassette pecchì llà ni fannu de tutti i culuri, ma nu poveru Cristu cumu a mia chi tutti i fimmine mi dunanu u tagliu chi cosa ha de fare, eh? È assai megliu chi mi soddisfu sulu ccu na bella videocassetta piccante chi 'nveci me ne vaju 'n giru a violentare i signurine perbene, cumu dicianu alla televisione. Ogni tantu, a sentire 'n televisione chi c'è accussì tanta gente chi stupra mi vene a tentazione de u fare puru iu, ma aju paura chi un ci riesciu a stuprare bonu, chi supra u cchiù bellu pue nesce fora chiru intelligente chi c'è intra de mia chi pue mi dice: "Ou! Chi fai?! Chi finimu tutti e dui 'n galera!"
Un tegnu tanti amici, anzi, iu un nni tegnu propriu. Tutti l'amici chi avissa 'nveci ce l'ha chiru atru llà chi è intelligente intra de mia ma chi mo si nne sta zittu. Eccu i vantaggi de l'intelligenza. Ti fannu purtare via l'amici au te stessu cchiù semplice chi tieni intra (puru si mo iu sugnu de fora e de intra c'è illu). Iu un tegnu amici, ma ccu a televisione è cumu si 'nveci ni sugnu chinu, de amici. I canusciu tutti, du vecchiu Pippo Baudo alla bella e simpatica Ambra, e mi pare de i canuscere accussì bonu chi si l'incontru ppe strata sugnu quasi cunvintu chi mi canuscianu puru iddi. A certi ci sputassa, cumu a chiru Sgarbi chi ci sputassaru tutti chiri chi a pensanu cumu a mia. L'atru iu stessu è 'nveci de chiri chi si fannu fregare da parlantina sua e u stannu ancora a sentire. Fantozzi pue è cumu nu ziu ppe mia. Iu l'aju 'ncuntratu na vota, chi ppe u pigliare 'n giru u chiamavanu tutti signor Villaggio e illu si cumportava cumu si puru illu cumu a mia tene intra de se unu cchiù intelligente chi ogni tantu ci piglia a manu e puru u cuorpu. Iu allura a Fantozzi c'aju strittu a manu, e doppu nu pocu illu m'ha dittu "ciao roberto". Vistu chi allura un sugnu sulu iu a i canuscere chiri persune famose, chi mi parianu cumu amici mei, ma puru iddi canuscianu a mia? Na vota chi a Televisione era rutta sugnu statu male puru iu. Ppe tanti jorni aju rinunciatu alla quota mia de cuorpu e aju lassatu u cumannu a chiru atru intelligente chi tegnu intra. A illu ci piace quannu un c'è a televisione. Aviti capitu chi razza de persuna è? Un si vrigogna mancu? Secunnu mia a gente guarda troppu pocu a televisione. È dimustratu chi chine a guarda de cchiù campa megliu pecchì tene menu preoccupazioni. Iu ti cunsigliu, caru Maurizio Costanzo Show, chi tu apri na campagna ppe renniri obbligatoria a televisione intra i scole. Si i criaturi putissaru guardare a televisione puru intra i scole, e iu sugnu sicuru chi 'n futuru u farrannu pecchì a civiltà ppe fortuna avanza, criscissaru assai megliu, addivintannu de granni propriu tutti cumu a mia ma senza a sfortuna de chiru intelligente de intra chi ti rumpe i scatule, chi senza d'illu intra chi ti scoccia sempre si putissa essere accussì cuntenti...

Roberto Quaglia