stamu trasennu ntâ era dâ verità. Nun sacciu si sta frasi àbbia assai sensu, ma mi divirti pigghiari ’n cunsidirazioni la ipòtisi ca idda àbbia sensu. Chi intennu diri? Vidiràmu fra pocu. Ju stissu cunfidu di apprènniri dî mei stissi paroli si â dichiarazioni iniziali putirannu siguiri argumenti ca la legittìminu almenu ’n parti.
Stamu dunqui trasennu ntâ èpuca dâ verità. Pi tutta la storia dû munnu la verità è stata suprattuttu n’attu di fedi. Cu’ sia dicissi qualsiasi cosa putia doppu smintiri tuttu, prupunennu ’na propria nova verità ’n sustituzioni di chidda vecchia ormai scòmmuda. Era facili crèdiri a ’na nova verità ca si sustituia a ’na pricèdenti, pirchì di chista nun rimania traccia ntâ realtà, fora ca ntâ memoria di cu’ s’ustinassi a arricurdari. Ma quannu arricurdari era scòmmudu o scunvinienti, scurdari era facilissimu. Dû passatu nun rimania pressoché nenti. Si mancava quarchi cosa di scrittu, di ’na verità passata putia nun rimaniri nenti dû tuttu. "Verba volant", si dicia defatti. Li paroli èscinu dâ vucca e sùbbitu vòlanu via e si dispèrdinu pi sempri, e cu’ ha ’n certi di chiddi cridutu nun putirà mai a àutri dimustrari ca chiddi certi nu dì daveru esistìtiru.
Oggi nun è cchiù accussì. Esisti la registrazioni audiovisiva di immagini e suoni. Esisti la tilivisioni.
Pirsunaggi pùbblici di spiccu culturali e pulìtici nun su’ tali si nun "esistinu" dintra â Televisioni. E l’ambienti màgicu dâ tilivisioni havi ’na pruprità daveru surprindenti: po’ arricurdari e ripruponiri tuttu chiddu ca sia accadutu dintra di sé. ’Na dichiarazioni fatta nun po’ cchiù vìniri negata, pirchì la menzogna vinirìa smascherata facilmenti, ripruponennu l’immagini dû mintituri duranti l’attu stissu di mentiri. Ntâ èpuca muderna, pi cu’ àbbia spiccu pùbblicu e sia accussì parti dû Universu Televisivu, Verba Non Volant Cchiù.
Semu sulu ê inizi dâ era dâ verità, ma già li primi vìttimi càdinu e nun si rialzirannu tantu facilmenti. Vìttimi illustri, granni (ex-granni) pulìtici, ma nun sulu iddi. La vogghia di verità crisci irrisistibbili ntê tilispittaturi, cioè ntâ sociità. Hannu successu li accussì ditti trasmissioni di "tilivisioni-verità", ca àutru nun su’ ca lu rozzu embriuni di chiddu ca sarà la tilivisioni dû futuru. Ma li antichi criteri stolidamenti resistinu, e arruccati ntê sò obsoleti trincei la magghiuri parti dî programmi televisivi funnati supra la finzioni (accussì supra la menzogna lècita) ancora persevèranu, puru sempri di cchiù inevitabbilmenti annuiannu.
La reiterazioni audiovisiva di rituali menzogni metti ineluttabbilmenti a nudu la sò natura di elementi irreali, rennennu via via sempri cchiù difficili la suspensioni dâ incredulità ca cunsenti ô spittaturi di si giuvari dû spittaculu ca osserva.
’N paroli cchiù pòviri, ci si abitua ô fattu ca chiddu ca si vidi sia tuttu "pi finta", e allura passa la vogghia di lu vidiri. Pi cuntrastari st’assuefazioni, ’n cinematugrafìa su’ ormai pressoché indispensabbili li "effetti speciali", cioè l’espedienti di mustrari quarchi cosa di fintu ’n nu modu ca ancora cunsenta ô spittaturi l’eserciziu dâ suspensioni dâ incredulità. ’N tilivisioni, ’na soporifera sebbeni sfavillanti menzognera trasmissioni di varietà s’anima sulamenti mediante irriverenti exploit di sparuti pirsunaggi ca già vivinu e agìscinu ntâ granni Verità dû futuru. È la categurìa dî Grillo, dî Benigni, pi ni capiri. Nun dî "comici". Li comici ’n sensu strittu su’ distinati a spariri puru iddi, pirchì nun farannu cchiù rìdiri. La reiterazioni dî borsi schemi dû sò farsu e artefattu umurismu mittirà ’nfini a nudu la sò intrìnseca falsità. Vivi defatti ntâ menzogna lu comicu ca recita a memoria nu copioni fingennu di improvvisari comu lu pulìticu ca sciorina menzogni ntâ farsa e cecata cunvinzioni di li putiri ’n futuru negari.
È la Verità ca sempri cchiù avvinci. Si ama o si odia Sgarbi pirchì vivi e sguazza cu maestrìa ntâ Verità. Ma nun si rimani indiffirenti. Lu si ama si si cundividi la sò Verità. Lu si odia si nun la si cundividi. La Verità nun è una sula. È sèmplici e cunfurtanti crèdiri ca lu sia, ma idda - ahimè e suprattuttu ahivuiautri - nun è UNA.
C’è crescenti affezioni, ’n tuttu lu munnu, pâ Verità, "bona" o "cattiva" ca sia. La eviratrici cchiù famusa dî Stati Uniti, carnefici dû fallu di John Wayne, è addivintata ’na eroina, pirchì "vera" ’n nu modu únicu e uriginali, ancorchì orribbili.
Lu Maurizio Costanzo Show è la trasmissioni italiana di cchiù ricanusciutu e duraturu successu pirchì è "vera" dâ inizziu â fini. Pocu importa ca spissu tristi o nuiusi figuri blatèrinu cosi già ditti migghiara di voti. Chiddu ca ’n assolutu conta è sapiri ca chiddu ca si vidi accada daveru, e non pi finta.
Artisti particularmenti àbbili a sumigghiari veri durirannu di cchiù, ma scumparirannu puru iddi, prima o po’, cidennu lu passu a cu’, apparennu "veru" ’n virtù dû fattu di lu essiri, avirà saputu fari dû propriu essiri veru nu degnu spittaculu.
Ma lu campu unni sta rivuluzioni sarà cchiù impurtanti è pi forza di cosi lu campu pulìticu. Lu successu di Funari ’nsignassi. Funari è "veru", ’n ognunu dî istanti ’n cui apparisci supra lu video.
Li pulìtici dû futuru avirannu a essiri sempri cchiù veri. Nun nicissariamenti cchiù ’ntilligenti. Sulamenti cchiù veri. ’Na stupidità "vera" sarà cchiù premiata di ’na ’ntilligenza "farsa". La doppiezza marcelata sarà furiera di ruvina. La doppiezza bencelata durirà sulamenti cchiù a longu. La cuntraddizioni sarà accetta, purchì para ginuina e "vera" e nun nu fruttu di ’na curpèvoli vuluntà d’ingannu.
Tuttu chiddu ca mi sugnu addunatu di aviri dittu putissi aviri assai sensu o ni aviri pocu. Nun mi cunvinci dû tuttu, pirchì mi frulla ’n menti puru ’na speculazioni ca cundurrìa a cunclusioni opposti ca ccà e ora vi risparmiu.
Ma nun esitu a esponiri a cu’ mi segui puru sti mei dubbi, pirchì viviri ntâ verità significa puru diri chiddu ca si pensa di chiddu ca si è scrittu o si è pinsatu.

Roberto Quaglia