‹ Ìndece du site · Càse du musèe · repèrte restauràte
Spàrtele:FacebookXWhatsAppTelegramEmail
U cosiddètte Roberto Quaglia, ca jì canòsche pure accome a mè stèsse (Caro Maurizio Costanzo Show... lettera n.12)
lèttere n.12

L'ùneche crestiàne o munne ca vulèsse pòte canòsce a fònde jè mè stèsse, ma pe mò nan ne vède la possibilità.

OSCAR WILDE

De Roberto Quaglia se pò disce qualsìase cose sènza cangià nemmanghe nu picche u fatte ca qualsìase cose se dìsce nan gange cudde ca dìsce Roberto Quaglia.

GIGI PICETTI






















U COSIDDÈTTE ROBERTO QUAGLIA, CA JÌ CANÒSCHE PURE ACCOME A MÈ STÈSSE

Caro Maurizio Costanzo Show,

parlàme mò de mè, de l'autòre de quìste rìghe, de chèdde ca l'honne precedùte e de chèdde ca vènene apprìsse.
Confèsse de canòsceme. La lònga convivènze cu mè stèsse m'à aiutàte nan picche. La maggiòr parte de le vòte ca me guàrde o spècchie me reconòsche sènza tròppe probblème.
Sò registràte a l'anagràfe cu u nòme de Roberto Quaglia, e me resùlte ca jè accussì ca sò sèmbe state chiamàte, da quanne sò nate (Màgge 1962). U nòme mì però spièghe assà picche de mè, considerànne pure ca nan u tènghe in esclusìve. Pure ce nan jè nu fatte frequènde, cunvìvene in Itàlie tande "Roberto Quaglia", indivìdue cu la stèssa etichètte pure ce nettamènde destìnde, molecolarmènde, psicosomaticamènde, esistenzialmènde e economicamènde, une da l'àlte. A Gènova sìme, pe quande me jè note, in dò a èssere chiamàte accussì, e nan ge sìme mà ngondràte, pure ce jì me sò ngondràte cchiù de na vòte cu indivìdue ca canoscèvene de persòne l'omònime mì. Ma quìste nan jè nudde nderessànde, pure pe mè.
Cudde ca l'autòre de quìste rìghe pènze de èssere jè n'argomènde assà cchiù nderessànde, ce me permettìte stu sfòghe de vanagloriòsa esibbiziòne de introspeziòne.
Cudde ca l'autòre de quìste rìghe pènze de èssere jè natùralmènde na facènne assà complicàte, e ce nan fosse accussì nan ze petèsse disce na questiòne nderessànde.
Me limitèsche dunghe a sfiorà sckitte u tème, matèrie assà cchiù adàtte a l'autobiografìe o a la frequentaziòne assìdue de la persòne mè, ca a na lèttere o Maurizio Costanzo Show, pure ce quèste vène spartùte sop'a Internet cu l'umanità.
Ind'a na lèttere o Maurizio Costanzo Show, u granne totem de la Società Televisìve Taliàne, jè brutte allargàrse in purpettùne autoelogiatìve. Bbèlle jè mmèce abbagghià cu lambe de sìntese ca vènene e vanne.
Isaac Asimov, u granne autòre de fantascìènze, scrivì na sèrie de cundarìdde giàlle chiamàte "Il Club dei Vedovi Neri". Le mèmbre de stu club interrogàvene ritualmènde le òspete gradìte lòre accumenzànne cu la domànna provocànde: «Vossìa accome giustìfeche la esistènze sò?» Une de le tande significàte implìcete ind'a stà domànne jère pressappòche: «Ce funziòne ùtele tène ind'a la società umàne?»
Ind'a na vite se pòtene ngarnà tande o picche funziòne, spèsse pure in condraddiziòne une cu l'àlte, cèrte jè ca mà se jè sènza ruèle. Pure l'èssere sènza ruèle jè nu ruèle. Pure u suicìde, esemblàre perfètte de ci sènde de avè pèrse ogne ruèle e funziòne sò, pe ddavère se càle ossessivamènde ind'o ruèle bbuène definìte du suicìde, indispensàbbele pe arrevà a accìdese.
Giustìfeche jì, nnanze a mè stèsse, la esistènze mè? La respòste jè nu fatte privàte mì, ma se pò capì. Ci ha giustificàte tutte quande nnanze a sè stèsse U Pròprie Esìste, pèrde nderèsse a cimendàrse ind'a le sciuèche de l'Èssere, e mòre, o aspètte condènde de fàlle. Ci sape de nan avè giustificàte pe nudde la esistènze sò nnanze a sè stèsse, o sènza ca t'aspìtte reagìsce cu fòrze o cchiù facilmènde se fasce vènge da stà consapevolèzze, ma la mòrte sò o l'attèse de la mòrte jè assà mène condènde.
Agghie lassàte dei sègne, stoche a lassà dei sègne durànde u percùrse terrène mì?
Embè, quacche sègne macroscòpeche ge stà, e pe quacche timbe remanarà. Agghie scritte tande libbre, vèrgene e inèdete in Itàlie, ma ind'a paìse lundàne sbucciàte a la vite, editìsseme e, soprattùtte, vennutìsseme. Agghie gestìte pe anne la Panteca de Gènova, locàle origenàle de ngondre de sère, fucìne de artìste e fine penzatòre, ca forse nan sarrèbbere devendàte accussì sènza cudde nìde o cuve lòre ca cu tanda fatìe agghie mandenùte in vite. Quacchedùne de lòre jè inevitabbilmènde tracimàte ind'a quacche Maurizi Costanzi Show. Àlte sègne de vite nan ve reguàrdene, o forse mmèce sì, comunque sènza parlàrvene ve garandìsche ca l'agghie lassàte e angòre le lasse.
Agghie canosciùte e angòre canòsche personàgge de granne riliève mendàle. Trascuranne de nomenà le taliàne, pe nan mortificà le sedicènde saccènde ca nan ge stònne ind'a le elènghe mìje, me prègie de mostrà la corrispondènze mè recènde, fitte e gustòse, cu Robert Sheckley, une ndrà le megghie penzatòre ca la letteratùre americàne ha mà produsciùte, le conversaziòne ca t'ambriàchene cu Jack Cohen, sciendziàte e scrittòre ngelèse pirotècneche, le maratòne speculatìve ca tòrnene sèmbe cu Florin Munteanu, sciendziàte rumène eclèttiche e granne amìche personàle, le ngondre fugàce ma repetùte cu Norman Spinrad, John Brunner, Harry Harrison, Frederik Pohl, Gianluca Vialli... tutte quìste nòme nan ve dìscene nudde, fore de l'ùldeme? Embè, cudde jè l'ùneca bbuscìe de l'elènghe, e forse l'ùneche nòme canosciùte a ci lègge. Nan jè colpe mè. Ce v'aspettàvve da mè? Ca ind'a stu simulàcre strìtte de autobiografìe nomenàsse sckitte cudde ca a l'ècchie mìje nan imbòrte nudde ma ca le mòde ca cumànnene e le tradiziòne autobiogràfeche vulèssere? Nudde da fà! Me tènghe bbuène a la lònghe da spiattellàrve quànda lènghe sàcce parlà, quàle tìtele de stùdie avèsse da vandàrme de tenè o vrevegnàrme de nan avè, quànda e quàle relaziòne agghie consumàte cu l'àlte sèsse (o u stèsse? o le àlte angòre?), quàle sò le partecolàre psicoanatòmece du cambà quotidiàne mì, de cudde settimanàle, mensìle e annuàle, quàle jè u colòre de la pèdde mè. E ce jì fosse nìre? Vù ce ne sapìte? Nan v'offennìte ce dìche probbie "negro" e nan "extracomunitario". Ci ùse la paròle "extracomunitario" jè generalmènde n'ingènue o nu cugghiòne o tutt'e dò, e nan me vògghie tirà arrète da dìscele. Nònne-me jè nfatte n'extracomunitàrie, o almène, u jè stàte fine a quacche jùrne fa. Pe ddavère! Sorprèse? Ma nan jè nère. Jè austrìache. Fine a picche jùrne fa l'Austria nan facève parte de la comunità europèe. Allore jèdde jè sèmbe stàte n'extracomunitàrie. Accome l'amìce americàne mìje, e le nemìce svìzzere nèstre (amìce? nemìce?). Ci ùse la paròle "extracomunitario" pe descrìve nu nìre jè generalmènde nu cugghiòne de la pèggia spècie, ciuè nu cugghiòne ipòcrete. Pu nìre nan gange nudde, picchè dòpe nu picche pure la paròle "extracomunitario" devènde n'insùlte. L'insùlte nan stà mà ind'a na paròle, ma ind'a la mènde vulgàre de ci la ùse. Sckitte ca accussì nan ze capìsce cchiù nudde e a fernì nzultàte se ge retròve pure nònne-me, picchè dàte ca jè extracomunitàrie ha da èssere nère pe fòrze e vènne ciòndele sop'a le spiàgge e ca mmèce se ne tòrne a càsa sò ca cchiuttòste nù ca nan zìme razzìste l'aiutàme ddà ind'a cudde paìse sù.
Ècche, me sò distràtte n'àttime, e già quèsta autobiografìe pare probbie nan èssere cchiù tàle, ma u sòlete delìrie simulàte ca spondaneamènde mènghe fore tutte le vòte ca sò mè stèsse pure ce nan u sò pe nudde. Coerendemènde allore la fernèsche, arrecordànnve a la chiusùre le dàte essenziàle. Me chiàmene tutte Roberto Quaglia, e agghie accussì fernùte pe crète de tenè u nòme mì. Crète cu nténsetà variàbbele de èssere mè stèsse, pure quanne crète de èssere quacchedùne àlte. Crète comunque sèmbe de crète. Pènze de penzà, e quacche vòte pènze de penzà de penzà. Cèrche de èssere cortèse cu mè stèsse, pure ce quacche vòte me lève u salùte. Quanne me ngondre pe la vie me reconòsche quase sèmbe e la maggiòr parte de le vòte me fèrme a fà dò chiàcchiere cu mè stèsse, fine a quanne le descùrse mìje me vènene a nòie e allore me lasse prumettènneme però de telefonàrme, cose ca però nan fazze mà, pure picchè sàcce ca acchiàsse la linèe occupàte. Le barzellètte ca me cunde nan me fàcene cchiù rìte picchè le sàcce già tutte. Quanne nan zò d'accòrde cu le descùrse mìje me mànne a cudde paìse e pò me parle màle de mè, ma nan me dò rètte. Me calùnnie, ma nan me crète, né me querèle. A la fine tòrne a frequentàrme cu frequènde frequènze. Sò vìve, ma nan l'agghie fatte apposte, pure ce nu picche me n'appròfitte. Quanne stoche a scrìve tutte quìste l'anagràfe me considère trentaduènne, ma sàcce ca nan dure pe sèmbe. Quacche vòte me devèrte, àlte vòte no. Ma cèrche comunque sèmbe de nan annojàrme, cose ca conzìglie de fà a tutte, picchè annojàrse nan jè pò na cose tande brutte, ma jè nojòse.

Roberto Quaglia





Làsse nu Commènde.

Lìgge le commènde de le àlde.

Me piàsce! Me piàsce! Me piàsce!

Ìndece de le lèttere.

Copertìne.

Ma ci jè Roberto Quaglia?





L'òpere "Caro Maurizio Costanzo Show...", tutta sane o a pìezze, pòte èssere lètte, scarecàte sop'o computer, stambàte e copiàte senza lìmete, sule pe ùse personàle. Tutte le tèste e le illustraziòne sò proprietà de Roberto Quaglia e nan ze pònne ausà sane o a pìezze senza permèsse. U progètte gràfeche e le pìezze gràfece de quìste pàggene sò proprietà riservàte de Roberto Quaglia. L'òpere "Caro Maurizio Costanzo Show...", tutta sane o a pìezze, nan pòte èssere mettùte in vèndete a nisciùne tìtue senza permèsse de prime.
© 1994-2000 Roberto Quaglia.




















Spàrtele:FacebookXWhatsAppTelegramEmail