|
Pecché arregalà â Telecom 'nu sacco 'e denare cunzultanno 'o libbro mio online? Pe se 'o leggere tutto ce vònno ore e ore, e stà attaccate â linea telefònica tutto stu tiempo ve costa 'nu sacco 'e denare. È fesso stà a dà tutte sti denare â Telecom pe se leggere 'o libbro mio quanno tutta 'a fatica 'e scrívere 'o libbro ll'aggio fatta io. È assaje meglio dà 'nu poco 'e denare a me, 'a tutte 'e punte 'e vista (fora chillo d''a Telecom). È meglio accussì scarcàrse 'o libbro sano sano dint'ô furmato cumpresso ZIP, spànnerlo dint'a 'na directory a piacere ncopp'ô hard disk d''o computer vuosto e accussì leggere e stampà cu tutta cummodità chello ca vulíte. Â maggiore economìa s'aggónge 'na maggiore cummodità, pecché stàrse a sucà 'a Internet 'na pàggina â vota te fa pèrdere 'nu sacco 'e tiempo e pacienza. Naturalmente, doco pe scuntato ca chiunque decide 'e scarcàrse 'o libbro sano sano dint'â versione zippata già ha deciso ca 'o libbro ll'aggrada abbastanza 'a 'o purtà a fa accussì. E siccomme "Caro Maurizio Costanzo Show..." è 'nu libbro shareware, scatta accussì 'o dovere ètico d''o lettore 'e me mannà 'o suo piccolo cuntributo econòmico, secondo 'e modalità stabilute ccà. Pe facilità ô lettore 'a scelta 'e fa 'o suo imperativo ètico, aggio appriparato stu mòdulo ccà ssotta, ca a 'o cumpilà 'o lettore ca fa 'o dover suo ricévarrà sùbbeto 'o link a ll'indirizzo FTP cu 'o quale po' sùbbeto scarcàrse 'o file d''o libbro zippato.
|