|
Pirchì arrigalari â Telecom nu saccu di dinari cunsultannu lu libbru miu online? Pi si lu lèggiri tuttu ci vònnu uri e uri, e stari attaccati â linea tilefònica tuttu stu tempu vi custerà nu saccu di dinari. È fissu stari a dari tutti sti dinari â Telecom pi si lèggiri lu libbru miu quannu tutta la fatica di scriviri lu libbru l’aju fatta ju. È assai megghiu dari nu pocu di dinari a mia, di tutti li punti di vista (fora chiddu dâ Telecom). È megghiu accussì scarcarisi lu libbru sanu sanu ntô furmatu cumpressu ZIP, spànnirlu ’n ’na directory a piaciri supra ô hard disk dû computer vostru e accussì lèggiri e stampari cu tutta cummudità chiddu ca vurràiti. Â maggiuri economicità s’agghiunci ’na maggiuri cummudità, datu ca stari a sucari di Internet ’na pàggina â vota ti fa pèrdiri nu saccu di tempu e pacienza. Naturalmenti, dugnu pi scuntatu ca cu’ decidi di scarcarisi lu libbru sanu sanu ntâ virsioni zippata ha già dicisu ca lu libbru ci piaci abbastanza di lu purtari a fari accussì. E siccomu "Caro Maurizio Costanzo Show..." è nu libbru shareware, scatta accussì lu duviri èticu dû litturi di mannarimi lu sò nicu cuntributu ecunòmicu, secunnu li mudalità stabbilìuti ccà. Pi facilitari ô litturi la scelta di adimpìri ô sò impirativu èticu, aju appruntatu stu mòdulu ccà sutta, ca a lu cumpilari lu litturi ca fa lu sò duviri ricivirà sùbbitu lu link a l’indirizzu FTP cû quali po’ sùbbitu scarcarisi lu file dû libbru zippatu.
|