|
Parché regalèr ala Telecom un mócc' ed såld consultänd al mî lîber online? Par lèżresel tótt ai vål år e år, e stèr tachè ala lînia telefånica tótt st'tänp av custarà un mócc' ed såld. L'é minción stèr a dèr tótt sti såld ala Telecom par lèżres al mî lîber quand tótta la fadîga ed scrîver al lîber a l'ò fâta mé. L'é bän méi dèr un påch ed såld a mé, da tótt i pónt ed vésta (fòra ch'quall dla Telecom). L'é dånca méi scarghères al lîber intîr in formèt comprès ZIP, espànderel in una directory a piaṡair in vatta a l'hard disk dal våster computer e dånca lèzer e stampèr in tótta comoditè quall ch'a vlî. Ala pió granda economicitè as żónta una pió granda comoditè, dâto ch'stèr a ciuchèr da Internet una pâgina ala vôlta at fa pêrder un mócc' ed tänp e paziänza. Naturalmänt, a dâg par scontè che chiónqued al decéppa ed scarghères al lîber intîr in versiån zipè l'âbia bèle decîṡ che al lîber ai pièṡa abastanza da indûrel a fèr acsé. E dâto che "Chèr Maurizio Costanzo Show..." l'é un lîber shareware, al scâta acsé al duvair êtich dal letåur ed mandèrum al så znén contribót econåmich, secånd äli modalitè stabilé qué. Par facilitèr al letåur la zêlta ed adempîr al så imperatîv êtich, a i ò preparè al mådol qué såtta, compiländ al quèl al letåur adempiänt al ricevrà sóbbit al link a l'indirézz FTP con al quèl al psrà sóbbit scarghères al file dal lîber zipè.
|