|
Parché regalar a la Telecom un saco de schei consultando el libro mio online? Par lèzerlo tuto ghe vol ore e ore, e star tacà a la linea telefònica tuto sto tenpo ve costa un saco de schei. Xe monà star a dar tuti sti schei a la Telecom par lèzer el libro mio quando tuta la fadiga de scrìver el libro la go fata mi. Xe asè mejo dar un poco de schei a mi, da tuti i punti de vista (fora queło de la Telecom). Xe mejo cussì scargarse el libro intiero inte'l formato conpreso ZIP, spànderlo inte na directory a piaser sora el hard disk del vostro computer e cussì lèzer e stanpar con tuta comodità queło che volì. A la magior economia se zonta na magior comodità, parché star a susar da Internet na pàgina a la volta te fa pèrder un saco de tenpo e pasiensa. Naturalmente, do par scontà che chiunque el decide de scargarse el libro intiero inte la version zipà el ga za deciso che'l libro el ghe agrada abastansa da portarlo a far cussì. E sicome "Caro Maurizio Costanzo Show..." el xe un libro shareware, scata cussì el dover ético del letor de mandarme el so pìcolo contributo econòmico, secondo le modalità stabilìe qua. Par fasilitar al letor la selta de far el so imperativo ético, go preparà sto mòdulo qua soto, che a conpilarlo el letor che fa el so dover el ricevarà sùbito el link al indiriso FTP con el qual el pol sùbito scargarse el file del libro zipà.
|