
|
Parcè regalâ ae Telecom un grum di bêçs consultant il gno libri online? Par leilu dut a coventin oris e oris, e stâ tacâts ae linie telefoniche dut chest timp us costarà un grum di bêçs. Al è stupit dâ ducj chescj bêçs ae Telecom par leisi il gno libri cuant che dute la fadie di scrivi il libri le ai fate jo. Al è tant miôr dâ un pôc di bêçs a mi, di ducj i ponts di viste (gjavât chel de Telecom). Al è miôr duncje discjamâsi il libri intîr in formât comprimût ZIP, slargjâlu intune cartele a plasê sul hard disk dal vuestri computer e po lei e stampâ in dute comoditât ce che o volês. Ae plui grande economie si zonte une plui grande comoditât, dât che stâ a suiâ di Internet une pagjine ae volte ti fâs pierdi un grum di timp e di pazience. Naturalmentri, o doi par sigûr che cualsisei che al decît di discjamâsi il libri intîr in version zipade al vedi za decidût che il libri i plâs avonde par indusilu a fâ cussì. E stant che "Cjâr Maurizio Costanzo Show..." al è un libri shareware, al scate cussì il dovê etic dal letôr di mandâmi il so piçul contribût economic, seont lis modalitâts stabilidis chi. Par facilitâ al letôr la sielte di colmâ il so imperatîf etic, o ai preparât il modul chi sot: jemplantlu, il letôr che al ademplìs al ricevarà subit il link ae direzion FTP che cun jê al podarà subit discjamâsi il file dal libri zipât.
|