|
Perché regalà a la Telecom on sacch de danee consultand el mè liber online? Per lèngel tütt ghe voeur or e or, e stà tacaa a la linea telefònica tütt sto temp el ve còsta on sacch de danee. L'è fess stà a dà tütt sti danee a la Telecom per lèng el mè liber quand tütta la fadiga de scriv el liber l'hoo faa mì. L'è assee mej dà on poo de danee a mì, de tütt i pont de vista (foeura quell de la Telecom). L'è mej inscì scaregàss el liber intregh in del format compress ZIP, spàndel in ona directory a piasè sora l'hard disk del vòster computer e inscì lèng e stampà con tütta comodità quell che volii. A la magior economìa se giont ona magior comodità, perché stà a sücà de Internet ona pagina a la vòlta el te fà perd on sacch de temp e pazienza. Natüralment, doo per scontaa che chiunque el decid de scaregàss el liber intregh in la version zippada l'ha già decis che el liber el ghe agrada assee de portàll a fà inscì. E siccome "Caro Maurizio Costanzo Show..." l'è on liber shareware, scatta inscì el dovè ètich del lettor de mandàm el sò piscinin contribüt econòmich, second i modalità stabilii ccà. Per facilità al lettor la scelta de fà el sò imperativ ètich, hoo preparaa sto mòdül ccà sòta, che a compilàll el lettor che el fà el sò dovè el ricevarà sübit el link a l'indirizz FTP con el qual el pò sübit scaregàss el file del liber zippaa.
|