Tal 1962 Roberto Quaglia al vignì a chest mont no rivant plui a tornâ a chel altri. Al decidè alore di ambientâsi.
Prime al cressè, proteso viers lis dimensions e po' lis formis atuâls, cence tralassâ di liberâsi di ducj chei cjavei che no i coventavin. Cjapât il puessès dal spazi ocupât di sè, al afrontà il timp che i scoreve intor. Come prodot di scart de sô permanence spaziotemporâl o cjatìn fumets, fotografiis di ricercje, , cjarte scrite, e notevoi residuis di residuis organics. Al fo però dome cuant che in masse a si meterin soredut a leilu che si inacuarzè di jessi soredut un scritôr che si jere soredut convint di jessilu. Di chel moment, coerentementri, al à soredut scrit, dismenteantsi, tai moments plui ossessîfs, adiriture di vivi, rivant però a sorevivi distès. Malgrât che al sedi ancjemò relativamentri pôc cognossût in Italia, Roberto Quaglia al è vuê un dai scritôrs plui originalmentri iconoclastis in circolazion. Lis numerosis sôs scrituris (cuatri romançs bondants, corante racont, dîs comediis, doi racueltis di saçs, un clamorôs tom di 500 pagjinis su l'11 setembar, ecc.), paradossalmentri (ma no masse...) in bone part inedits in Italia, a son invezit voltâts in variis lenghis, e publicâts tai paîs cussì clamâts forescj in fortis tiraduris e cun notevol sucès. la ultime vore di Roberto e je un incredibil libri scrit adun cul scritôr britanic Ian Watson. Cualchi racont di chest libri a son stâts publicâts su rivistis e antologjiis in Canada, USA e Italia. Altris a son comparudis su rivistis online.
In pareli circui leteraris, i siei tescj a son sorprendentementri deventâts ogjet di cult. A si cognossin ancje numerôs câs dulà che a jessi sfuarçât a ogjet di cult, a furôr di popul, al è stât il stes Roberto Quaglia. Il misteri al continue...
Tra parentesi, a cjaval tra i agns 80 e 90 al à gjestît la Panteca di Genova. Pai feticiscj des formalitâts, o riportìn che dal 1995 al 1997 come conseguence di une campagne eletorâl surealiste si è cjatât a jessi ancje Conseîr Comunâl a Genova, une esperience interessante ancje di un pont di viste antropologjic. Dal 2002 al è vicepresident deESFS (European Science Fiction Society)
Dut chest al è dome un esempli. |
Come Cristoforo Colombo Roberto Quaglia al plûf di Genoa, dulà che al è stât barman e Conseîr Comunâl prin di deventâ un esploradôr, tal so câs dal Est Europe e dal Surealisim. Cumò al è di cjase a Bucarest. Tantis voltis Robert Sheckley al à vivût cun Roberto in Italia e Romania, e te grande vecje e blancje Mercedes di Roberto, scrivint ancje une prefazion al surreâl e satiric dopli romanç di fantasience so Pane, Burro e Paradossina (publicât in inglês di Delos international). Roberto e Ian a scomençarin inizialmentri a colaborâ a une serie di racont “My Beloved” intun alberc misteriosamentri vueit suntune boscose culine dongje la frontiere tra Ungheria e Slovacchia tal 2003. Ex fotograf vincidôr di premis, Roberto al continue a scatâ miârs di fotos. Il so barbe al vîf a Monaco di Baviera, cussì lui al à di fevelâi par todesc; ma imparâ il rumen al à distruzût il francês di Roberto, cussì al è ben che lui nol vedi un barbe a Parigi.
|
Roberto Quaglia di Genoa di solit al vîf a Bucarest fevelant rumen, ancje se cumò al sa ancje imitâ il rus avonde di convinci i rus che lui al stedi pardabon fevelant rus. Come conseguence, al à di resint posât pe edizion russe di Penthouse. La amirazion par Bob Sheckley e je la cause par cui Roberto al à invidât Sheckley in Italia, par po' scarocjâlu ator pe Europe par diviers agns te grande Mercedes blancje sô etichetade www.surreal.info fintremai che lis letaris no sbrissàrin vie dal barcon daûr. Ex-barman, premiât fotograf, e une volte Conseîr Comunâl surealist di Genova, Roberto al è autôr dal esilarant dopli romanç Pane, Burro e Paradossina disponibil in inglês – e in plui al è Vice-President de Associazion Europeane di Fantasience (ESFS), che e presiedi i Eurocon che si tegnin in diviersis nazions come la Bulgaria e la Ucraina di resint, e tal 2007 la Danimarca. Roberto e Ian a scomençarin a scrivi storiis adun intun stranementri desert alberc intun culinôs bosc dongje il cunfin ongjarês/slovac tal 2003, e cumò a 'ndè un libri intîr, The Beloved of My Beloved, avidamentri in cirche di un coraiôs e mat editôr. Altris racont di chest progjetât volum a son su Helix, Clarkesworld e Flurb. Un al è su Lust for Life e un altri al è su Weird Tales e Robot.
|
