Astounding Quagliapsace, vâl a dî il stramp mont di Roberto Quaglia

Analogamentri al spazi mentâl di ognidun, Astounding Quagliaspace al è un riflès singolâr dal univers, cualsisei robe che l'univers al sedi fûr de ment di cualchidun. Viazâ midiant Quagliaspace al è un pôc come vignî a contat cun Roberto Quaglia stes, cualsisei robe che Roberto Quaglia al sedi fûr di sè. Ce che si incuintre in Quagliaspace al aparten a la Grande Famee des Tracis di Quaglia, vâl a dî chê robe che e vanze cuant che cualchidun che si clame Quaglia al esist cence fânt un segret che nol coventarès. Il mont virtuâl là che tu crodis di cjatâti in chest stes istant (che tu sedis o no convint di "jessi su Internet"?), che al tint a risuciâti tal monitor là che i tiei vôi si son za pierdûts, al è dome une des plui tenuis e insignificantis estensions dal unic, vêr, amplè, intîr e complès Astounding Quagliaspace che al fo creât di Roberto Quaglia stes te sô ment, cussì che la sô ment e podès creâ Roberto Quaglia. Un truc che al funzione e al dure. Il miracul de creazion di sè dal nuie, e soredut de ricreazion di sè de identitât precedente lassade e mudade. Bon apetìt.

...al veve decidût di vivi eternamentri, o di murî tal tentatîf.
(Joseph Heller)

Roberto Quaglia, photo by Konstantin Krasnobaev, Moscow, 2006

Cul truc dal audiovisîf Roberto Quaglia cumò si môf ancje! E al fevele! Fâs clic chi parsore par viodi une strane intervista a Roberto Quaglia de durade di un'ore. Il fat al è sucedût te istât dal 2003 in Ungheria. Il sonôr al è in inglês.

Jugn 2017. A Teheran, Iran, Roberto Quaglia al ven intervistât di Teša Tešanović e il teme de discussion al è il mont reâl - di là des cortinis fumogjinis dai mîts e dai ingjans. Il audio al è in inglês, dopo un preambul in serp-croat.

Lui 2004. Il grant scritôr american Rober Sheckley al è gno ospit a Genova par cualchi mês. Ve chi une intervista, di me realizade a Genova Quinto. Un an dopo, Sheckley al vignarà par disgracie a mancjâ. Il sonôr al è in inglês.

Avost 2004. A Bucarest, in Romania, al va in onde in television un talk show pardabon inusuâl. Robert Sheckley, Ian Watson e il sotescrit o fevelìn par un'ore di fantasience. Moderadôr, Alexandru Mironov. Il sonôr al è in inglês.

Se o pensais che i altris video a sedin masse dificii par vualtris, o podês consolâsi cun chest curt video di benvignût sul gno sît, sempliç sempliç, facil facil di capî. E al è ancje cuasi in talian!

>> ALTRIS VIDEO <<

OPZIONI

BIOGRAFIA	Cui soio? Cui no soio? Parcè soio chi ancje jessint ancje altrò? Dut ce che no tu savevis di volê savê su Roberto Quaglia e che ti zovarà un pôc. Opûr no.
OPARIS LETERARIIS	Un milion di peraulis. Ve chi ce che a contegnin i miei libris metûts adun. Acomòditi. 200.000 peraulis tal regali chi. No sta fidâti di ce che lis significhin. Lis peraulis no esistin fûr dal nestri cjâf, ce che al è dut dî.
FANTASCIENZA	Ce ai di fâ jo cu la fantasience? ma soredut: ce à di fâ la fantasience cun me? Indaghe sul lât scûr de fantasience taliane.
IMAGJINIS	Ideâl par chi che nol sa lei e te vite come tal aldilà al preferìs cjalâ dome lis figuris. No sta preocupâti: prin o dopo al sucêt a ducj. A mi al è sucedût. Po' al passe. Opûr no.
VIDEO	Se la television e je il nemì a cui no tu rivis a scjampâ, ve chi cualchi video là che jo e altris si compiasìn di vaneâ cul scop di confondi lis ideis a chi che nus viôt. Cjape in man la tô vite! Sielç tu a cuâl confusion mentâl jessi sogjet! Se tu âs une conession internet a bande largje il sbal al è garantît.
SATIRA	Al semee che a tante int i plâs la satire. Jo no ai miga ben mai capît ce che e sedi, però une volte che mi soi distrat le ai fate. Prin o dopo le fasin ducj. L'impuartant al è no afezionâsi e savê cuant tirâ la cjadene.
AMÎS	Ancje semplics cognossints e no cognossûts. No cognossûts par vualtris, benintindût. Jo ju cognòs. E a son dai gjenis opûr teste di caç o nissun dai doi o dutis dôs lis robis. Insome une robe un pôc come la umanitât, ma in piçul. O forsit in grant, mi confont simpri, probabilmentri a pueste. Ce impuartial?
SHECKLEY	Robert Sheckley al fâs categorie a sè. Al è part de mê vite e jo o soi stât part de sô. O vin viazât adun par mês e o vin abitât adun in diviers periodis e lûcs. Chi o cjatais dutis lis imagjinis relativis.
IAN WATSON	Ancje Ian Watson al fâs categorie a sè. Il plui brilant scritôr britanic secont i miôrs critics. Di cualchi an o sin une vore amîs e o vin scrit un libri adun. Chi o cjatais i leams a cualchi nestre vore a 4 mans e fotos di viaçs che o vin condividût.
VARIA UMANITÀ	Al è int che no cognòs e distès e esist di cualchi bande. Tancj no lassin in me tracis che jo o ricuardi. Altris invezit sì. Ve'nt chi cualchidune.
RASSEGNA STAMPA	Vanzums fossii di tracis di vite sot forme di efimars segnuts su fueis di cjarte che rispiet a la cjarte igjeniche a durin dome un pôc di plui e a son cuasi simpri mancul necessaris. E al è int che i crôt. Se tu tu sês cussì, acomòditi. Par plasê po' la cjadene.
GUESTBOOK	Prin o dopo lu tornarai a ativâ. Opûr no. Se tu vûs pierdi timp cun vieris coments assortîts, prove pûr.
POLITICA	Al semee incredibil ma te vite mi è capitât di fâ ancje politiche, o pluitost la politiche si è fate me fintremai al dì che le ai molade. Comunque, nuie di seri. E je stade dome une facende di sès. Pai feticiscj e vuardons, ve chi come che e je lade.
GUSTS	Banâl liste di robis che mi plasin. Une di chês robis che si metin te propie homepage par semplificâ la propie personalitât ai vôi dal visitadôr impazient.
LIBRARIE	Prin o dopo o metarai une selezion di grancj libris in grât di rindi la vuestre vite une vore plui biele, se dome po' vualtris ju leiessis. Intant al è alc, ma no mi ricuardi ce.
POSTER	Se dut ti noie, forsit tu âs bisugne di picâ un poster te tô cjamarute. Magari un poster cuntun grant cûl incombent. Opûr alc di mancul rafinât.
CONTRIBÛTS	Par cuant che al puedi inizialmentri someâ stran, contribuî in mût atîf a la mê vite al è sempliç e a la puartade di ducj. Chi us doi ancje un ottim sugjeriment in merit.
COPERTINE	A son ancje imbecii che cuant che a van spaesâts intun sît a finissin simpri par tornâ a la copertine. Chest leam ju vûl judâ.

	POSOLOGJIE
	Nissune pôre di jentrâ in Quagliaspace! Al è comunque masse tart. Se no tu âs dismetût di lei tu sês za dentri. Avertencis: Quagliaspace al è controindicât a lis mumiis. Al è dispès risultât letâl pai cadavars. Ancje i zombi a corin cualchi rîs. Se ancjemò tu stâs leint, certamentri no tu sês un cadavar, probabilmentri no tu sês une mumie, e forsit nancje un zombi. O forsit sì. Boh? Faial pardabon diference? Benvignût par chest in Astounding Quagliaspace! Che al semee scrit in inglês ma invezit al è talian. E se chestis pagjinis ti plasin sugjerìsilis ai tiei amîs di cjar e chei eletronics. E za che tu sês metìnt un leam su lis tôs pagjinis, se tu lis âs, e magari ancje se no tu lis âs. No sta dismenteâ che a lis siet ti spietin là che ben tu sâs par fâ la pipì.	...e chest, al è dome l'inizi. Se Internet no colassarà, se il Mont no colassarà, se il Sisteme Solâr no colassarà, se la Vie Lategne no colassarà, se l'Univers no colassarà, se Roberto Quaglia no colassarà, Astounding Quagliaspace si svilupparà indefinitivamentri, in cirche di une simpri plui grande propie incredibilitât, la cualitât de ecelence par ecelence... opûr no, l'assolût contrari nonchè il contrari dal contrari dal contrari di dut chest. Il cjâf si us è spapolât? Ottim. Al è plui digjeribil cussì. Simpri difidâ des peraulis, il Cjaval di Troie di dutis lis Mistificazions! Di altre bande alc o vevi pûr di scrivi, par permeti a cheste sezion di test di ocupâ une aree simile a chê dal trafilet chi dongje. No crôt che a coventin ulteriôrs peraulis.

Oltri che a nivel mitic, di vuê Roberto Quaglia al esist ancje in timp reâl, almancul in teorie. Propit cussì! Podê de QUAGLIACAM™ . La foto a diestre e je cun dute probabilitât la plui resinte des imagjinis esistentis di Roberto Quaglia. Cuntun pôc di fortune (o di sfortune) tu puedis viodi ce che al sta fasint RQ (che po' o sarès jo) in chest stes istant. Cuant che la QUAGLIACAM™ e je impiade, l'imagjin e ven inzornade ogni 5 minûts. Cuant che e je distudade, si viôt la ultime imagjin regjistrade. Se la cjadree e je vueide, al vûl dî che ce che tu viodis no soi jo. La date e ore su la fotografie e je relative al planet e fûs orari dal lûc là che mi cjati (dispès nol è in Italia). Tancj visitadôrs mi àn però fat notâ che dispès l'imagjin no je stade inzornade di vot o nûf mês. Jo o crôt a chescj, e cussì o vês di fâ ancje vualtris. O soi masse saviementri pigri par controlâ se o ai une webcam impiade tai miei dintor. Dispès in efiets no'nd è.

= RQ HIC ET NUNC

ULTIMIS PARTS

Lei recension numar un
Lei recension numar doi

VUELISTU APROFONDÎ?

Pensiero Stocastico al è un libri che al racuei lis robis plui stranis tracimadis dal cjâf di Roberto Quaglia. Lei par crodi. O par no crodi. Par sbalâ. O rinsavî. Lei par lei. Digjerî par digjerî. Vivi par vivi. Amâ par amâ. Opûr no.

Chest corpôs volum di 450 pagjinis al racuei desinis di articui americans di controinformazion. Comprendût un lunc articul di Roberto Quaglia su i fats dal 11 setembar. Al è il prin articul de antologjie, recension ancje su Repubblica, sul Vinars di Repubblica (1 e 2), su Liberazione e cualchi desine di altris testadis.

Se o volês contatâ chest mutant
che cul timp e cambie la sô muse,
o savês cemût fâ.

Se no lu savês, FASÊT CLIC CHI

Se propit no rivais, lait a fâsi benedî

Ultime modifiche, 2 fevrâr 2006

Ducj i tescj e lis imagjinis contignûts in "Astounding Quagliaspace", a puedin jessi lets, cjalâts, adorâts, discjariâts sul computer, stampâts e picjâts te propie cjamarute, e copiâts cence limits, DOME PAR ÛS PERSONÂL. Ducj i tescj e lis ilustrazions a son proprietât di Roberto Quaglia e no puedin jessi doprâts ducj cuancj o in part cence permès. Il proiet grafic e lis componentis grafichis di chestis pagjinis a son proprietât riservade di Roberto Quaglia. Nuie di chest al pò jessi metût in vendite o comunque comercializât a nissun titul cence permès prin.

Met un leam a ROBERTOQUAGLIA.COM


	Ve chi cualchi boton che tu puedis doprâ par leâ a chest sît FÂS CLIC CHI par cjatâ ALTRIS grafichis tra cui sielgi