Individuis umans significativamentri in relazion cun RQ opûr no

‹ Indiç dal sît · Pagjine dal museu · 🌐 Lingua / Language

INDIVIDUIS UMANS

significativamentri in relazion cun Roberto Quaglia
opûr no

Di cuant che a son deventâts popolârs i social networks, cheste pagjine e à pierdût bone part de sô utilitât. Le lassi online par motîfs archeologjics, e po' parcè che o continui a stimâ bone part des personis elencadis chi. Ovviamentri no inzorni cheste pagjine di une vore di timp.
	Roberto Quaglia Create Your Badge

Cheste e je une ristrete liste di individuis umans significativamentri in relazion cun Roberto Quaglia. Opûr no. In efiets, lôr a son in relazion ancje cun altris elements de Realtât. Di un cert pont di viste, dut al pò jessi considerât come in relazion cun Roberto Quaglia, cussì come cun te e cun cualsisei altri. A ben viodi lis robis a son dutis interconetudis intun grant, Grant Dut.

Dut câs, o podìn fâ distinzion tra lis parts di chest Dut, che senò al devente une entitât ecesivamentri inquietante. O podìn fâ distinzion ancje parcè che fâ distinzion al è il passatimp preferît di cualsisei che al sedi vîf.
Duncje si cjatìn denant a une liste di individuis contradistinguûts di une lôr particolâr e significative relazion cun Roberto Quaglia, cualsisei robe che chest al significhi. Dut câs chest al è distès fals, dât che ocasionalmentri a puedin jessi elencâts chi sot ancje personis di no ecels valôr, o che par câs o entropie a àn cessât di jessi o a àn dismetût di deventâ ce che a varessin podût jessi. In tâl câs la lôr presince te liste e je util par confondi lis aghis. Altris, a cui invezit o ten une vore, chi sot no'nd son, parcè che magari no àn une homepage (trope int al mont no à une homepage!) o semplicimentri jo no sai che le vedin. Miôr cussì. No si pues calâ dutis lis cjartis. Divertîsi duncje a zirandulâ pes lôr pagjinis se propit no vês di miôr di fâ, cence mai dismenteâ la estreme vaghece dal significât di ce che o stais fasint. E cirint di distingui i individuis plui significatîfs di chei mancul rilevants, se ancje a 'ndè (a podaressin ancje no jessindi). O sai che cuntun pôc di buine volontât o rivais a fâlu. Atents a lis alucinazions. E soredut a la assence di alucinazions.

AVERTENCE: Cualchidune des pagjinis elencadis a podaressin jessi in costruzion. Adiriture, lis personis stessis chi sot elencadis a podaressin jessi in costruzion. In efiets, al è miôr che a stedin in costruzion pluitost che in distruzion, massime se par putrefazion. Stait a l'voli. Atents ai colps di folc. No varès di jessi masse spice.

Dutis lis personis in cheste liste a esistin pardabon. O ai verificât personalmentri. Insome, jo lis cognòs. Magari no biblicamentri, ma lis cognòs. E, robe plui impuartante, mi ricuardi di cognòssilis. Cualchidune lis ai ancje tocjadis. Ma pôc però. Comunque, no masse. O invezit sì?

	Adaleta Maslo-Krkovic	Artiste e grafiche cravuate trapiantade di là dal ocean.
	Alessandro Fambrini	Professôr a la Universitât di Trento, valit scritôr e soredut persone squisite.
	Alessandro Testa	Grant pianist jazz, ecels bongustaio, manager eficient, fin umorist e ottim pensadôr. Pal rest al è mat, robe che e rint dut une vore plui interessant.
	Andi Caragea	Tuttolic di straordenari acum. Di solit i tuttolics a son grancj mona. Andi no. Parcè che al è un gjeni. E lu è sul seri.
	Augusto Minoja	Espert di Data Flow Management, alc che malgrât che mi sedi stât splegât o continui a no capî ce che al sedi.
	Bernd Zillich	Ecelent fotograf e bon pensadôr. Discret barbe, ma no par ducj.
	Bobo Barbieri	Probabilmentri il miôr grafic che al è in Ligurie. E po', come che al dîs Popi, Bobo al è Bobo.
	Boris Dolingo	Scritôr e organizadôr di Aelita, il premi profesionâl pes miôrs voris di fantasience russe, l'ecuivalent dai premis Nebula americans.
	Bruno Medicina (2) (3)	Espert di comunicazion, programazion neurolinguistiche, arts marziâls e altri, fin pensadôr nonchè ecelent pianist.
	Cecilia Dart-Thornton	Scritore australiane di narative fantasy, mi si è rivelade imediatamentri come une plui uniche che rare alchimie di bielece, inteligjence e profont e positîf sens de realtât. Insome, un fenomen. E dî che si sin cognossûts une vore fugacementri.
		Ottim scritôr talian di science fantasy e, malgrât che al fasi l'avocat, al è un jessi uman di grant spessôr e inteligjence.
	David Anderson	Creadôr di un centri di ricercje su i viaçs tal timp. E di une organizazion di scambis culturâls USA/Romania.
	Florin Munteanu	Sienziât romen di grandissime imaginazion. Inventôr. Espert di teorie dal caos, control dal caos, analisi fratâl dai sistemis complès e une vore di altris robis. Scuvridôr dal Volum Auree. Sheckley, dopo che jo lu puartai a cene di lui, al comentà: Ce omp fantastic!
	Francesco Grasso	Afermât scritôr talian di fantasience cun spiçât sens dal umorisim.
	Franco Forte	Gjornalist, critic e validissim scritôr di fantasience cun mil iniziativis.
	Gabi Boiangiu	Artiste rumene di une serte originalitât, cumò residente in Inghiltere.
	Gennady Gilmanov	Ottim amì rus. Inteligjent e plen di chê juste dose di folie necessarie a rinditi un individui unic. Al fevele un grum di lenghis, ma il so blog al è in rus e al è une vore cirilic.
	Gigi Picetti	Nissune definizion e pò racuei Gigi Picetti. Dispès, nancje Gigi Picetti al rive a racuei Gigi Picetti.
	Guido De Vecchi	Grant sunadôr di viole e rafinât costrutôr di arcs di viole.
	Herman Prigann	Originalissim artist austriac, autôr di cualchidun tra i plui visionaris progjets viodûts tai ultins decenis.
	Ian Watson	Vulcanic scritôr britanic di estreme originalitât. In virtût dal so evident gjeni al è in grât in cualsisei moment di jentrâ in ecelent sintonie cu lis flutuazions surreâls de realtât, e restâ. Par chei a cui chest argoment al dîs pôc, o ricuardìn che Stanley Kubrick lu assunsè par vot mês par judâlu tal svilup des sôs ideis.
	Imants Belogrivs	Editôr leton cuntun aspiet particolâr: al pâr come une version stilizade di Einstein, ma rispiet a chest ultin al è probabilmentri une persone plui interessant, e certamentri une vore plui vive.
	Jack Cohen	Inusuâl sienziât britanic, espert in sience de riprodizion sessuâl e autôr di un biel libri sul Caos.
	Jonathan Cowie	Sienziât inglês, par lunc timp consulent de Cjamare dai Lord britaniche in teme di ecologjie, nonchè organizadôr di congrès di fantasience.
	Juraj Maxon	Ancje cognossût come Mad Maxon. Artist slovac di notevule personalitât.
	Kamila Nemcova	Notevulissim sogjet uman sot ducj i aspiets.
	Klaus N. Frick	Cjâfredatôr de riviste todescje di fantasience seriâl Perry Rodan.
	Konstantin Krasnobaev	Grant fotograf rus, autôr di varis miei ritrats (cualchidun publicât di Penthouse), e grant naradôr di anedots rus, talmentri rus che adiriture a nasin di cirilic.
	Leonardo Wild (2)(3)	Scritôr ecuadoregn une vore cognossût in Germania. Persone di grande simpatie.
	Luigi Pachi	Scritôr di fantasience, co-creadôr di Delos, la riviste di Fantascienza.com e dal Corriere della fantascienza, nonchè manager e individui squisît.
	Marco Vimercati	Estros publicitari, autôr di libris su la comunicazion e anime de trasmission radio cult "Onde Storte".
	Mario Quaglia	Tra lis sôs plui gravis responsabilitâts, chê dal fat che jo o esisti. A bon intenditôr...
	Maurizio Frizziero	Amì di Sheckley. Po' si ocupe di publicitât e comunicazion di corante agns, al comercialize lis miôrs cjasis pes vacancis in gîr e tal timp libar al colezione exalka, cartulinis e crots.
	Maurizio Manzieri	Un dai ilustradôrs SF talians plui cognossûts a l'esteri.
	Max Morando	Il gno amì plui pantagruelic. Ma chest al è irilevant, ancje se no invisibil. Atualmentri, il plui svelt elaboradôr semantic in gîr nonchè Grant Mestri Internazionâl di Umorisim Neri. A la ocorince ancje discret feticist.
	Norman Spinrad	Un dai plui interessants scritôrs di fantasience in gîr. Dut ce che di lui o ai let, al valeve la pene di jessi let. E je une robe che no si pò dî di une vore.
	Paolo Gastaldo	Architet genovês e artist originâl.
	Quentin Gausset	Antropolic belgjan, dosent di antropologjie a la Universitât di Copenhagen. A part chest, al è une persone ecelent di notevule inteligjence.
	Robert Sheckley	Un dai plui geniâi scritôrs di fantasience che a sedin mai stâts. Grant amì cuant che al jere vîf, ma ancje cumò che tecnicamentri al è muart al persist come grant amì. I amîs a son in efiets tâi cuant che a vivin dentri di nô e a contribuissin a la composizion de nestre identitât. Sheckley al continue a svilupâ chest so compit malgrât che al sedi stât cremât timp indaûr.
	Saverio Soldani	Atôr ecletic e fin disidôr.
	Silvio Sosio	Unic e inimitabil. Re dai Webmaster. Probabilmentri il plui profesionâl realizadôr talian di sîts web. Po' Deus Ex Machina dal Fandom SF talian e creadôr di Fantascienza.com. In plui, tant par gradî, pensadôr lucidissim.
	Sorin Repanovici	Un dai plui antîcs miei amîs in Romania. Al organize ogni an un event culturâl suntune sperdude isule tal Danubi, là che une vore volentîr o torni an dopo an.
	Tom Putzki	Svilupadôr di videogames, al è individui di rare simpatie e inteligjence, cuntun splendit e imediât sens de realtât. In cinc minûts o jerin za amîs pe vite.
	Ugo Malaguti	Piere miliâr de fantasience taliane, sia come autôr che come editôr. Il prin profesionist talian de fantasience che al savè apreçâ i miei lavôrs tal cjamp, une vore prin di cualsisei altri.
	Valerio Evangelisti	Grant scritôr e persone di acude inteligjence. Un dai pochissims autôrs talians vivents che mi plâs lei. E scusaitmi se al è pôc.
	Vittorio Curtoni	Autôr e curadôr di fantasience, un dai archetips de fantasience taliane.
	Yana Botsman	Brilante scritore ucraine di fantasy che si plate adun cun Dmitry Gordevsky daûr al pseudonim di Alexander Zorich.

Se o si considerais particolarmentri in relazion cun me, e no si sês cjatâts tra i leams, no si lassait cjapâ dal panic. Ni inebriaisi di gjonde. Al massim mandaitmi une cortese email. Ma prin acertaisi di vê une homepage. E po' impiait la television. Parcè la television? Parcè tant le varessis impiade distès.

Cualchi amì mi à dât i leams des lôr webcam. Naturalmentri dispès no funzionin o no si viôt nuie o si viodin fotos di dîs agns indaûr, propit come su la mê webcam in real time. Dut câs, se al è vêr che al è int che e scôr chissà ce tai fonts di cafè o osservant lis nûfs, chissà che cualchidun nol vedi une iluminazion cjalant lis imagjinis di chestis presuntis webcam:

Max Morando in unreal time

Chest lûc, suponint che chest al sedi un lûc, al è di continuo in costruzion, propit come l'Univers. Segnait cheste pagjine tra i vuestris bookmark e metêtji un leam dapardut, ancje su tô mari. Po' doprait il cjâf, divertîsi, patî, incuarzîsi di jessi chi fintremai che o podês, amaitmi e se il vuestri amôr nol è propit di ottime cualitât mandaitmi pluitost dai bêz, possibilmentri une vore.

Se o volês contatâ chest mutant
che cul timp e cambie la sô muse,
o savês cemût fâ.

Se no lu savês, FASÊT CLIC CHI

Se propit no rivais, lait a fâsi benedî

Ultime modifiche, 12 otubar 2005

Ducj i tescj e lis imagjinis contignûts in "Astounding Quagliaspace", a puedin jessi lets, cjalâts, adorâts, discjariâts sul computer, stampâts e picjâts te propie cjamarute, e copiâts cence limits, DOME PAR ÛS PERSONÂL. Ducj i tescj e lis ilustrazions a son proprietât di Roberto Quaglia e no puedin jessi doprâts ducj cuancj o in part cence permès. Il proiet grafic e lis componentis grafichis di chestis pagjinis a son proprietât riservade di Roberto Quaglia. Nuie di chest al pò jessi metût in vendite o comunque comercializât a nissun titul cence permès prin.