Questo el xe el primo libro "shareware" italian (e forse del mondo). Te lo paghi soło dopo vérlo leto, se'l te xe piasesto. Gnente xe dovù al autor se'l libro no'l piaze. A chiunque invese el ghe piaze ghe speta el dover de spedir al autor na sifra proporsional al gradimento che del libro se ga vù.
Come se fa a controlar che quei a cui el libro ghe piaze po' i paga davero? Xe sénplise: a controlar el provederà la cosiensa del letor steso. Le leture con scarsa cosiensa, o con cosiensa de basa qualità, che no le se sente vincolà da sto vàlido imperativo ético, łe xe za stà punìe da la natura a suficiensa, parché lore łe xe monche de stile, coretesa, dignità, onor, e tuto el resto che łe ga o łe crede de aver no'l le pol pì aiutar. A questi, èseri inmondi, na nostra èquipe de valenti strioni la se prodigarà in efìcaci auspissi de cocolon maligno. Le leture umanamente corete, rispetose del pato de onor che in sta pàgina łe pol sotoscrìver, invese no łe ga né mai łe gavarà gnente da temer, dal fato e da la vita, parché lore łe apartien a la metà mejor de la umanità.
(dovùi da tuti quei a cui el ga piasesto) | |
| Letor Poareto | 5.000 lire |
| Letor Medio | 10.000 lire |
| Letor Benestante | 30.000 lire |
| Letor Sostenitor | da 100.000 lire in su |
| ogni sostenitor el ricevarà un misterioso omajo internasional | |
Come pagar?
Sifre pìcole łe pol venir spedìe al autor anca in contanti (drento na busta ciusa, in mezo a un paro de foji de carta par no far véder che ghe xe schei). Sifre magiori łe xe fasilmente pagàbili in posta con vaja indirisà a:
Roberto Quaglia, Casella Postale 1433, 16100 Genova Centro
(indiriso oviamente vàlido anca par la corispondensa ordinaria)
 |
 |
