Inte'l 1962 Roberto Quaglia el xe vegnù a sto mondo sensa riussir pì a tornar a l'altro. El ga decìso alora de anbientarse.
Prima el xe cresùo, proteso verso le dimension e po' le forme atuali, sensa trascurar de liberarse de tuti quei cavéi che no i ghe serviva. Ciapà possesso del spasio ocupà da sé, el ga afrontà el tenpo che'l ghe scoreva adosso. Come prodoto de scarto de la so permanensa spasiotemporal trovemo fumeti, fotografie de ricerca, , carta scrita, e notèvoli resti de resti orgànici. El xe stà però soło quando in tropi se ga messo soratuto a lèzerlo che'l se ga incòrto de èser soratuto un scritor che'l se gèra soratuto convinto de èserlo. Da queł momento, coerentemente, el ga soratuto scrito, desmentegàndose, inti momenti pì ossessivi, adiritura de vìver, riussendo però a sopravìver isteso. Nonostante el sia ancora relativamente poco noto in Italia, Roberto Quaglia el xe ancuo uno dei scritori pì originalmente iconoclasti in giro. I so tanti scriti (quatro romanzi abondanti, quaranta raconti, diese comèdie, do racolte de saggi, un clamoroso tomo de 500 pàgine su l'11 setenbre, ecc.), paradossalmente (ma no tropo...) in bona parte inèditi in Italia, i xe invese tradoti in varie léngue, e publicà inti paesi cossì diti forestieri con forti tiradure e con notèvol suceso. l'ùltima òpera de Roberto la xe un incredìbile libro scrito insieme al scritor britànico Ian Watson. Serti raconti de sto libro i xe stà publicà su riviste e antologie in Canada, USA e Italia. Altri i xe conparsi su riviste online.
In pareci cìrcoli leterari, i so testi i xe sorprendentemente diventà ogeto de culto. Se sa anca tanti casi indove a èser costreto a ogeto de culto, a furor de pòpolo, el xe stà el steso Roberto Quaglia. El mistero el continua...
Tra parèntesi, tra i ani 80 e 90 el ga gestìo la Panteca de Genova. Par i feticisti de le formalità, riportemo che dal 1995 al 1997 come conseguensa de na canpagna eletoral surealista el se ga ritrovà a èser anca Consijer Comunal a Genova, na esperiensa interesante anca da un punto de vista antropològico. Dal 2002 el xe visepresidente de laESFS (European Science Fiction Society)
Tuto questo el xe soło un esenpio. |
Come Cristoforo Colombo Roberto Quaglia el piove da Genoa, indove el xe stà barman e Consijer Comunal prima de diventar un esploratór, inte'l so caso de l'Est Europa e del Surealismo. Deso el xe de casa a Bucarest. Tante volte Robert Sheckley el ga vissù con Roberto in Italia e Romania, e inte la granda vecia e bianca Mercedes de Roberto, scrivendo anca na prefasion al surreale e satìrico doppio romanzo de fantascienza suo Pane, Burro e Paradossina (publicà in inglese da Delos international). Roberto e Ian i ga scomensà inissialmente a colaborar a na serie de raconti “My Beloved” inte un albergo misteriosamente vodo su na boscosa colina visin a la frontiera tra Ungheria e Slovachia inte'l 2003. Ex fotògrafo vincitor de premi, Roberto el continua a scatar mijara de foto. El so zio el vive a Mònaco de Baviera, cussì elo el ga da parlar in todesco; ma inparar el rumeno el ga distruto el francese de Roberto, cussì el xe ben che elo no'l gàbia un zio a Parigi.
|
Roberto Quaglia da Genoa de sòlito el vive a Bucarest parlando rumeno, anca se deso el sa anca imitar el russo assè da convìnser i russi che elo el staga efetivamente parlando russo. Come conseguensa, el ga de resente posà par la edision russa de Penthouse. L'amirasion par Bob Sheckley la xe la causa par cui Roberto el ga invità Sheckley in Italia, par po' scarossarlo torno par l'Europa par diversi ani inte la granda Mercedes bianca soa etichetà www.surreal.info fin che le létere no le xe sivolà via dal lunoto posterior. Ex-barman, premià fotògrafo, e na volta Consijer Comunal surealista de Genova, Roberto el xe autor del esilarante doppio romanzo Pane, Burro e Paradossina disponìbile in inglese – e in pì el xe Vice-Presidente de la Associasion Europea de Fantascienza (ESFS), che la presiede i Eurocon che se tien in diverse nasion come la Bulgaria e l'Ucraina de resente, e inte'l 2007 la Danimarca. Roberto e Ian i ga scomensà a scrìver storie insieme inte un stranamente deserto albergo inte un colinoso bosco visin al confin ungherese/slovaco inte'l 2003, e deso ghe xe un libro intiero, The Beloved of My Beloved, àvidamente in serca de un coraioso e mato editor. Altri raconti de sto progetà volume i xe su Helix, Clarkesworld e Flurb. Uno el xe su Lust for Life e un altro el xe su Weird Tales e Robot.
|
