Astounding Quagliapsace, ovaro el strambo mondo de Roberto Quaglia

Analogamente al spasio mental de ognun, Astounding Quagliaspace el xe un riflesso singolar del universo, qualsiasi cosa che l'universo el sia fora de la mente de qualchedun. Viajar traverso Quagliaspace el xe un fià come vegnir a contato con Roberto Quaglia steso, qualsiasi cosa che Roberto Quaglia el sia fora de sé. Queło che se incontra in Quagliaspace el partien a la Granda Famèja de le Trace de Quaglia, ovaro queła roba che vanza quando qualchedun che se ciama Quaglia el esiste sensa farghe un segreto che no servaria. El mondo virtual inte'l qual ti credi de trovarte in sto steso istante (ti sì o no ti sì convinto de "èser su Internet"?), che'l tende a risuciarte inte'l monitor indove i to oci i se ga za persi, el xe soło una de le pì tènui e insignificanti estension del ùnico, vero, anpio, intiero e conpleso Astounding Quagliaspace che'l xe stà creà da Roberto Quaglia steso inte la propia mente, cussì che la propia mente la podesse crear Roberto Quaglia. Un truco che'l funsiona e el dura. El miràcolo de la creasion de sé dal nuła, e soratuto de la ricreasion de sé da la identità precedente lisiera e lassà. Bon apetito.

...el gaveva decìso de vìver eternamente, o de morir inte'l tentativo.
(Joseph Heller)

Roberto Quaglia, photo by Konstantin Krasnobaev, Moscow, 2006

Col truco del audiovisivo Roberto Quaglia deso el se move anca! E el parla! Clica qua de sora par véder na strana intervista a Roberto Quaglia de la durata de n'ora. El fato el xe suceso inte la istà del 2003 in Ungheria. El sonoro el xe in inglese.

Zugno 2017. A Teheran, Iran, Roberto Quaglia el vien intervistà da Teša Tešanović e el tema de la discussion el xe el mondo real - de là de le cortine fumogene dei miti e dei ingani. El audio el xe in inglese, dopo un preambolo in serbo-croato.

Lujo 2004. El grando scritor american Rober Sheckley el xe me òspite a Genova par qualche mese. Eco na intervista, da mi realizà a Genova Quinto. Un ano dopo, Sheckley el vegnarà purtropo a mancar. El sonoro el xe in inglese.

Agosto 2004. A Bucarest, in Romania, va in onda in television un talk show davero inconsueto. Robert Sheckley, Ian Watson e el sotoscrito parlemo par n'ora de fantascienza. Moderator, Alexandru Mironov. El sonoro el xe in inglese.

Se pensè che i altri video i sia masa difìsili par voaltri, podè consolarve con sto curto video de benvegnùo su'l me sito, sénplice sénplice, fàsile fàsile da capir. E el xe anca quasi in italian!

>> ALTRI VIDEO <<

OPZIONI

BIOGRAFIA	Chi son? Chi no son? Parché son qua anca essendo anca altrove? Tuto queło che no ti savevi de voler saver su Roberto Quaglia e che te zoverà un fià. Opure no.
ÒPERE LETERARIE	Un milion de parołe. Eco cosa che contien i me libri messi insieme. Acomòdate. 200.000 parołe te le regalo qua. No fidarte de queło che łe vol dir. Le parołe no le esiste fora de la nostra testa, che xe tuto dir.
FANTASCIENZA	Cosa ghe intro mi co la fantascienza? ma soratuto: cosa ghe intra la fantascienza con mi? Indaga su'l lato oscuro de la fantascienza italiana.
IMÀGINI	Ideal par chi no sa lèzer e inte la vita come inte l'aldilà el preferisse vardar soło le figure. No te preocupar: prima o dopo el sucede a tuti. A mi el xe suceso. Po' el passa. Opure no.
VIDEO	Se la television la xe el nemigo a cui no ti riesi a scapar, ècote qualche video indove mi e altri se conpiasemo de vaneđar col scopo de confonder le idee a chi ne vede. Ciapa in man la to vita! Sièlzi ti a quala confusion mental èser sogeto! Se ti ga na conession internet a banda larga el sbało el xe garantìo.
SATIRA	Par che a tanta gente ghe piaza la satira. Mi no go miga ben mai capìo cosa la sia, però na volta che me son distratà la go fata. Prima o dopo la femo tuti. L'inportante el xe no afesionarse e saver quando tirar la catena.
AMISI	Anca sénplici conossenti e desconossùi. Desconossùi par voaltri, beninteso. Mi li conosso. E i xe dei geni opure teste de caso o nissun dei do o tuti do le robe. Insoma na roba un fià come l'umanità, ma in picolo. O forsi in grando, me confondo senpre, probabilmente aposta. Cosa inporta?
SHECKLEY	Robert Sheckley el fa categoria a sé. El xe parte de la me vita e mi son stà parte de la soa. Avemo viajà insieme par mesi e abità insieme in diversi periodi e łoghi. Qua trovè tute le imàgini relative.
IAN WATSON	Anca Ian Watson el fa categoria a sé. El pì brilante scritor britànico secondo i mèjo crìtici. Da qualche ano semo asè amisi e avemo scrito un libro insieme. Qua trovè i link a qualche nostra òpera a 4 man e foto de viaji che avemo condivìso.
VARIA UMANITÀ	Ghe xe gente che no conosso epuro la esiste isteso da qualche parte. Tanti no i lassa in mi trace che mi me ricorda. Altri invese sì. Econe qualcheduni.
RASSEGNA STAMPA	Vanzi fòssili de trace de vita soto forma de efìmeri segneti su foji de carta che rispeto a la carta igènica i dura soło un fià de pì e i xe quasi senpre manco nesesari. E ghe xe gente che ghe crede. Se ti ti sì cussì, acomòdate. Par piaser po' la catena.
GUESTBOOK	Prima o dopo lo riativarò. Opure no. Se ti vol pèrder tenpo con veci comenti assortìi, prova pura.
POLITICA	Par incredìbile ma inte la vita me xe capità de far anca polìtica, o piutosto la polìtica la se ga fato mi fin al zorno in cui la go mołà. Comunque, gnente de serio. La xe stà soło na facenda de seso. Par feticisti e vardoni, eco come la xe ndada.
GUSTI	Banal elenco de robe che me piaze. Una de quełe robe che se mete inte la propia homepage par sénplificar la propia personalità ai oci del visitator inpasiente.
LIBRARIA	Prima o dopo ghe metarò na selesion de grandi libri in grado de rènder la vostra vita asè pì beła, se soło po' voaltri li lezessi. Inte'l fratenpo ghe xe qualcosa, ma no me ricordo cosa.
POSTER	Se tuto te noia, forsi ti ga bisogno de picar un poster inte la to caméra. Magari un poster con un groso culo incombente. Opure qualcosa de manco rafinà.
CONTRIBÙTI	Par quanto el possa inissialmente parer strano, contribuir in modo ativo a la me vita el xe sénplice e a la portada de tuti. Qua ve dago anca un òtimo sugerimento in mèrito.
COVERTINA	Ghe xe anca inbecìli che quando i va spaesà inte un sito i finisse senpre par tornar a la covertina. Sto link el li vol aiutar.

	POSOLOGIA
	Gnente paura de entrar in Quagliaspace! El xe comunque masa tardi. Se no ti ga desmeso de lèzer ti sì za drento. Avertense: Quagliaspace el xe controindicà a le mùmie. El xe speso resultà letale par i cadàveri. Anca i zombi i core qualche rìscio. Se ancora ti stè lezendo, certamente no ti sì un cadàvere, probabilmente no ti sì na mùmia, e forsi gnanca un zombi. O forsi sì. Boh? Falo davero diferensa? Benvegnùo par questo in Astounding Quagliaspace! Che par scrito in inglese ma invese el xe italian. E se ste pàgine te piaze suggerìsele ai to amisi de carne e queli eletrònici. E za che ti ghe sì méti un link su le to pàgine, se ti ghe le ga, e magari anca se no ti ghe le ga. No te desmentegar che a le sete i te speta indove ben ti sa par far la pipì.	...e questo, el xe soło l'inissio. Se Internet no'l colasarà, se el Mondo no'l colasarà, se el Sistema Solar no'l colasarà, se la Via Latea no la colasarà, se l'Universo no'l colasarà, se Roberto Quaglia no'l colasarà, Astounding Quagliaspace el se sviluparà indefinitivamente, a la serca de na senpre pì granda propia incredibilità, la qualità de l'ecelensa par ecelensa... opure no, l'asoluto contrario nonché el contrario del contrario del contrario de tuto questo. El sarvèło el ve se ga spapolà? Òtimo. El xe pì diđerìbile cussì. Senpre difidar de le parołe, el Cavało de Troia de Tute le Mistificasion! D'altra parte qualcosa dovevo pur scrìver, par permèter a sta sesion de testo de ocupar na area sìmile a queła del trafileto qua rente. No credo che ocora altre parołe.

Oltre che a livel mìtico, da ancuo Roberto Quaglia el esiste anca in tenpo real, almanco in teoria. Propio cussì! Poder de la QUAGLIACAM™ . La foto a drita la xe con tuta probabilità la pì resente de le imàgini esistenti de Roberto Quaglia. Con un fià de fortuna (o de scaogna) ti pol véder cosa che'l sta fasendo RQ (che po' saria mi) in sto steso istante. Quando la QUAGLIACAM™ la xe inpisada, l'imàgine la vien agiornà ogni 5 minuti. Quando la xe destudà, se vede l'ùltima imàgine registrà. Se la carega la xe voda, vol dir che queło che ti vedi no son mi. La data e ora su la fotografia la xe relativa al pianeta e fuso orario del łogo in cui me trovo (speso no'l xe in Italia). Tanti visitatori i me ga però fato notar che speso l'imàgine no la xe stà agiornà da oto o nove mesi. Mi credo a costori, e cussì dovè far anca voaltri. Son masa saviamente pìgro par controlar se go na webcam inpisada inti me dintorni. Speso in efeti no ghe ne xe.

= RQ HIC ET NUNC

ÙLTIME PARTE

Lezi recension nùmero uno
Lezi recension nùmero do

VOLASTU APROFONDIR?

Pensiero Stocastico el xe un libro che el racòje le robe pì strane tracimà dal sarvèło de Roberto Quaglia. Lèzer par créder. O par no créder. Par sbałar. O rinsavir. Lèzer par lèzer. Diđerir par diđerir. Vìver par vìver. Amar par amar. Opure no.

Sto corposo volume de 450 pàgine el racòje desine de artìcoli american de controinformasion. Conpreso un longo artìcolo de Roberto Quaglia su i fati de l'11 setenbre. El xe el primo artìcolo de l'antologia, recensìo anca su Repubblica, su'l Venerdì de Repubblica (1 e 2), su Liberazione e qualche desina de altre testade.

Se volè contatar sto mutante
che col tempo el càmbia la so fàcia,
savè come far.

Se no'l savè, CLICHÈ QUA

Se pròpio no ghe la fè, andè a farve benedir

Ùltima mòdifica, 2 febraro 2006

Tuti i testi e le imàgini contegnùi in "Astounding Quagliaspace", i pol èser leti, vardà, adorà, scargà su'l computer, stanpà e picà inte la propia caméra, e copià sensa lìmiti, SOŁO PAR USO PERSONAL. Tuti i testi e le ilustrasion i xe proprietà de Roberto Quaglia e no i pol èser doparà tuti quanti o in parte sensa permesso. El progeto gràfico e le conponenti gràfiche de ste pàgine i xe proprietà reservà de Roberto Quaglia. Gnente de questo el pol èser messo in véndita o comunque comersializà a nissun tìtolo sensa permesso prima.

Méti un link a ROBERTOQUAGLIA.COM


	Eco qualche boton che ti pol doparar par łigar a sto sito CLICA QUA par trovar ALTRE gràfiche tra cui sièlzer