cunfesso chi connosco a Gigi Picetti. Nàschidu in su 1939, Gigi Picetti tenet in s'istante chi iscrio 55 annos, e est un'indivìduu ùnicu in Itàlia. Primu de totu est unu gèniu-criadura, e comente est semper sutzèdidu a sa prus parte de sos gènios-criaduras, pagas persones sunt arribadas a lu cumprèndere in sas peculiaridades ìntimas suas, e tra issas peruna persone normale.
Gigi Picetti est chèlibe («No apo mai cummìtidu unu matrimòniu»), poborittu de dinaris ma ricchìssimu de giòvanas gratziosas piseddhas chi amant girare in giru a issu («No so deo chi tèngio sutzessu cun sas giòvanas, sunt sas giòvanas chi tenent sutzessu cun megus»), e in s'òrbita de sas cales est carchi borta custrintu a intrare («Chie giaghet acunsentit»), si est semper mantesu atesu dae sos traballos tediosos e ripetitivos («Mi segu ma no m'impiego»), e dae vàrias deghinas de annos est unu vulcanu in perenne erutzione de ideas, aforismos e batidas originales, chi no ais a agatare in ue sas formìgas s'arrennegant ne in perunu àteru logu de su mundu subra sa carta istampada. Calicunu obietat chi no podet èssere sublime autore de aforismos cussu de sos cales aforismos mai nemos si est dignadu de reculire in sos libros aposta? A custos rispondo dae subra cun unu pertinente aforisma de Gigi Picetti: «No totu sos aforismos acabant in sos libros.»
Gigi Picetti esistit intensamente, istante a pustis istante, cun vasta cussèntzia de su momentu chi sinono fughit.
Naschet mortu, atesu dae onni ispidale. Su mèdicu diagnostigheit chi no b'aiat isperàntzia. Mudu suggerimentu: "Betàdelu puru." Sa ignorante fèmina chi assistiat mama e dotore no si nde isteit a custa sententzia. Maltratteit su mortu de Gigi Picetti finas a cando issu resuscitheit. Gigi Picetti aiat incumintzadu a ispantare.
Sàrtiu ispàtziu-temporale!
In su 1970 Gigi Picetti passìgiat pro una tzitade cun unu mannu registradore a tracolla e unu paris de voluminosas cùffias in conca, ascurtende jazz, e sos passantes lu abbaidant comente esseret macu; at precurtu sos tempos imbentende pro issu su walk-man bint'annos prima de sos giaponesos.
Sàrtiu ispàtziu-temporale!
In su 1977 Gigi Picetti girat pro Roma e infilèndesi in sos salotos si mìsturat cun Zavattini, Moravia, Ruggero Orlando, Nicolini, Reim e Di Nola.
Sàrtiu ispàtziu-temporale!
In su 1975 durante su perìodu parisinu suo, Gigi Picetti aferrat in extremis sos ùrtimos àttimos de vida de èsseres umanos seberados tra sos prus significativos de su sèculu nostru: Jean Paul Sartre, Simone de Bovoir, Joris Yven, Michel Foucault.
Sàrtiu ispàtziu-temporale!
In su 1991, su primu de Abrile, Gigi Picetti imbentat pro giogu a Gènova unu partidu polìticu e lu giamat PCS (PARTITO CENTRO STORICO, nonché crasi otimale tra PCI e PDS). Est unu sutzessu! Prima pàgina de su "Il Secolo XIX". Artìculos a ripetitzione subra totu sos cuotidianos a pustis. Migiaras de telefonadas de gente chi si cheret iscrìere. Artìculu a pàgina prena subra sa "La Repubblica". Gigi Picetti si godet custa òpera de arte moderna sua finas a cando - dae beru artista - si nde disinteressat cun isseltesa pro si dedicare a una criadura a pustis.
Sàrtiu ispàtziu-temporale!
Galu pipiu, 1950, iscarabotzat subra unu fògiu a cuadreteddos su profilu de una màchina monovolume a forma de bomba dimesada. Est sa Twingo, 35 annos prima.
Sàrtiu ispàtziu-temporale!
In su 1973 s'imbàtitit in Dario Fo e li tocat a fàghere pro tres annos s'atore pro issu.
Sàrtiu ispàtziu-temporale!
In su 1983, pro si reparare dae una próida improvisa durante unu giru a Milanu, s'intrufulat paris cun su sutuiscritu in unu palàtziu a casu in ue si fiat faghende su cunvegnu natzionale de sos fotògrafos artigianos. Unu a pustis de s'àteru sos fotògrafos candidados a sa presidèntzia de sa categoria si avvitzendant subra su pùlpitu, pagu esprimende in sa letura de sos discursos noiosos issoro. Gigi Picetti s'iscrit a faeddare, improvisat cun travolgente oratòria iscadenende cunsensu, e cando l'ant belle elètadu presidente de sos fotògrafos italianos at intrames acabbadu de pròere e tando nos nde andamus, gasi, simplemente.
Sàrtiu ispàtziu-temporale!
In su 1976 detzidit de giamare Teatro dell'Archivolto unu logu istratzadu a s'entropia, e inie proponet, pro sa prima borta in tzitade, sa presèntzia de unu disconnotu Benigni, e sos films de unu tzertu Fassbinder.

Oscar Wilde, liberadu dae sos duos difetos printzipales suos - no connòschere s'italianu e èssere giai mortu - tzertamente si diat bogare su tzilindru cara a Gigi Picetti.

Roberto Quaglia