| 'N'ata dichiarazione d''o autore |
|
Certe ringraziamiente mije inferisco a chille umane 'e superiore pregio ca scuprarrite, 'n nun rigoroso disordine antianalfabbèteco, a ridosso d''e nomme "Gigi Picetti", "Alessandro Testa", "Max Morando", p''o contributo ca m'hanno fornito 'n primo luogo esistenno, ma chesto nun è mèreto lloro, e 'n secondo luogo avènno appropriatamente e sincronicamente interagito cu me, ovèro io, ovèro ll'autore 'e stu libbro e 'e ste righe, accussì, a 'e effette anagràfece, Roberto Quaglia, sostituènnose addirittura a me dint'ô succitato ruolo 'e autore 'n tutte chelle llettere ca io millanto 'e avé scritto pure avènno, a 'o inizio 'e ognuna 'e esse, oscuramente alluso a 'nu misterioso ruolo ca 'e summenzionate personagge avarrìano rivestito dint'â redazione d''a medèsema, e chesto è mèreto lloro. Nun ce avite capito niente? Meglio accussì! ll'impurtante è ca ll'àbbiano capito lloro. È a lloro ca destinava certe ringraziamiente mije. Nun a vuje. E si pure lloro nun avéssero capito... embè, ca me 'o dìcano e io ce 'o spiego a voce. Ringrazio comunque pure chille dduje o tre ate amice ca nun aggio ccà menzionato p''o contributo ca pure lloro m'hanno fornito esistenno, pure nun essènno chesto evidentemente mèreto propiamente lloro. D'ata parte, nun è manco mèreto mio.
|
