| N'altra diciarasion del autor |
|
Serti mii ringrasiamenti i inferiso a quei umani de superior prejo che scoprirì, in un no rigoroso disordine antianalfabético, a ridosso dei nomi "Gigi Picetti", "Alessandro Testa", "Max Morando", par el contributo che i me ga fornìo in primo logo esistendo, ma questo no'l xe mèrito lori, e in secondo logo vendo apropriatamente e sincronicamente interagìo con mi, ovaro mi, ovaro l'autor de sto libro e de ste righe, cussì, ai efeti anagràfici, Roberto Quaglia, sostituèndose adiritura a mi inte'l susità ruolo de autor in tute quełe létere che mi milanto de aver scrito pur vendo, al inisio de ognuna de łore, oscuramente aluso a un misterioso ruolo che i sunominà personaji i gavaria revestìo inte la redasion de la medèsima, e questo el xe mèrito lori. No ghe gavì capìo gnente? Mejo cussì! L'inportante el xe che i lo àbia capìo lori. Xe a lori che destinavo serti mii ringrasiamenti. No a voaltri. E se anca lori no i gavese capìo... ebe, che i me lo diga e mi ghe lo spiego a vose. Ringrasio comunque anca quei do o tre altri amici che no go qua mensionà par el contributo che anca lori i me ga fornìo esistendo, pur no èsendo questo evidentemente mèrito propiamente lori. D'altra parte, no'l xe gnanca mèrito mio.
|
