| On'altra diciarazion de l'autor |
|
Cert mè ringraziament inferissi a quij üman de superior pregi che descovririi, in on minga rigoros disòrden antianalfabètich, a ridòss di nòmm "Gigi Picetti", "Alessandro Testa", "Max Morando", per el contribüt che m'hann fornii in prim loeugh esistend, ma questo l'è minga mèrit lor, e in second loeugh avend appropriatament e sincronicament interagii con mì, ovèro mì, ovèro l'autor de sto liber e de ste righ, inscì, a i efett anagràfich, Roberto Quaglia, sostitüèndes adiritüra a mì in del sücitaa roeul de autor in tütt quij letter che mì millanti de avèi scrivüü anca avend, al inizzi de ognüna de essi, oscürament alüü a on misterios roeul che i sümenzionaa personagg gh'avaríen rivestii in la redazion de la medèsima, e questo l'è mèrit lor. Gh'avii capii nagòtt? Mej inscì! L'important l'è che l'àbbien capii lor. L'è a lor che destinavi cert mè ringraziament. Minga a vialter. E se anca lor avéssen minga capii... ebbè, che me el dìghen e mì ghe el spieghi a vos. Ringrazzi comunque anca quij düü o trii alter amis che hoo minga ccà menzionaa per el contribüt che anca lor m'hann fornii esistend, anca essend questo evidentement minga mèrit pròpriament lor. D'altra part, l'è nanca mèrit mè.
|
