| N'atra dichiarazione de l'auture |
|
Certi ringraziamenti mei i dugnu a chiri umani de valure superiore chi truvati, 'n disordine antialfabeticu un tantu rigorusu, vicinu a i nomi "Gigi Picetti", "Alessandro Testa", "Max Morando", ppe u cuntributu chi m'hannu datu prima de tuttu esistennu, ma chistu un è meritu de iddi, e ppe secunnu avennu interagitu ccu mia, cioè iu, vale a dire l'auture de chistu libru e de chisti righi, 'n modu appropriatu e sincronicu, allura, all'effetti anagrafici, Roberto Quaglia, mintennusi puru a postu mie intru u ruolu de auture de cui aju dittu 'n tutti chiri littere chi iu vantu de avìre scrittu puru si, au principiu de ognuna de chiste, aju allusu 'n modu scuru a nu ruolu misteriusu chi i personaggi nominati avissaru avutu intra a redazione de chiste, e chistu è meritu de iddi. Un ci aviti capitu nente? Megliu accussì! L'importante è chi l'hannu capitu iddi. È a iddi chi destinava certi ringraziamenti mei. No a vue. E si puru iddi un avissaru capitu... beh, chi mu dicianu e iu ciu spiegu a vuce. Ringraziu comunque puru chiri dui o tri atri amici chi un aju nominatu ccà ppe u cuntributu chi puru iddi m'hannu datu esistennu, puru si chistu evidentemente un è propriu meritu de iddi. De l'atra parte, un è mancu meritu mie.
|
Italiano 
Latina 
Zeneise 
Napulitano 
Venesian 
Romanesco 
Sicilianu 
Bulgnais 
Sardu 
Milanes 
Furlan 
Piemontèis
Calabrisi
