| Àutra diciarassion ëd l'autor |
|
Chèich mè aringrassiament ij rivolzo a coj uman ëd pressi superior ch'i descurvìreve, an disòrdin antialfabètich nen rigoros, a ridòss dij nòm "Gigi Picetti", "Alessandro Testa", "Max Morando", për ël contribut ch'a l'han dame an prim leu esistend, ma sòn a l'é nen sò mérit, e an second leu avend interagì an manera aproprià e sincrònica con mi, ossia mi, ossia l'autor ëd cost liber e ëd ste righe, parèj, a j'efet anagràfich, Roberto Quaglia, sostituendse adritura a mi ant ël sudit ròl d'autor an tute cole lettere che mi i vanto d'avèj scrivù pur avend, al prinsipi ëd minca un-a, ëscurament aludù a un ròl misterios che ij përsonagi sudit a l'avrìo vestì ant la redassion dla midema, e sòn a l'é sò mérit. I l'eve capì gnente? Mej parèj! L'amportant a l'é ch'a l'abio capì lor. A l'é a lor che i destinava chèich mè aringrassiament. Nen a voi. E se ëdcò lor a l'avèisso nen capì... e bin, ch'am lo diso e mi ij lo spiego a vos. I aringrassio tutun ëdcò coj doi o tre àutri amis ch'i l'hai nen mensionà ambelessì për ël contribut che ëdcò lor a l'han dame esistend, pur nen essend sòn evidentement mérit pròpi sò. D'àutra part, a l'é gnanca mérit mè.
|
Italiano 
Latina 
Zeneise 
Napulitano 
Venesian 
Romanesco 
Sicilianu 
Bulgnais 
Sardu 
Milanes 
Piemontèis
Calabrisi
Furlan 
