Astounding Quagliapsace, valadiri lu stranu munnu di Roberto Quaglia

Analugamenti ô spaziu mentali di ognunu, Astounding Quagliaspace è nu riflessu singulari di l’universu, qualsiasi cosa l’universu sia di fora dâ menti di quarchidunu. Viaggiari attraversu Quagliaspace è nu pocu comu vèniri a cuntattu cu Roberto Quaglia stissu, qualsiasi cosa Roberto Quaglia sia di fora di sé. Chiddu ca s’’ncontra ’n Quagliaspace apparteni â Granni Famigghia di li Tracci di Quaglia, valadiri chidda rrobba ca avanza quannu quarchidunu ca si chiama Quaglia esisti senza nni fari nu sigretu ca nun sirvirìa. Lu munnu virtuali ntô quali cridi di ti truvari ’n stu stissu istanti (si o nun si cunvintu di "essiri supra Internet"?), ca tenni a ti risucchiari dintra ô monitor unni li to’ occhi si su’ già pirduti, è sulu una di li cchiù tènui e insignificanti estensioni di l’únicu, veru, ampiu, ’nteru e complessu Astounding Quagliaspace ca fu criatu di Roberto Quaglia stissu ntâ propia menti, accussì ca la propia menti putissi criari Roberto Quaglia. Nu truccu ca funziona e perdura. Lu miràculu dâ criazioni di sé dû nenti, e suprattuttu dâ ricriazioni di sé di l’identità pricidenti lògora e livata. Bon appetitu.

...avia dicisu di viviri eternamenti, o di muriri ntô tintativu.
(Joseph Heller)

Roberto Quaglia, photo by Konstantin Krasnobaev, Moscow, 2006

Cû truccu di l’audiuvisivu Roberto Quaglia ora si movi puru! E parra! Clicca ccà di supra pi vidiri ’na strana intirvista a Roberto Quaglia dâ durata di n’ura. Lu fattu è succidutu ntâ statina dû 2003 ’n Ungheria. Lu sonoru è ’n inglisi.

Giugnu 2017. A Teheran, Iran, Roberto Quaglia veni intirvistatu di Teša Tešanović e lu tema dâ discussioni è lu munnu reali - di ddà di li cortini fumogeni di li miti e di li ’nganni. L’audio è ’n inglisi, doppu nu preambulu ’n serbu-croatu.

Lugliu 2004. Lu granni scritturi americanu Rober Sheckley è miu òspiti a Gènova pi quarchi misi. Ecco ’na intirvista, di mia fatta a Gènova Quinto. N’annu doppu, Sheckley vinirà purtroppu a mancari. Lu sonoru è ’n inglisi.

Austu 2004. A Bucarest, ’n Romania, va ’n onda ’n tilivisioni nu talk show daveru ’nsulitu. Robert Sheckley, Ian Watson e lu suttascrittu pàrranu pi n’ura di fantascienza. Muderaturi, Alexandru Mironov. Lu sonoru è ’n inglisi.

Si pinsati ca l’àutri video sianu troppu difficili pi vuiautri, putiti vi cunsulari cu stu brevi video di bienvinutu supra ô miu situ, semplici semplici, facili facili di capiri. E è macari quasi ’n talianu!

>> ÀUTRI VIDEO <<

OPZIONI

BIOGRAFIA	Chi sugnu? Cu’ nun sugnu? Pirchì sugnu ccà puru essennu macari altrovi? Tuttu chiddu ca nun sapivi di vuliri sapiri supra Roberto Quaglia e ca ti giuvirà nu pocu. Oppuru no.
ÒPIRI LITIRARII	Nu milioni di paroli. Ecco chi contènnunu li mei libbra misi ’nsemi. Accumòdati. 200.000 paroli ti li regalu ccà. Nun ti fidari di chiddu ca iddi significanu. Li paroli nun esistinu di fora dâ nostra testa, lu chi è tuttu diri.
FANTASCIENZA	Chi ci trasu ju câ fantascienza? ma suprattuttu: chi ci trasi la fantascienza cu mia? Indaga supra ô latu scuru dâ fantascienza italiana.
IMMÀGGINI	Ideali pi cu’ nun sapi lèggiri e ntâ vita comu ntô aldilà prifirisci guradare sulu li figuri. Nun ti prioccupari: prima o poi succedi a tutti. A mia è succidutu. Po’ passa. Oppuru no.
VIDEO	Si la tilivisioni è lu nimicu ô quali nun arrinesci a scappari, ècciti certi video unni ju e àutri ni cumpiacemu di vanigghiari ô scopu di cunfúnniri li idei a cu’ ni vidi. Pigghia ’n manu la to’ vita! Scegghi tu a quali cunfusioni mentali essiri suggettu! Si hai ’na connessioni internet a banda larga lu sballu è garantitu.
SÀTIRA	Pari ca a assai genti piaci la sàtira. Ju nun aju mica ben mai capitu chi cosa sia, però ’na vota ca mi sugnu distrattu l’aju fatta. Prima o poi la facemu tutti. L’impurtanti è nun ci s’affizziunari e sapiri quannu tirari la catena.
AMICI	Macari semplici canuscenti e scanusciuti. Scanusciuti pi vuiautri, beninteso. Ju li canusciu. E su’ di li geni oppuru testi di cazzu o nuddu di li dui o tutti dui li cosi. ’Nzumma ’na cosa nu pocu comu l’umanità, ma ’n picca. O fòrsi ’n granni, mi cunfunnu sempri, probabbilmenti apposta. Chi ’mporta?
SHECKLEY	Robert Sheckley fa categoria a sé. È parti dâ mia vita e ju sugnu statu parti dâ sò. Avemu viaggiatu ’nsemi pi misi e campatu ’nsemi ’n diversi periudi e loca. Ccà truvati tutti li immàggini rilativi.
IAN WATSON	Macari Ian Watson fa categoria a sé. Lu cchiù brillanti scritturi britànnicu secunnu li migghiori crìtici. Di quarchi annu semu assai amici e avemu scrittu nu libbru ’nsemi. Ccà truvati li link a quarchi nostra òpira a 4 manu e foto di viaggi ca avemu cundivisu.
VARIA UMANITÀ	C’è genti ca nun canusciu eppuru esisti lu stissu di quarchi banna. Assai nun làssanu ’n mia tracci ca ju arricòrdu. Àutri ’mmeci sì. Èccinni certi.
RASSIGNA STAMPA	Avanzi fòssili di tracci di vita sutta forma di effìmiri signitti supra a fogghi di carta ca rispettu â carta igenica dúranu sulu nu pocu di cchiù e su’ quasi sempri menu nicissari. E c’è genti ca ci cridi. Si tu si accussì, accumòdati. Pi favuri poi la catena.
GUESTBOOK	Prima o poi lu riattiverò. Oppuru no. Si vo’ pèrdiri tempu cu vecchi cummenti assurtiti, prova puru.
PULÌTICA	Pari ’ncredibbili ma ntâ vita m’è capitatu di fari macari pulìtica, o piuttostu la pulìtica s’è fatta a mia ’nfina ô jornu ’n cui l’aju mullata. Comunqui, nenti di seriu. È stata sulu ’na faccenna di sessu. Pî feticisti e guarduna, ecco comu è juta.
GUSTI	Banali elencu di cosi ca mi piàcinu. Una di chiddi cosi ca si mèttinu ntâ propia homepage pi simplificari la propia pirsunalità ê occhi dû visitaturi impazienti.
LIBBRARIA	Prima o poi ci mettò ’na silizioni di granni libbra ’n gradu di rènniri la vostra vita assai cchiù bedda, si sulu po’ vuiautri li liggissivu. Ntô frattempu c’è quarchi cosa, ma nun m’arricordu chi.
POSTER	Si tuttu ti scòccia, fòrsi hai bisognu di appizzari nu poster ntâ to’ cammaredda. Magari nu poster cu nu grossu culu ’ncumbenti. Oppuru quarchi cosa di menu raffinatu.
CONTRIBBUTI	Pi quantu possa dda prima appariri stranu, contribbuiri ’n modu attivu â mia vita è semplici e â purtata di tutti. Ccà vi dugnu macari nu òttimu suggirimentu ’n meritu.
CUPIRTINA	Ci su’ macari imbecilli ca quannu vàganu spaisati ’n nu situ finìscinu sempri pi turnari â cupirtina. Stu link li voli aiutari.

	PUSULUGÌa
	Nenti paura di tràsiri ’n Quagliaspace! È comunqui troppu tardu. Si nun hai smittutu di lèggiri ci si già dintra. Avvirtenzi: Quagliaspace è controindicatu ê mùmmii. È spissu risultatu litali pî cadàviri. Macari li zombi còrrinu quarchi risicu. Si ancora stai leggennu, certamenti nun si nu cadàviri, probabbilmenti nun si ’na mùmmia, e fòrsi mancu nu zombi. O fòrsi sì. Boh? Fa daveru differenza? Bienvinutu dunqui ’n Astounding Quagliaspace! Ca pari scrittu ’n inglisi ma ’mmeci è talianu. E si sti pàggini ti piàcinu suggiriscili ê to’ amici di carni e chiddi elettrònici. E già ca ci si metti nu link supra ê to’ pàggini, si ci l’hai, e magari macari si nun ci l’hai. Nun ti scurdari ca ê setti t’aspèttanu unni ben sai pi fari la pipì.	...e chistu, è sulu l’inizziu. Si Internet nun collasserà, si lu Munnu nun collasserà, si lu Sistema Sulari nun collasserà, si la Via Lattea nun collasserà, si l’Universu nun collasserà, si Roberto Quaglia nun collasserà, Astounding Quagliaspace si sviluppirà indefinitivamenti, â ricerca di ’na sempri cchiù granni propia incredibbilità, la qualità di l’eccellenza pi eccellenza... oppuru no, l’assolutu contrariu nunché lu contrariu dû contrariu dû contrariu di tuttu chistu. Lu ciriveddu vi s’è spappulatu? Òttimu. È cchiù digiribbili accussì. Sempri diffidari di li paroli, lu Cavaddu di Troia di Tutti li Mistificazioni! D’àutra parti quarchi cosa avia puru a scriviri, pi permettiri a sta sezioni di testu di occupari ’n’area simìli a chidda dû trafilettu ccà accantu. Nun cridu ca occòrranu ultiriori paroli.

Oltri ca a liveddu mìticu, di oggi Roberto Quaglia esisti macari ’n tempu reali, almenu ’n teoria. Propriu accussì! Puteri dâ QUAGLIACAM™ . La foto a dritta è cu tutta probabbilità la cchiù ricenti di li immàggini esistenti di Roberto Quaglia. Cu nu pocu di furtuna (o di sfurtuna) po’ vidiri chi sta facennu RQ (ca po’ sarrìa ju) ’n stu stissu istanti. Quannu la QUAGLIACAM™ è addumata, l’immàggini veni aggiornata ogni 5 minuti. Quannu è astutata, si vidi l’úrtima immàggini registrata. Si la seggia è vacanti, voli diri ca chiddu ca vidi nun sugnu ju. La data e ura supra â futugrafia è rilativa ô pianeta e fusu urariu dû locu ’n cui mi trovu (spissu nun è ’n Italia). Assai visitaturi m’hannu però fattu notari ca spissu l’immàggini nun è stata aggiornata di ottu o novi misi. Ju cridu a chisti, e accussì aviti a fari macari vuiautri. Sugnu troppu saggiamenti pigru pi cuntrullari si aju ’na webcam addumata ntî mei dintorna. Spissu ’n effetti nun c’è.

= RQ HIC ET NUNC

ÚRTIMI PARTI

Leggi ricinzioni nùmiru unu
Leggi ricinzioni nùmiru dui

VO’ APPRUFUNNIRI?

Pensiero Stocastico è nu libbru ca arricogghi li cosi cchiù strani tracimati dû ciriveddu di Roberto Quaglia. Lèggiri pi crèdiri. O pi nun crèdiri. Pi sballari. O rinsaviri. Lèggiri pi lèggiri. Digiriri pi digiriri. Viviri pi viviri. Amari pi amari. Oppuru no.

Stu corposu vulumi di 450 pàggini arricogghi decini di artìculi americani di controinfurmazioni. Cumprisu nu longu artìculu di Roberto Quaglia supra ê fatti di l’11 settemmiru. È lu primu artìculu di l’antulugia, ricinsutu macari supra a Repubblica, supra ô Vinnirdì di Repubblica (1 e 2), supra a Liberazione e quarchi decina di àutri tistati.

Si vuliti cuntattari stu mutanti
ca cû tempu càngia la facci sò,
sapiti comu fari.

Si nun lu sapiti, CLICCATI CCÀ

Si propriu nun ci arrinisciti, jiti a farivi binidiri

Úrtima mòdifica, 2 frivaru 2006

Tutti li testi e li immàggini cuntinuti â "Astounding Quagliaspace", si pònnu lèggiri, taliari, adurari, scarricari supra ô computer, stampari e appizzari â cammaredda propia, e cupiari senza lìmiti, SULU PÌ USU PIRSUNALI. Tutti li testi e li illustrazioni su’ priprietà di Roberto Quaglia e nun si pònnu adupirari sani sani o ’n parti senza pirmissu. Lu prugettu gràficu e li cumpunenti gràfichi di sti pàggini su’ priprietà riservata di Roberto Quaglia. Nenti di chistu si pò mèttiri ’n vènnita o comunqui cummircializzatu a nuddu tìtulu senza pirmissu primma.

Metti nu link a ROBERTOQUAGLIA.COM


	Ecco certi buttuna ca po’ adupirari pi linkari a stu situ CLICCA CCÀ pi truvari ÀUTRI gràfichi tra cui scegghiri