Ntô 1962 Roberto Quaglia vinni a stu munnu nun arrinniscennu cchiù a turnari a l’àutru. Dicidì allura di s’ambintari.
Prima criscìu, tisu versu li dimensioni e po’ li formi attuali, senza trascurari di si libbirari di tutti chiddi capiddi ca nun ci abbisugnàvanu. Pigghiatu pussessu dû spaziu occupatu di sé, affruntàu lu tempu ca ci scurriva ’n cuoddu. Comu prudottu di scartu dâ sò pirmanenza spaziutimpurali ritruvamu fumetti, futugrafii di ricerca, , carta scritta, e nutèvoli risídui di risídui orgànici. Fu però sulamenti quannu ’n troppi si mìsiru suprattuttu a lèggirlu ca s’addunàu di essiri suprattuttu nu scritturi ca s’era suprattuttu cunvintu di l’essiri. Di ddu mumentu, coerentimenti, ha suprattuttu scrittu, scurdànnusi, ntê mumenti cchiù ossessivi, addirittura di viviri, arriniscennu però a sopravviviri ugualmenti. Nonostanti sia ancora rilativamenti picca canusciutu ’n Italia, Roberto Quaglia è oggi unu di li scritturi cchiù uriginalmenti iconoclasti ’n circulazioni. Li sò tanti scritti (quattru rumanzi abbunnanti, quaranta cunti, deci cummedii, du’ raccolti di saggi, nu clamurusu tomu di 500 pàggini supra a l’11 settemmiru, ecc.), paradussalmenti (ma nun troppu...) ’n bona parti inèditi ’n Italia, su’ ’mmeci traduciuti ’n vari lingui, e pubblicati ntê paisi accussì ditti stranèri ’n forti tirature e cu nutèvoli successu. L’úrtima òpira di Roberto è nu ’ncredibbili libbru scrittu ’nsemi ô scritturi britànnicu Ian Watson. Certi cunti di stu libbru su’ stati pubblicati supra a rivisti e antulugii ’n Canada, USA e Italia. Àutri su’ apparìuti supra a rivisti online.
’N parecchi circuli litirari, li sò testi su’ surprindentimenti divintati oggettu di cultu. Su’ noti macari tanti casi unni a essiri custrittu a oggettu di cultu, a furor di pòpulu, è statu lu stissu Roberto Quaglia. Lu mistiru cuntinua...
Tra parèntisi , a cavaddu tra l’anni 80 e 90 ha gistutu la Panteca di Gènova. Pî feticisti di li furmalità, ripurtamu ca dû 1995 ô 1997 comu cunsiguenza di ’na campagna elittorali surrealista s’è ritruvatu a essiri puru Consigghieri Cumunali a Gènova, n’espirienza interissanti macari di nu puntu di vista antrupulògicu. Dû 2002 è viciprisidenti di l’ESFS (European Science Fiction Society)
Tuttu chistu è sulu n’esempiu. |
Comu Cristoforo Colombo Roberto Quaglia chiovi di Genoa, unni è statu barman e Consigghieri Cumunali prima di divintari n’esploraturi, ntô sò casu di l’Est Europa e dû Surrealismu. Ora è di casa a Bucarest. Assai voti Robert Sheckley ha campatu cu Roberto ’n Italia e Romania, e ntâ granni vecchia e janca Mercedes di Roberto, scrivennu macari ’na prifazioni ô sò surreali e satìricu doppiu rumanzu di fantascienza Pane, Burro e Paradossina (publicatu ’n inglisi di Delos international). Roberto e Ian accumminzàru dda prima a cullaburari a ’na serie di cunti “My Beloved” ’n nu albergu mistiriusamenti vacanti supra a ’na buscusa cudda vicinu â frontiera tra Ungheria e Slovacchia ntô 2003. Ex futografu vincituri di premi, Roberto cuntinua a scattari migghiara di foto. Lu sò zìu campa a Mònacu di Baviera, accussì iddu ci havi a parrari ’n tidiscu; ma ’mparari lu rumenu ha distruttu lu francisi di Roberto, accussì è bonu ca iddu nun havi nu zìu a Parigi.
|
Roberto Quaglia di Genoa di sòlitu campa a Bucarest parrannu rumenu, macari si ora sapi puru imitari lu russu abbastanza di cunvìnciri li russi ca iddu stia effettivamenti parrannu russu. Comu cunsiguenza, ha ricentimenti pusatu pâ edizioni russa di Penthouse. L’ammirazioni pi Bob Sheckley è la causa pi cui Roberto ha ’nvitatu Sheckley ’n Italia, pi po’ lu scarruzzari attornu pâ l’Europa pi diversi anni ntâ sò granni Mercedes janca etichittata www.surreal.info ’nfina a ca li lèttiri nun sciddicàru via dû lunottu pusteriuri. Ex-barman, primiatu futografu, e ’na vota Consigghieri Cumunali surrealista di Gènova, Roberto è auturi di l’esilaranti doppiu rumanzu Pane, Burro e Paradossina dispunìbbili ’n inglisi – e ’n cchiù è Vici-Prisidenti di l’Associazioni Europea di Fantascienza (ESFS), la quali prisedi li Eurocons ca si tènnunu ’n diversi nazioni comu la Bulgaria e l’Ucraina ricentimenti, e ntô 2007 la Danimarca. Roberto e Ian accuminzàru a scriviri storii ’nsemi ’n nu stranamenti disertu albergu ’n nu cudduusu voscu vicinu ô cunfini ungarisi/slovaccu ntô 2003, e ora c’è nu libbru ’nteru, The Beloved of My Beloved, avidamenti â ricerca di nu curaggiusu e foddi editturi. Àutri cunti di stu prugittatu vulumi su’ supra a Helix, Clarkesworld e Flurb. Unu è ’n Lust for Life e n’àutru è ’n Weird Tales e Robot.
|
