Contribbuti e dunazioni

QUANTU DINARI SI PÒ MANNARI A ROBERTO QUAGLIA?

Nun c’è ’na cifra fissa. E nun c’è nu lìmiti. Certi pirsuni mànnanu sulamenti certi Euro a Roberto Quaglia, ’na cifra simbòlica. Cchiù tìpicamenti, cu’ voli contribbuiri â vita di Roberto Quaglia lu fa cu almenu 10 Euro - lu costu di ’na pizza e ’na minirali. Assai pirsuni contribbuìscinu però macari cu cifri cchiù ingenti. Nun è raru ca lu contribbutu arriva macari a 100 Euro e cchiù. Pirsuni di granni valuri hannu contribbuitu macari cu 1000 (milli) Euro. Cu’ havi assai pò dari assai. Macari deci mila Euro o centu mila Euro sarrìanu contribbuti graditi. Dû milioni di Euro ’n su si otteni nu speciali cirtificatu di autèntica bienimirenza.

PIRCHÉ ’NA PIRSUNA PÒ MANNARI DINARI A ROBERTO QUAGLIA?

’Nnanzituttu pirchì Internet lu permetti rinnennòla n’opirazioni brevi e semplici. Ci su’ po’ vari mutivazioni ca indúbbucinu li pirsuni a mannari dinari a Roberto Quaglia. Certi mànnanu dinari a Roberto Quaglia semplicimenti pirchì chistu pari a iddi ’na bona idea. C’è quarchi cosa, ’n Roberto Quaglia, ca fa vèniri a iddi vogghia di fari quarchi cosa pi iddu, ma, nun sapennu esattamenti chi, li indúbbuci a ci mannari nu pocu di dinari, sapennu ca iddu gradirà.

Àutri pirsuni mànnanu dinari a Roberto Quaglia pirchì lu ritènnunu nu sò dirittu. È nu dirittu sacrusantu di ogni pirsuna lìbbira di scegghiri chi fari dû propiu dinari. Sti pirsuni lu sannu, e apprizzannu li attività di Roberto Quaglia intènnunu firmamenti di sustènirli cu nu propiu contribbutu pirsunali. Prifèriscinu di gran longa ca nu pocu dû sò dinari vaia a Roberto Quaglia ’mmeci ca ê sòliti paràssiti e avvultura.

Ci su’ pirsuni ca mànnanu dinari a Roberto Quaglia semplicimenti pirchì chistu li fa stari megghiu. A iddi nun interessa sapiri pirchì ogni tantu rigàlanu dinari a Roberto Quaglia. A iddi interessa sulamenti ca chistu li fa stari bonu. La prima vota di sòlitu esìtanu, datu ca nun hannu mai fattu quarchi cosa dû geniri, accussì, senza nu mutivu precisu. Po’, quasi senza ci pinsari, ammaccanu supra ô pulsanti "Make a donation" e mànnanu lu sò primu dinari. Nun si nni pèntinu mai. È ’na cosa ca li rendi cchiù sireni. Ogni vota.

Certi individui mànnanu dinari a Roberto Quaglia pirchì è nu status symbol. Nun tutti pònnu francamenti si vantari di aviri mannatu dinari a Roberto Quaglia. Sulu cu’ l’ha daveru fattu pò asseriri ’na cosa dû geniri senza nu jornu risicari di pèrdiri la facci. A sti pirsuni piaci putiri diri: Ju sugnu statu unu di li primi a mannari dinari a Roberto Quaglia. Cu’ pò dari a iddi tortu?

Àutri pirsuni prifèriscinu mannari dinari a Roberto Quaglia pirchì lu disprèzzanu. Certi macari pirchì l’òdianu. Mannari dinari a Roberto Quaglia è pi iddi nu modu di l’umiliari. Iddi dimòstranu la sò supiriurità rispettu a Roberto Quaglia custringènnulu a accittari lu sò dinari. È ’na scelta macari chista, ca nuddu havi lu dirittu di biasimari.

Certi nun hannu ben chiaru ’n menti pirchì mai avissiru a mannari dinari a Roberto Quaglia. Pi chistu, prima di decídiri, iddi immàginanu comu si sintirannu doppu l’aviri fattu. È ’na sensazioni gradevuli. Comu tutti li piaciri dâ vita, l’orgini dâ sensazioni di piaciri è mistiriusa, ma chistu la rendi sulu cchiù attraenti. Imaginarisi comu ci si sintirà doppu aviri mannatu lu propiu contribbutu è lu modu migghiuri pi sapiri cu certezza si e quantu denare ci si senti di vuliri mannari a Roberto Quaglia.

*Mannari dinari a Roberto Quaglia è unu di li pussibbili modi di interagiri cu iddu. La vita è nu fenòminu biològicu e spirituali fattu di rilazioni e transazioni di energia tra li individui. Certi formi di rilazioni su’ cchiù cumplessi e eleganti, àutri su’ cchiù semplici e cuntàbbili. L’amuri è indubbiamenti lu contribbutu cchiù eclatanti ca putemu offriri a cu’ ni piaci, ma nun sempri iddu arriva a distinazioni e produci li sò effetti. Lu dinari nun sarà pregnu di li midèsimi "quanti" di puru spiritu, tuttavia almenu semu sicuri ca arriva a distinazioni (suprattuttu adupirannu Paypal) e produci effettivamenti li sò puru ùmili effetti. Pruvari pi crèdiri.

Si vuliti cuntattari stu mutanti
ca cû tempu càngia la facci sò,
sapiti comu fari.

Si nun lu sapiti, CLICCATI CCÀ

Si nun sapiti comu fari, lassati pèrdiri

Úrtima mòdifica, 23 uttuviru 2003

Tutti li testi e li immàggini cuntinuti â "Astounding Quagliaspace", si pònnu lèggiri, taliari, adurari, scarricari supra ô computer, stampari e appizzari â cammaredda propia, e cupiari senza lìmiti, SULU PÌ USU PIRSUNALI. Tutti li testi e li illustrazioni su’ priprietà di Roberto Quaglia e nun si pònnu adupirari sani sani o ’n parti senza pirmissu. Lu prugettu gràficu e li cumpunenti gràfichi di sti pàggini su’ priprietà riservata di Roberto Quaglia. Nenti di chistu si pò mèttiri ’n vènnita o comunqui cummircializzatu a nuddu tìtulu senza pirmissu primma.