‹ Ìndece du site · Càse du musèe · repèrte restauràte
Spàrtele:FacebookXWhatsAppTelegramEmail
Sragionà jè raggionèvole (Caro Maurizio Costanzo Show... lettera n.32)
lèttere n.32

Cè fortùne tenè na granna ndelligènze: nan te màngene mà le fesserìe da dìsce.

A. P. CHECOV






















SRAGIONÀ JÈ RAGGIONÈVOLE

Caro Maurizio Costanzo Show,

nan sperà de acchià raggionevolèzze ind'a ogne lèttere mè. Cudde ca cu eleganze se fà bbèlle du tìtele de "raggionèvole" jè quàse sèmbe la vìle repetiziòne de schème ausàte e strausàte. Nan ge stà mà curàgge ind'a l'esternaziòne de frase e concètte fatte, accome le argomènde raggionèvole quàse sèmbe sò. L'ùneche valòre de la raggionevolèzze jè la pratecità. La raggionevolèzze jè pràteche picchè in fònne spartùte, almène da le èssere umàne ca pènzene. Le èssere umàne ca reagìscene, cudde ca nan pènzene ma semblecemènde reagìscene a l'ambiènde accome qualsìase tropìsme, nan ne ndressene e manghe nù ndressàme a lòre, tand'è vère ca sìcure nan stanne a lèggere o a percepì in alda manère quèste paròle, picchè lòre nan lèggene alde ca quacche tìtele qquà e ddà. Ne piàsce pensà a nù accome a le umàne ca pènzene, e ce nan jè vère ca ne piàsce, jè però vère ca quèste piàsce a me, e u dìche sènza paùre. E tra le umàne ca pènzene l'argomènde de la raggionevolèzze gòde de quacche crèdete de tròppe. Nan ne sbagliàme. A me piàsce la raggionevolèzze. Jè ùtele. Ma la critiche picchè jè nojòse, e sopratùtte picchè ne mbrògghie. Jè nojòse picchè repète fìne a la mòrte le dògme sò, tenùte sò da la natùra raggionèvole sò.
La raggionevolèzze mbonèsse, a ci volèsse scrivè alde ca quacche poesiòle crìpteche de mèrde, de srotolà cu sapiènze frase calibràte accuratamènde ind'a le significàte lòre lampànde e nascùste, frase confrondàte cu misùre ind'a la mènde, quanne se scrìve o nu pìcche prime o nu pìcche dòpe, cu l'immàgene ca se tène de la cultùre collettìve du condèste umàne de ci se fasce parte. La raggionevolèzze suggerìsce de pensà, quanne se scrìve, a le lettùre a ci se parle, pe èssere capìte da lòre, e pure piacèvole o spiacèvole seconde le indenziòne pròprie, lassànne stà accome ce nan fòsse mbortànde u concètte de la totàle e còsmeche libbertà de scrivè, nvèce, assolutamènde qualsìase cose ca a une venèsse in mènde, cu totàle desenderèsse pe ci o pe cè nu dì lèggerà quèste frase oppùre no.
La raggionevolèzze sconsìglie a ci scrìve de scrivè pe se stèsse, a pròprie àuse e consùme, in totàle desprèzze de qualsìase raggionèvole consideraziòne sop'a la vendibbilità de cudde ca stà a scrivè. Ind'o mumènde ca se tène qualsìase cùnde de ci lèggerà cudde ca se scrìve, ècche ca se jè commerciàle. Se cèrche de smercià u penzìere sò a l'alde, pìcche mbòrte ce jè in cange de sòlde o de approvaziòne, doje monète devèrse du stèsse atteggiamènde mercandìle.
Tra l'alde, scrivènne pe se stèsse ind'o assolùte desenderèsse vèrse ci mà avèsse a lèggere tutte quèste, se dànne doje svilùppe possìbbele de la situaziòne pe u case ca quacchedùne ca nan jè l'autòre se tròve pò a lèggere "tutte quèste":
Ind'o prime case (u cchiù frequènde), u scritte nan le piàsce e allòre fernèsce oppùre pèsce pe jìdde.
Ind'o seconde case le piàsce, e allòre cundìnue a lèggere, condènde de scroccà accussì cèrte penzìere ca l'autòre avève scritte pe se stèsse e sìcure nan pe jìdde.
Accome se vède, nan ge stà nisciùne perìcole. Ci se vòle mètte a scrivè sule pe se stèsse avà però evità de cundàrse la palle de volè scrivè sule pe se stèsse quanne de nascùse nvèce spère ca quacchedùne pò lègge cudde ca jìdde avèsse scritte sule pe se stèsse, e fasce vedè magàre pure ca l'apprèzze. Ind'a quiste case l'autòre jè n'insìcure oppùre nu vigliàcche, e probabbilmènde scè ngondre a frustraziòne ca bbrùscene.
E nan vàle manghe u fatte de scrivè quacche cose pe se stèsse e pò cercà de nan fàrle lèggere a nisciùne. Picchè mà nan avèssa fà lèggere a nisciùne? Ce s'è scritte quacche cose sulamènde pe se stèsse de sìcure nan ze tène in nisciùne cùnde u giudìzie ca l'alde pòtene o vònne dà de quiste scritte. Ce nan le piàsce sò fatte lòre. E ce le piàsce pure. Ce se tène in cùnde u giudìzie de l'alde, nan z'è scritte pe se stèsse. S'è scritte in mòde raggionèvole e mercandìle, sènza pe "mercandìle" ndènnere nudde de negatìve.
U fatte ca jì me sò fermàte accussì a lùnghe sop'a quiste argomènde, facènne capì tra le rìghe ca nan stoche a scrivè pe alde ca nan zò jì (in effètte jì sò già tutte le crestiàne ca ogge me bàstene - crà vedìme), parèsse suggerì ca jì vògghie convìnde quacchedùne o comungue portàrle, cu tutte quìste argomènde, a capì l'essènze de cudde ca stoche a vulè dìsce. Ce avèsse vulùte dimostrà ca veramènde nan me ne frèche nudde de ci stà a lèggere quèste rìghe, avèssa èssere state angòre cchiù caòtiche e incomprensìbbele e sconclusionàte de quande jì sò state comungue a l'stèsse mòde in parte. Avèssa scrivè... bbè nzomme, fà nu sacche de cose ca mò nan me vènene in mènde e nan tènghe nisciùna vògghie de sforzàrme picchè effettivamènde nan me ne frèche nudde. U fatte ca jì nan agghie fatte tutte quèste (qualsìase cose quiste "tutte quèste" jè o pòte èssere), dimòstre quinde ca coerendemènde jì nan volève pe nudde dimostrà ca nan me ne frèche nudde accome effettivamènde nan me ne frèche, e dimostrànnele pe fforze distrùgge e annùlle contemporaneamènde u valòre de quèsta dimostraziòne, e distruggènnele la remètte, accussì ridistruggènnele e remettènnele pe na quandità infinìte de vòlde, accome ind'a ogne bbuène paradòsse ca se rispètte possibbilmènde succède oppùre no.
Jè bbuffe ca pe quande se cèrche de levà ogne raggionevolèzze ind'o procède de le penzìere pròprie, la mènde nan stà mà o gìoche e quacche parvènze de sènze mezze compiùte s'affàcce u stèsse a la realtà. Nzomme, pe novànde crestiàne ca gistamènde giudecarrèrne cudde ca jì agghie scritte fìne a mò nu vaniloquie attorcigliàte e manghe de grànna fattùre, sò prònde a scommètterce ca na decìne de pàzze o nu pìcche de mène se rebbellarrèrne cundre a stu giudìzie, cu argomendaziòne ca nan me ndressene e quinde nan ne parlarràgghie qquà. Quinde, ce facìte parte de le novànde, sìate gràte a me de avève mò date u confòrte de la confèrme ca sìte perfettamènde normàle, bbuène condenùte ind'a la maggioranze ca accome ne mbàrene tène sèmbe raggiòne. Ce facìte parte de le dèce, sìate gràte a me pe le mutìve ca sapìte perfettamènde da sule, sènza ca ve l'agghia repète jì.
Ma nòte nu ritòrne de raggionevolèzze ca me fasce paùre ind'o sproloquie mì, e quinde la fernèsche sùbbete ddà prime ca jè tròppe prìste.

Roberto Quaglia





Làsse nu Commènde.

Lìgge le commènde de le àlde.

Me piàsce! Me piàsce! Me piàsce!

Ìndece de le lèttere.

Copertìne.

Ma ci jè Roberto Quaglia?





L'òpere "Caro Maurizio Costanzo Show...", tutta sane o a pìezze, pòte èssere lètte, scarecàte sop'o computer, stambàte e copiàte senza lìmete, sule pe ùse personàle. Tutte le tèste e le illustraziòne sò proprietà de Roberto Quaglia e nan ze pònne ausà sane o a pìezze senza permèsse. U progètte gràfeche e le pìezze gràfece de quìste pàggene sò proprietà riservàte de Roberto Quaglia. L'òpere "Caro Maurizio Costanzo Show...", tutta sane o a pìezze, nan pòte èssere mettùte in vèndete a nisciùne tìtue senza permèsse de prime.
© 1994-2000 Roberto Quaglia.




















Spàrtele:FacebookXWhatsAppTelegramEmail