Contribbute e donazione

QUANTO DENARO SE PO' 'NVIÀ A ROBERTO QUAGLIA?

Nun ce sta 'na cifra fissa. E nun ce sta 'nu lìmmete. Certe perzone mànnano sulamente certe Euro a Roberto Quaglia, 'na cifra simbòleca. Cchiù típecamente, chi vo' contribbuì â vita 'e Roberto Quaglia 'o fa cu almeno 10 Euro - 'o costo 'e 'na pizza e 'na minerale. Assaje perzone contribbuíscono però pure cu cifre cchiù ingente. Nun è raro ca 'o contribbuto arriva pure a 100 Euro e cchiù. Perzone 'e granne valore hanno contribbuito pure cu 1000 (mille) Euro. Chi tène assaje po' dà assaje. Pure diecemila Euro o centomila Euro sarrìano contribbute grate. Dâ milione 'e Euro 'n coppa se ottiene 'nu speciale certificato 'e autènteca benemerenza.

PECCHÉ 'NA PERZONA PO' 'NVIÀ DENARO A ROBERTO QUAGLIA?

Innanzitutto pecché Internet 'o permette rennénnola 'na operazione breve e semplice. Ce stanno po' varie motivazione ca indúcono 'e perzone a 'nvià denaro a Roberto Quaglia. Certe mànnano denaro a Roberto Quaglia semplicemente pecché chesto pare a lloro 'na bbona idea. Ce sta quaccosa, 'n Roberto Quaglia, ca fa venì a lloro voglia 'e fa quaccosa pe isso, ma, nun sapenno esattamente che, 'e induce a lle mannà 'nu poco 'e denaro, sapenno ca isso gradarrà.

Ate perzone mànnano denaro a Roberto Quaglia pecché 'o retènono 'nu diritto lloro. È 'nu diritto sacrosanto 'e ogni perzona libbera 'e scègliere che fa d''o denaro propio. Ste perzone 'o sanno, e apprezzanno 'e attività 'e Roberto Quaglia intènnono fermamente 'e sustenérle cu 'nu contribbuto personale propio. Preferíscono 'e gran lunga ca 'nu poco d''o denaro lloro vaje a Roberto Quaglia 'mméce ca a 'e sòlete parassite e avvoltoje.

Ce stanno perzone ca mànnano denaro a Roberto Quaglia semplicemente pecché chesto 'e fa stà meglio. A lloro nun interessa sapé pecché ogne tanto regàlano denaro a Roberto Quaglia. A lloro interessa sulamente ca chesto 'e fa stà bene. 'A primma vota 'e sòleto esítano, dato ca nun hanno maje fatto quaccosa d''o genere, accussì, senza 'nu motivo preciso. Po', quase senza ce penzà, prèmono ncopp'ô pulsante "Make a donation" e mànnano 'o primmo denaro lloro. Nun se ne pèntono maje. È 'na cosa ca 'e rènne cchiù serene. Ogne vota.

Certe individue mànnano denaro a Roberto Quaglia pecché è 'nu status symbol. Nun tutte pòzzono francamente se vantà 'e avé mannato denaro a Roberto Quaglia. Sulo chi ll'ha overamente fatto po' asserì 'na cosa d''o genere senza 'nu juorno riseculà 'e pèrdere 'a faccia. A ste perzone piace puté dìcere: Io songo stato uno d''e primme a 'nvià denaro a Roberto Quaglia. Chi po' dà a lloro tuorto?

Ate perzone preferíscono 'nvià denaro a Roberto Quaglia pecché 'o disprèzzano. Certe pure pecché ll'òdiano. 'Nvià denaro a Roberto Quaglia è pe lloro 'nu muodo 'e ll'umilià. Lloro dimòstrano 'a superiorità lloro rispetto a Roberto Quaglia custringènnolo a accettà 'o denaro lloro. È 'na scelta pure chesta, ca nisciuno tène 'o diritto 'e biasimà.

Certe nun tènono ben chiaro 'n mente pecché maje avarrìano 'a 'nvià denaro a Roberto Quaglia. Pe chesto, primma 'e decídere, lloro immàginano comme se sentarranno doppo ll'avé fatto. È 'na sensazione gradèvole. Comme tutte 'e piacere d''a vita, ll'origine d''a sensazione 'e piacere è misteriosa, ma chesto 'a rènne sulo cchiù attraente. Immaginàrse comme ce se sentarrà doppo avé mannato 'o contribbuto propio è 'o muodo meglio pe sapé cu certezza si e quanto denare ce se sente 'e vulé 'nvià a Roberto Quaglia.

*'Nvià denaro a Roberto Quaglia è uno d''e possìbbele muode 'e interagì cu isso. 'A vita è 'nu fenòmeno biològgeco e spirituale fatto 'e relazione e transazione 'e energia tra 'e individue. Certe forme 'e relazione sò cchiù complesse e elegante, ate sò cchiù semplice e contàbbile. ll'ammore è indubbiamente 'o contribbuto cchiù eclatante ca putimmo offrì a chi ce piace, ma nun sempe isso arriva a destinazione e produce 'e effette suoje. 'O denaro nun sarrà pregno d''e medèseme "quante" 'e puro spirito, tuttavia almeno simmo sicure ca arriva a destinazione (suprattutto aduperanno Paypal) e produce effettivamente 'e pure ùmmele effette suoje. Pruvà pe crédere.

Si vulite cuntattà stu mutante
ca cu 'o tiempo càgna 'a faccia soja,
sapite comme fa.

Si nun 'o sapite, CLICCATE CCÀ

Si nun sapite comme fa, lassate pèrdere

Ùrtema mòdifica, 23 ottobre 2003

Tutte 'e tèste e 'e immàggine contenute 'n "Astounding Quagliaspace", pòzzono essere liggiute, guardate, adorate, scarcate ncopp'ô computer, stampate e affisse dint'â cammarella propia, e cupiate senza lìmmete, SULO PE USO PERSONALE. Tutte 'e tèste e 'e illustrazione sò pruprietà 'e Roberto Quaglia e nun pòzzono essere aduperate sane sane o 'n parte senza permesso. 'O prugetto gràfeco e 'e cumpunente gràfeche 'e sti pàggine sò pruprietà riservata 'e Roberto Quaglia. Niente 'e chesto po' essere misso 'n vénnita o comunque commercializzato a nisciun título senza permesso primma.