‹ Ìndece du site · Càse du musèe · 🌐 Lènga / Language

INDIVÌDUE UMÀNE

significativamènde relazionàte a Roberto Quaglia
oppùre no

A photo of Roberto Quaglia



Da quanne sò addevendàte popolàre le social networks, quèsta pàgene ha pèrse bbona pàrte de l'utilità sò. La làsse online pe motìve archeològgeche, e pò picchè condinue a stimà bbona pàrte de le crestiàne ca stònne ndrà la lìste. Se capìsce ca nan aggiòrne quèsta pàgene da assà timbe.

 

Quèste jè na lìste strètte de indivìdue umàne significativamènde relazionàte a Roberto Quaglia. Oppùre no. In effètte, lòre sò relazionàte pure a àlde elemènde de la Realtà. Da nu cèrte pùnde de viste, tutte pòte èssere consideràte accome relazionàte a Roberto Quaglia, accussì accome a te e a cchiungue alde. A bbuène vedè le còse sò tùtte interconnèsse jìnd'a nu granne, Granne Tutte.

Però, putìme fà distinziòne ndrà le pàrte de quìste Tutte, ca sennò addevènde n'entità tròppe inquietànde. Putìme fà distinziòne pure picchè fà distinziòne jè u passatìembe preferìte de cchiungue jè vìve.
Allòre ne acchiàme nnànze a na lìste de indivìdue segnàte da na relaziòne lòre particolàre e significatìve cu Roberto Quaglia, qualùnque còse quìste vòle dìsce. Però quìste jè fàlze u stèsse, dàte ca ogne tànde pòtene èssere elengàte qquà sotte pure crestiàne de valòre nan zòrte eccèlse, o ca pe càse o entropì honne lassàte de èssere o honne smìse de addevendà cudde ca avèssere pute èssere. Jìnd'a quìste càse la presènze lòre ind'a la lìste sèrve pe 'mbrugghià le acque. Àlde, a le quale 'mmèce ce tènghe assà, qquà sotte nan ge stònne, picchè fòrse nan dènene na homepage (quànda gènde o munne nan dène na homepage!) o sèmblecemènde jì nan zàcce ca la ténene. Mègghie accussì. Nan ze pòtene calà tùtte le càrte. Devertìteve allòre a ggirà pe le pàgene lòre ce pròbbie nan dènìte nudde de mègghie da fà, senza mà scurdà quànde jè vàghe u significàte de cudde ca stàte facènne. E cercànne de distìngue le indivìdue cchiù significatìve da cudde mène rilevànde, ce ne stònne (putèssere pure nan ge ne stà). Sàcce ca cu nu picche de bbona volondà ce la putìte fà. Attìende a le allucinaziòne. E sopratutte a l'assènze de allucinaziòne.


 



AVVERTÈNZE: Cèrte de le pàgene elengàte putèssere èssere in costruziòne. Pure le crestiàne stèsse elengàte qquà sotte putèssere èssere in costruziòne. In effètte, jè mègghie ca stònne in costruziòne 'mmèce ca in distruziòne, spèce ce pe putrefaziòne. Stàte a l'ècchie. Attìende a le cùlpe de fùlmene. Nan avèssa èssece tròppa pùzze.


Tùtte le crestiàne de quèsta lìste esìstene addavère. Agghie verificàte jì de persòne. Nzomme, jì le canòsche. Fòrse nan biblicamènde, ma le canòsche. E, còse cchiù 'mbortànde, me recòrde de canòscerle. Cèrte l'agghie pure tuccàte. Ma pòche però. Comunque, nan tròppe. O 'mmèce sì?
   
Adaleta Maslo-Krkovic Artìste e gràfeche cròate trapiantàte de ddà du mare.
Alessandro Fambrini Professòre a l'Università de Trento, scrittòre vàlede e sopratutte crestiàne squisìte.
Alessandro Testa Granne pianìste jazz, bongustàje eccèlse, manager efficiènde, umorìste fine e òttemo pensatòre. Pe u rèste jè pàzze, còse ca fàsce tutte assà cchiù interessànde.
Andi Caragea Tuttòloghe de acùme straordinàrie. De sòlete le tuttòloghe sò granne cugghiùne. Andi no. Picchè jè nu gènie. E u jè addavère.
Augusto Minoja Espèrte de Data Flow Management, quàccheccòse ca, pure ca me l'honne spiegàte, condinue a nan gapì cè jè.
Bernd Zillich Fotògrafe eccellènde e bbuène pensatòre. Zì discrète, ma nan pe tùtte.
Bobo Barbieri Fòrse u mègghie gràfeche ca ce stà in liguria. E pò, accome dìsce Popi, Bobo jè Bobo.
Boris Dolingo Scrittòre e organizzatòre de Aelita, u prèmie professionàle pe le mègghie òpere de fantascienze rùsse, l'equivalènde de le prèmie Nebula americàne.
Bruno Medicina (2) (3) Espèrte de comunicaziòne, programmaziòne neurolinguìsteche, àrte marziàle e alde, pensatòre fine e pure pianìste eccellènde.
Cecilia Dart-Thornton Scrittrìce australiàne de narratìve fantasy, me s'ha revelàte sùbbete accome n'alchimì cchiù ùneche ca ràre de bellèzze, intelliggènze e sènze de la realtà profònne e positìve. Nzomme, nu fenòmene. E pensà ca ne sìme canusciùte assà de passàgge.
Òttemo scrittòre italiàne de science fantasy e, pure ca fàsce l'avvocàte, jè n'èssere umàne de granne spessòre e intelliggènze.
David Anderson Creatòre de nu cèndre de ricèrche sop'a le viàgge ind'o timbe. E de n'organizzaziòne de scàmbie culturàle USA/Romania.
Florin Munteanu Scienziàte rumène de grannìsseme immaginaziòne. Invendòre. Espèrte de teorì du caos, condròlle du caos, anàlise frattàle de le sistème complèsse e tànde àlde còse. Scupritòre du Volume Aureo. Sheckley, dope ca jì u purtàbbe a cène da jìdde, decì: Cè òme fandàsteche!
Francesco Grasso Scrittòre italiàne de fantascienze affermàte cu nu sènze de l'umorìsme assà spiccàte.
Franco Forte Giornalìste, crìteche e scrittòre de fantascienze validìsseme da le mìlle iniziatìve.
Gabi Boiangiu Artìste rumène de na cèrta originalità, mò ca cambe in Inghilterra.
Gennady Gilmanov Òttemo amìche rùsse. Intelliggènde e chiène de cudda giùste dose de pazzìje ca sèrve pe fàrte n'indivìdue ùneche. Pàrle na muntàgne de lènghe, ma u blog sù jè in rùsse e jè assà cirìlleche.
Gigi Picetti Nisciùna definiziòne pòte rinchiùdere Gigi Picetti. Spèsse, mànghe Gigi Picetti rièsce a rinchiùdere Gigi Picetti.
Guido De Vecchi Granne sunatòre de viola e costruttòre fine de àrche da viola.
Herman Prigann Artìste austrìache originalìsseme, autòre de cèrte ndrà le progètte cchiù visionàrie ca s'honne viste ind'a le ùltema decènnie.
Ian Watson

Scrittòre britànneche vulcàneche de estrème originalità. Grazie o gènie sù evidènde jè capàce in qualùnque mumènde de trasì in sintonì eccellènde cu le fluttuaziòne surreàle de la realtà, e rumanèrce. Pe cudde a le quale quìste argomènde dìsce pòche, recurdàme ca Stanley Kubrick u pigghiò pe òtte mìse pe aiutàrle ind'o sviluppe de le idèe sò.

Imants Belogrivs Editòre lettòne cu n'aspètte particolàre: pàre na versiòne stilizzàte de Einstein, ma rispètte a quìst'ùltime jè fòrse nu crestiàne cchiù interessànde, e securamènde assà cchiù vìve.
Jack Cohen Scienziàte britànneche fore du comùne, espèrte in scienze de la riproduziòne sessuàle e autòre de nu bbèlle libbre sop'o Caos.
Jonathan Cowie Scienziàte ingrèse, pe tànde timbe consulènde de la Camera de le Lord britànneche sop'a l'ecologgì, e pure organizzatòre de congrèsse de fantascienze.
Juraj Maxon Canusciùte pure accome Mad Maxon. Artìste slovàcche de personalità notèvele.
Kamila Nemcova Sogètte umàne notevolìsseme da tùtte le pùnde de viste.
Klaus N. Frick Caporedattòre de la rivìste tedèsche de fantascienze a pundàte Perry Rodan.
Konstantin Krasnobaev Granne fotògrafe rùsse, autòre de tànde retràtte mìje (cèrte pubblicàte da Penthouse), e granne cundatòre de anèddote rùsse, accussì rùsse ca pure addòrene de cirìlleche.
Leonardo Wild (2)(3) Scrittòre ecuadoriàne assà canusciùte in Germania. Crestiàne de granne simbatì.
Luigi Pachi Scrittòre de fantascienze, co-creatòre de Delos, la rivìste de Fantascienza.com e du Corriere della fantascienza, e pure manager e indivìdue squisìte.
Marco Vimercati Pubblicitàrie estròse, autòre de libbre sop'a la comunicaziòne e àneme de la trasmissiòne ràdie cult "Onde Storte".
Mario Quaglia Ndrà le responsabilità sò cchiù gràve, cudde du fatte ca jì esìste. A bbuène intenditòre...
Maurizio Frizziero Amìche de Sheckley. Pò s'occupe de pubblicità e comunicaziòne da quarand'anne, vènne le mègghie càse pe le vacànze ca ggìrene e ind'o timbe lìbbere collezziòne exalka, cartolìne e ranògnele.
Maurizio Manzieri June de le illustratòre SF italiàne cchiù canusciùte a l'èstere.
Max Morando L'amìche mì cchiù pantagruèleche. Ma quìste nan gonde nudde, pure ca nan jè invisìbbele. Mò mò, u cchiù veloce elaboratòre semàndeche ca ggìre e pure Gran Mastro Internazionale de Umorìsme Nìre. Quanne sèrve pure fetecìste discrète.
Norman Spinrad June de le scrittòre de fantascienze cchiù interessànde ca ggìrene. Tutte cudde ca agghie lètte de jìdde, valève la pène de èssere lètte. Jè na còse ca nan ze pòte dìsce de tànde.
Paolo Gastaldo Architètte genovèse e artìste originàle.
Quentin Gausset Antropòloghe bèlghe, professòre de antropologgì a l'Università de Copenhagen. A pàrte quìste, jè nu crestiàne eccellènde de intelliggènze notèvele.
Robert Sheckley June de le scrittòre de fantascienze cchiù geniàle ca ce sò mà state. Granne amìche quanne jère vìve, ma pure mò ca tecnicamènde jè muèrte rèste granne amìche. Le amìche 'nfatte sò amìche quanne cambene jìnd'a nù e contribbuìscene a fà l'identità nòstre. Sheckley condinue a fà quìste cumbìte sù pure ca l'honne cremàte da timbe.
Saverio Soldani Attòre eclètteche e dicitòre fine.
Silvio Sosio Ùneche e inimitàbbele. Re de le Webmaster. Fòrse u realizzatòre italiàne de site web cchiù professionàle. Pò Deus Ex Machina du Fandom SF italiàne e creatòre de Fantascienza.com. Pe ggiunde, tande pe gradì, pensatòre lucidìsseme.
Sorin Repanovici June de le amìche mìje cchiù andìche in Romanì. Organìzze ogne anne n'evènde culturàle sop'a n'ìsule sperdùte ind'o Danubio, addò tòrne assà volendìre anne dope anne.
Tom Putzki Sviluppatòre de videogames, jè n'indivìdue de rara simbatì e intelliggènze, cu nu sènze de la realtà splèndete e immediàte. In cìnghe menùte jèrme già amìche pe la vite.
Ugo Malaguti Prète miliàre de la fantascienze italiàne, sìe accome autòre ca accome editòre. U prìme professionìste italiàne de la fantascienze ca sapì apprezzà le fatìche mìje ind'o cambe, assà prìme de cchiungue alde.
Valerio Evangelisti Granne scrittòre e crestiàne de intelliggènze acùte. June de le pochìsseme autòre italiàne vìve ca me piàsce leggè. E scusàteme ce jè pòche.
Vittorio Curtoni Autòre e curatòre de fantascienze, june de le archètipe de la fantascienze italiàne.
Yana Botsman Brillànde scrittrìce ucraìne de fantasy ca s'annàsconne nzìme a Dmitry Gordevsky drete a u pseudònime de Alexander Zorich.

Ce ve considerate particolarmènde relazionàte a me, e nan v'avìte acchiàte ndrà le link, nan ve facìte pigghià da u pàneche. E mànghe v'ambriacàte de gioia. A u màssime mannàteme na email cortèse. Ma prìme assecuràteve de tenè na homepage. E pò appecciàte la televisiòne. Picchè la televisiòne? Picchè tande l'avèssere appecciàte u stèsse.


Cèrte amìche m'honne date le link de le webcam lòre. Naturalmènde spèsse nan funziònene o nan ze vède nudde o se vèdene fòte de dìece anne fa, pròbbie accome sop'a la webcam mè in real time. Però, ce jè vère ca ce stà gènde ca vède chisà cè ind'a le fùnne du cafè o guardànne le nùvele, chisà ca quàccheduno nan ge ten n'illuminaziòne guardànne le immàggene de quìste presùnde webcam:

 

MaxCam

Max Morando in unreal time

 


Quìste lùche, supponènne ca quìste sìe nu lùche, jè sèmbe in costruziòne, pròbbie accome l'Universe. Segnàte quèsta pàgene ndrà le bookmark vuèstre e mettìte nu link a jèdde da pertùtte, pure sop'a màmme-ve. Pò usàte u cervìdde, devertìteve, suffrìte, addunàteve de èssece fìne a quanne putìte, amàteme e ce l'amòre vuèstre nan jè pròbbie de òttema qualità mannàteme cchiù prìme le sòlde, ce se pòte assà.

COPERTÌNE | ÌNDECE | BIOGRAFIA | LE SCRITTE MÌJE | FANTASCIENZE | IMMÀGGENE | | RASSEGNA STAMPA | BOOKSTORE | POSTER | POLÌTECHE | SATIRE | GUSTE | AMÌCHE | VARIA UMANITÀ | CONTRIBUÌSCE A LA VITE DE ROBERTO | CONDATTE | LINKS |

Photo of Roberto Quaglia Photo of Roberto Quaglia

Ce vulìte condattà quìste mutànde
ca cu u timbe cange la facce sò,
sapìte accome fà.

Ce nan ge u sapìte, CLICCATE QQUÀ

Ce pròbbie nan ge la facìte, scìtevìnne a fàrve benedìsce

Ùltema modìfeche, 12 ottòbre 2005

© 1995-2006 by Roberto Quaglia

Tùtte le teste e le immàggene ca stònne jìnd'a "Astounding Quagliaspace", pòtene èssere lètte, guardàte, adoràte, scarecàte sop'o computer, stambàte e appennùte ind'a la cammarèdde vòstre, e copiàte senza lìmete, SOLE PE ÙSE PERSONÀLE. Tùtte le teste e le illustraziòne sò propietà de Roberto Quaglia e nan ze pòtene usà sàne o pe pàrte senza permèsse. U progètte gràfeche e le componènde gràfeche de quìste pàgene sò propietà riservàte de Roberto Quaglia. Nudde de quìste pòte èssere mìse in vèndete o commercializzàte a nisciùn tìtele senza permèsse prìme.