Nun cundividu dû tuttu assai di li opinioni ca si tròvanu ’n stu libbru miu, pirchì ju sugnu sulamenti unu dî me stissi ca sacciu di essiri, e suprattuttu pirchì li me stissi ca hannu scrittu li opinioni ca nun cundividu dû tuttu su’ sulamenti certi dî me stissi ca la cchiù parti dî me stissi sannu di essiri. Nuiautri me stissi semu comunqui ’na bona società, pirchì ni divirtemu a ni rispittari a vicenna. V’invitu a vi divirtìri a li rispittari puru vuiautri, comu invitu a vuiautri e a cu’ si sia a si divirtìri a rispittari tutti li propri se stissi e li se stissi di l’àutri. Quannu esercitari lu rispettu è nu modu di si divirtìri, nun cumporta sacrifici e cunveni.
Unu dî Me Stissi di l’Auturi
