| N’àutra dichiarazioni di l’auturi |
|
Certi mei ringraziamenti infirisciu a chiddi umani di supiriuri prigiu ca scupriràiti, ’n nun rigurusu disordini antianalfabèticu, a ridossu dî nomi "Gigi Picetti", "Alessandro Testa", "Max Morando", pû cuntributu ca m’hannu furnutu ’n primu locu esistennu, ma chistu nun è mèritu d’iddi, e ’n secunnu locu avennu apprupriatamenti e sincronicamenti interagitu cu mia, cioè ju, ovveru l’auturi di stu libbru e di sti righi, accussì, a li effetti anagràfici, Roberto Quaglia, sustituennusi addirittura a mia ntô succitatu ruolu di auturi ’n tutti chiddi lettiri ca ju millantu di aviri scrittu puru avennu, a l’iniziu di ognuna d’iddi, oscuramenti allusu a nu misteriusu ruolu ca li summinziunati pirsunaggi avrìanu rivistutu ntâ redazioni dâ stissa, e chistu è mèritu d’iddi. Nun ci avìti capitu nenti? Megghiu accussì! L’impurtanti è ca l’àbbianu capitu iddi. È a iddi ca distinava certi mei ringraziamenti. Nun a vuiautri. E si puru iddi nun avissiru capitu... beh, ca mi lu dìcinu e ju ci lu spiegu a vuci. Ringraziu comunqui puru chiddi dui o tri àutri amici ca nun aju ccà minziunatu pû cuntributu ca puru iddi m’hannu furnutu esistennu, puru nun essennu chistu evidentimenti mèritu propriamenti d’iddi. D’àutra parti, nun è mancu mèritu miu.
|
