Questo l'è el prim liber "shareware" italian (e forsi del mond). Te el pagat domà dòpo avèll legiüü, se el t'è piasüü. Nagòtt l'è dovüü a l'autor se el liber el pias minga. A chiunque el ghe pias inveci ghe spetta el dovè de spedì a l'autor ona cifra proporzional al gradiment che del liber se n'è avüü.
Come se fà a controlà che quij a i qual el liber el pias dòpo pàghen denver? L'è sempliz: a controlà el provvedarà la coscienza del lettor istess. I lettor con scarsa coscienza, o con coscienza de bassa qualità, che se sènten minga vincolaa de sto vàlid imperativ ètich, hinn già staa pünii de la natüra a sufficienza, perché lor hinn mónch de stil, corretezza, dignità, onor, e tütt el rest che gh'hann o crèden de avèi el pò pü ajütàj. A quist, vess immónd, ona nòstra équipe de valent strighitt la se prodigarà in efficaci auspizzi de coccolon malign. I lettor ümanament corrett, rispettos del patt de onor che in sta pagina pòden sottoscriv, inveci gh'hann né mai gh'avarann nagòtt de temè, del faa e de la vita, perché lor appartègnen a la metà mej de la ümanità.
(dovüü de tütt quij a i qual l'è piasüü) | |
| Lettor Pòver | 5.000 lir |
| Lettor Medi | 10.000 lir |
| Lettor Benestant | 30.000 lir |
| Lettor Sostegnidor | de 100.000 lir in sü |
| ògni sostegnidor el ricevarà on misterios omagg internazional | |
Come pagà?
El sistema mej l'è con Paypal. In pòcch second te podet invià el tò contribüt in mòd sempliz e sigür.
Clicca ccà per proced.
Cifr piscinin pòden altrimenti vegnì spedii a l'autor anca in contant (dent in ona busta sarada, in mezz a on para de foeuj de carta per minga fà vedè che ghe hinn danee) al seguent indirizz:
Roberto Quaglia, Casella Postale 1433, 16100 Genova Centro
 |
 |
