B envegnûi inte ùnn-a de-e pàgine ciù vixitæ do Web. O l'é probàbile ch'no seggéi vegnûi chì de vòstra lìbera iniçiatîva, ma ch've gh'àbbian mandæ. O capìte. Probabilménte ve ô sêi meritòu. Raraménte quarchedùn o vêgne chì Affanculo pe sbàglio. Chi o v'à mandòu chì da niâtri o l'aviâ çèrtaménte avûo i seu ótimi motîvi. Ò fòrsci ve gh'êi inveçe mandæ da sôli. Ascì questo o capìte, ciù despésso de quànto se pénse. Tûtte e câuze són bónn-e pe finî Affanculo. Chì Affanculo (ò pûre "a Fanculo", cómme çèrti purìsti da léngoa prefêriscian) l'esploxón demogràfica a sorpàssa de tànto quélla di paîxi do tèrso móndo. Diferenteménte da-o tèrso móndo chì gh'é però ascì o problêma de l'immigraçión, ch'però contenporaneaménte o no l'é manco 'n problêma. Sémmo inte 'n lêugo sénsa frontêe, sénsa fìltri d'açèsso, che a bén pensâghe o no l'é manco 'n lêugo, ànche s'o gh'é e o l'é chì. Chiunque o intre chì drénto, ànche se dòppo o se ne sciòrte, idealménte o résta pe sénpre con niâtri. Affanculo o l'é o bûzo nêgro da societæ umànn-a italiànn-a, dôve quéllo ch'o intra o no sciòrte mâi ciù. Chì Affanculo no gh'é 'n càsso da fâ. Questo o l'é tìpico de Affanculo. A-o màscimo se se goàrda 'n pö in fàccia sénsa védise aspetàndo de crédde de no èse ciù chì. Cöse d'âtro o résta ancón da dî? Ninte. Se mâi quarcösa da dî o gh'é stæto. Se coscì o no fîse, no saiéiscimo Affanculo.
L'Azienda Autonoma di Soggiorno di Affanculo o v'aûgura 'n bón clàscico soggiórno da-e nòstre pàrti. Mandæ pûre chì Affanculo ascì i vòstri nemîxi ciù câi. No se ne pentiàn. De sòlito (a-o mànco coscì o l'é sénpre stæto finn'òua) chi o vêgne mandòu Affanculo raraménte o ghe va. Con Internet, ancheu, sto problêma o l'é rezòlto. Miràcolo de-e URL e di Link. Con Internet, ascì o ciù recalcitrànte o l'é costrétto a anâ dôve ô mandæ, ascì perché o se acòrze ch'ghe l'êi mandòu sôlo dòppo ch'o gh'é rivòu. Bónn-a permanénsa Affanculo, a vôtri e a-i vòstri mêno câi amîxi.

350.000 vixitatôri fìnn-a a Zenâ '99
Âtri 220.000 vixitatôri fìnn-a a Zenâ 2000
Atoalménte ghe són pressapöco 2000 vixitatôri a-o giórno.
Quànto ghe vorrâ a mandâ tûtti i italièn Affanculo?