Bänvgnó in óna däli pâgini pió viṡitè dal Web. L'é probâbil ch'an séppen brîṡa gnó qué ed vòstra lébbera iniziatîva, mo ch'i v âbien mandè. Al capita. Probâbilmänt av al sî meritè. Raramänt quelcdón al vén qué Affanculo par ṡbâli. Chi v'à mandè qué da nuèter al avrà certamänt avó i så ûtum motîv. O fårsi av i sî invêzi mandè da sål. Anc quasst al capita, pió spass ed quant as pénsa. Tótti äli cauṡ äli én bôni par finîr Affanculo. Qué Affanculo (oppure "a Fanculo", cme zêrt puréssta dla längua i preferéssen) l'esplusiån demogrâfica la supêra ed gran lónga cla di paîṡ dal têrz månnd. Diversamänt dal têrz månnd qué ai é però anc al problêma dl'imigraziån, ch'però a l'istàss tänp an é gnanc un problêma. A sän in un lågh sänza frontîr, sänza félter d'acès, ch'a bän pinsèregh an é gnanc un lågh, anc s'ai é ed l'é qué. Chiónqued al entra qué dänter, anc s'dåp al vén fòra, idealmänt al arèsta par sänper con nuèter. Affanculo l'é al bûṡ naigher dla societè umèna itaglièna, indóv quall ch'entra an vén fòra mâi pió. Qué Affanculo an ai é un câzz da fèr. Quasst l'é típich ed Affanculo. Al mâssim as s guèrda un påch in fâza sänza vàdders aspetänd ed crédder ed brîṡa èser pió qué. Csa d'èter arèsta ancåura da dîr? Gnínt. S'mâi quèl da dîr ai é stè. S'acsé an fóss, an srén brîṡa Affanculo.
L'Azienda Autonoma di Soggiorno di Affanculo av augûra un bån clâsich soggiåuren däli nostri pèrt. Mandè pûr qué Affanculo anc i våster nemîg pió chèr. An s in pintiràn brîṡa. Ed sòlit (almänc acsé l'é sänper stè fén adès) chi al vén mandè Affanculo raramänt ai va. Con Internet, incû, st'problêma l'é riṡôlt. Mirâcol däli URL e di Link. Con Internet, anc al pió recalzitrànt l'é custrét a andèr indóv a al mandè, anc parché al s adà ch'a s l avî mandè såul dåp ch'ai é arivè. Bôna permanänza Affanculo, a vuèter e ai våster manc chèr amîgh.

350.000 viṡitatûr fén a Żnèr '99
Èter 220.000 viṡitatûr fén a Żnèr 2000
Atualmänt ai é zérca 2000 viṡitatûr al dé.
Quant ai vrà a mandèr tótt i itagliàn Affanculo?